Isaiah 1:4 - Tedim Bible Revision 2017

⁴ Ah, a khial minam, mawhna in a nencip mite, siatna a bawlteʼ suanlekhakte, a gamtat sia tapate! Amaute in Topa nusia khin uh a, amaute in Israel-teʼ Siangtho Pasian simmawh khin uh hi. Amaute in lam khial khin taktak uh hi.

Tedim Bible

⁴ Ah, a khial minam, mawhna tawh a gik mite, siatna a bawlte’ suan leh khakte, a gamtatsia tapate! Amaute in Topa nusia khin uh a, amaute in Israelte’ Siangtho Pa simmawh khin uh hi; amaute in amah nungngat uh hi.

Isaiah 1:4 Referans Kwoze

Isaiah 5:24

Tua ahih ciangin mei in buhkung keute kaang tum a, meikuang sungah lopa keute a kattum bangin amauteʼ zung pen muat gawp dinga, amauteʼ pakpalhte leivui bangin vanah leeng to ding hi. Bang hang hiam cih leh amaute in Vanglian Topa’ thu nialin Israel-teʼ Siangtho Paʼ thu a simmawh uh hi.

Jeremiah 2:17

Israel aw, Topa na Pasian in lampi ah hong makaih laitakin amah na nusiat manin nang tungah hih bang teng hong tung hi lo ahi hiam?

Jeremiah 2:13

Bang hang hiam cih leh ka mite in mawhna nam nih a bawl zo uh hi. Nuntakna ciktui ahi keimah a hong taisan zo uh hi. Tuikhuk to tawm uh a, a tuikhuk tawh uh keu-in, tui a vung thei kei hi.

ROM (Romans) 8:7

Mi khatpeuh in ama pumpi deihna a ki-uksak ciangin Pasianʼ thukhamte zui lo ahih manin Pasianʼ gal suak a, a zuih nop hangin zong zui thei lo hi.

Mattiu 3:7

Ahi zongin Farisi mite le Saddusi mite tampi tak tui a kiphum dingin a hong pai a muh ciangin Johan in amaute kiangah, “Gul bangin ngian a zang note aw, a hong tung ding Pasianʼ hehna panin na suahtak theih nading uh kua in hong hilh khol ahi hiam?

Jeremiah 7:19

Topa in kong cih in ah, tua hangin gimna a thuak, kei hi zenzen ka hi hiam? Hi lo hi. Amauʼ zum nadingin amau mah in a thuak uh hizaw hi lo ahi hiam?

Jeremiah 2:19

Na gitlohna mah in nangmah hong thuhilh dinga, kei na hong up nawn lohna in nangmah hong mawhsak ding hi. Topa na Pasian nong nusia a, keimah nong kihtak nawn loh ciangin, nuam het loin kha velval hi, cih thu thei inla mu in, Vanglian Topa Pasian in ka hong ci hi.

Kolose 1:24

Tu-in ka pumpi-in ka thuakna tawh Khris in ama pumpi ahi pawlpi adingin a thuak ding a kisam lai teng a kitaangcingsak suak ka hih manin note adingin ka thuakna thu ah ka lung a dam hi.

1 KORIN MASA 10:22

A nih tuakah kihel khawm lehang Topa a heh nadingin a gamta ihi dinga, eite pen Topa sangin i hat zaw het kei hi.

Mattiu 23:33

Gul a bang miteʼ suanlekhak mite aw, hell khuk tun nading thukhenna panin a suakta dingin bangci-in kilamen thei na hi uh hiam?

Mattiu 11:28

“Na semin van gik pua-in a gim mite khempeuh aw, ka kiangah hong pai ta un. Note tungah lungsim tawldamna kong pia ding hi.

Ezekiel 16:33

Numei paktatte sum tawh kiguai a, ahi zongin nang in na lunggulhte tungah letsong pia zawsopin, nang a hong luppih dingin mun khempeuh panin mi na guai zaw hi.

Jeremiah 51:5

Bang hang hiam cih leh Israel le Judah mite Israel miteʼ Siangtho Pa tungah a khialh uh hangin, amauteʼ Pasian, Vanglian Topa in amaute taisan nai lo hi.

Jeremiah 50:29

“Babylon khua a sim dingin thalkap siam, thaltawi theite va sam un. Khuapi umcih unla, kuamah suaktasak kei un. Ama hihna tawh kituakin ama tungah hih un. Ama hih ngei bangmahin ama tungah bawl un. Bang hang hiam cih leh amah kisathei-in Topa ahi, Israel miteʼ Siangtho Pa a simmawh hi.

Jeremiah 7:26

ahih hangin amau in ka kamsangteʼ thu ngai loin, a bil uh hong ngat lo uh a, a lungsim uh a khauhsak uh hi. A pute a pate uh sangin a sia zaw uh hi.

Jeremiah 2:33

Na lawm ngaih ding na zon siam mahmah a, numei gilote nangawn a zia na hilh thei zen hi.

Jeremiah 2:31

No Israel mite aw, Topaʼ kammal limtakin ngai dih un. Israel-te adingin gamlak tawh kibang ngei ka hi hiam? A mial mahmah gam tawh kibang ngei ka hi hiam? Tua ahihleh bang hangin ka mite in, ‘Ko ka suakta uh hi; nang kiangah kong pai nawn kei ding uh hi,’ ci uh ahi hiam?

Jeremiah 2:5

Topa in hih bangin ci hi: “Na pute na pate uh kei kiang panin gamlapi ah pai khia-in, bangmahin a kimang lo milim peuh bia-in, amau mahmah zong bangmahin a kimang lo a suah khit nadingun kei tungah bang mawhna hong mu uh ahi hiam?

Isaiah 65:3

ka maitang ah a tawntungin kei hong hehsak denin, biakna huan sungah biakpiakna bawlin dawibiakna tau tungah paknamtui a hal mite,

Isaiah 41:20

Topa’ khut in hih nate bawl a, Israel-teʼ Siangtho Pa in hih nate piangsak hi, ci-in mite in mu-in a theih nading, a thu ngaihsunin a tel theih nading uh ahi hi.

Isaiah 41:16

Amaute na haih ding uh a, huih in amaute mut khia dinga, huihpi in amaute thehthang ding hi. Tua ciangin Topa’ hangin na lungdam ding uh a, Israel-teʼ Siangtho Paʼ hangin na minthang ding uh hi.

Isaiah 41:14

Lungno bang ahi lel Jakob, no Israel mite aw, lau kei un! Note kong huh ding hi, Topa in ci hi. Note hong honpa pen Israel-teʼ Siangtho Pa ahi hi.

Isaiah 37:23

Nang in kua zahko-in kua a simmawh na hi hiam? Nang in kuaʼ tungah na aw sangsakin kiphasak na hi hiam? Israel-teʼ Siangtho Pa, keiʼ tungah a hong tua ci na hi hi.

Isaiah 30:15

Bang hang hiam cih leh Israel-teʼ Siangtho Pa, Topa Pasian in, “Kiheikikna le khawlna bek tawh note in suahtakna na ngah ding uh hi. Daitakin omna le muanna pen nomauʼ thahatna hi ding hi,” a ci hi. Ahih hangin note na tua ci kei uh a,

Isaiah 30:9

Bang hang hiam cih leh amaute pen a lehdo mite, a zuau thei tapate, Topa’ thuhilhna a ngai nuam lo mite ahi uh hi.

Isaiah 29:19

Miʼ nopnehte in Topa’ sungah lungdamna thak ngah ding uh a, Israel-teʼ Siangtho Paʼ sungah mizawngte lungdam ding uh hi.

Isaiah 14:20

Nangmah in na gam susia-in, nangma mihingte that khin na hih manin, nang pen amaute tawh hong kivui khawm lo ding hi. Siatna a bawlpaʼ suanlekhakteʼ min kilo ngei nawn kei tahen!

Isaiah 10:6

Keima thu a ngaihsun lo minam le kei a hong hehsak miteʼ neihsa sutin laksakin, amaute pen kong lak buannawng bangin a tuancil dingin amaute sawlin thu ka pia hi.

Isaiah 3:8

Bang hang hiam cih leh amaute khempeuh le amauʼ gamtatnate in Topa langpangin amah dem uh ahih manin Jerusalem khua kipukin Judah gam kia hi.

Isaiah 1:23

Na uliante, mi lehdote hi a, gutate tawh a kikhawlte ahi hi. Mi khempeuh in sumgolh le letsong a deih uh hi. Amaute in pa nei lote panpih lo uh a, meigongnuʼ thu amaute in sang lo uh hi.

Late 89:18

Kote a hong hu Topa hi a, Israel-teʼ Siangtho Pasian nangmah in ka kumpipa uh nong pia hi.

Late 78:40

Amaute in gamlak ah amah lehdo zelzel uh a, sehnel gam sungah amah dahsak uh hi.

Late 58:3

Migilote a khantawnun khial uh hi. A suah tung mahun lam khial pah uh a, zuau thu gen uh hi.

Thukhente 10:10

Tua ciangin Topa tungah Israel-te kiko uh a, “Nang tungah kong khial khin uh hi; bang hang hiam cih leh kote in ka Pasian uh nusia-in Baal-te ka bia uh hi,” a ci uh hi.

Thu-hilhkikna 32:19

“Topa in tua thu thei a, a tapate le a tanute in amah hehsak uh ahih manin tua ama tate a nolh hi.

Thu-hilhkikna 31:16

Tua ciangin Topa in Moses kiangah, “En in, na pu na pate kiang a zuan ding na hi ta hi. Nang na om nawn loh ciangin hih mite pen na paina uh mite lakah a gam sung pasian-te uh tawh paktat ding uh a, amaute in kei hong nusia-in amaute tawh ka bawl ka thuciamna uh siasak ding uh hi.

Thu-hilhkikna 29:25

Tua ciangin mite in, ‘Amah in Egypt gam panin a paikhiatpih lai-in amaute tawh a bawl, a pu a pate uh Pasian ahi Topaʼ thuciamna amaute in nusia-in,

Gamlak-vakna 32:14

En un, Israel mite tungah Topaʼ hehluatna a khangsak to lai dingin, na pu na pate uhʼ tangin hong khang na hi uh hiam!

Piancilna 13:13

Tua laitakin Sodom mite migilo hi a, Topaʼ tungah nakpi takin a khialte ahi hi.

Mangmuhna 18:5

Ama mawhna in van ban a, a gamtat hoih lohnate Pasian in phawk gige hi.

Isaiah 12:6

Zion-a teeng mite aw, nomauʼ lakah Israel-teʼ Siangtho Pa lianin om ahih manin lungdamin awng unla, lungdamin la sa un,” a cih hun uh hong tung ding hi.

Nehemiah 1:7

Nangma tungah kong khial khin uh a, na nasem pa Moses tungah na piak ahi thupiaknate, thukhamte le ngeina kipte ka zui kei uh hi.

Late 71:22

Ka Pasian aw, na thumannate hangin kei zong harp lasakna tawh nangmah kong phat ding hi. Israel-teʼ Siangtho Pa aw, laiza lasakna tawh nangmah phatna ka sa ding hi.

Isaiah 1:28

Ahih hangin a lehdo mite le a khial mite kisusia khawmin Topa a nusiate pen kibeisak mang ding hi.

Isaiah 9:17

Tua ahih ciangin amauʼ tangvalte tungah Topa lungdam lo a, pa nei lote le a meigong numeite uh tungah hehpihna nei lo hi. Bang hang hiam cih leh mi khempeuh pen Pasianʼ thu a khual om loin siatna a bawl vive hi a, kam khempeuh in haina thu a gen uh hi. Hih thute khempeuh hangin ama hehna dam zo nai lo a, ama khut kizanlai hi.

Isaiah 31:2

Ahih hangin amah pilin gimna tungsak a, thu a gen sate dokkik loin, siatna a bawl mite le mawhna nasep a seppihte gim a pia hi.

Isaiah 57:17

Amauʼ huaiham-mawhna hangin ka heh mahmah a, ka hehna lungsim tawh amaute gim pia-in ka nusia hi. Ahih hangin amaute a lungsim uh khauhin, a gamtat ngei bangun gamta lai veve uh hi.

Isaiah 58:2

Amaute pen, thumanin a gamta, amauʼ Pasianʼ biakna ngeina kipte a nusia lo minam bang keekin nisimin amaute in kei hong zong uh a, keima lampi a thei nuam uh hi. Amaute in keima kiang panin thukhenna man hong ngen uh a, Pasianʼ kiang hong nai nuam uh hi.

Isaiah 65:11

“Ahih hangin kei a hong nusia, ka mual siangtho a mangngilh, Gad pasian adingin sabuai phahin, Meni pasian adingin zu hel sa hai sungah a dim note pen,

Jeremiah 15:6

Nangmah in kei nong taisan zo hi, Topa in kong ci hi. Kei nong nungngat niloh hi. Tua ahih manin ka khut zanin nang kong susia hi. Ka hehna ka ki-ip zo nawn kei hi.

Jeremiah 32:32

Bang hang hiam cih leh Israel mite le Judah mite, a kumpite uh le a kumpi uliante uh, a siampite uh le a kamsangte uh a kipan Judah mite le Jerusalem khua mite khempeuh in kei hong hehsak nadingin siatna a bawl uh hi.

Ezekiel 14:5

Tua milimte in keima kiang panin Israel mite paikhiatpih uh a, ahi zongin tua bangin ka dawnna tawh kei lamah ka mite ngahkik dingin ka kilamen hi.

Ezekiel 16:45

Nang pen na nuʼ ta taktak na hi hi. Na nu in a pasal le a tate mudah hi. A pasalte uh le a tate uh a mudah na sanggam numeite mah tawh na kibang hi. Nang le na sanggam numei ahi khuapi dangte in nu-in Hit mi nei-in, pa-in Amor mi na nei uh hi.

Daniel 9:11

Israel-te khempeuh in na gen sa thute le na thukhamte khempeuh a palsat khinzo uh hi. Na tungah khialhna kong bawl manun, na nasem Mosesʼ thukham sunga kigelh bangin koteʼ tungah samsiatna a hong tung hi.

Zefaniah 1:6

Lam pialin, kei hong zui nawn lote, thu dong dingin kei kiangah hong pai nawn lote, ka susia ding hi,” a ci hi.

Paikhiatna 32:7

Topa in Moses kiangah, “Pai suk in; bang hang hiam cih leh Egypt leitang panin nangmah in na paikhiatpih toh mite amau kisiasak uh hi.

Thu-hilhkikna 32:5

Ama tungah amaute gamtat sia uh a, amauteʼ sitbaanna hangin ama tate hi nawn lo uh hi. Amaute pen a lampial, a lungsim kawi khang mite ahi uh hi.

2 KUMPI NIHNATE 21:22

Amah in a pu a pateʼ Pasian, Topa nusia a, Topaʼ lampi tawn lo hi.

2 KHANG TANGTHU NIHNATE 12:1

Rehoboamʼ ukna kipin a thahat ciangin, amah a kipan amah tawh a om Israel mi khempeuh in Topaʼ thukham nusia uh hi.

2 KHANG TANGTHU NIHNATE 27:2

A pa Uzziah hih sa khempeuh bangin Topaʼ mitah a man gamta hi. Ahih hangin a pa bangin Topaʼ biakinn sungah amah va mawk lut lo hi. Ahih hangin mite in a sia gamtatnate zui lai uh hi.

Late 78:41

Amaute in amah ze-et kikkik uh a, Israel-teʼ Siangtho Pasian a phin uh hi.

Late 78:57

a pu a pate uh mah bangin kihei khia-in a zuau gamtat uh hi. Thal gina lo bangin amaute a kihuiheek uh hi.

Isaiah 30:1

Topa in, “Keiʼ ngimna hi lopi-in thu vaihawmna a sem khia, keiʼ lungsim lopi-in kipawlna dang a bawl manun khialhna a bawl thuahthuah; keimah thu hong dong lopi-in Faroʼ hutna sung a beel ding le Egyptʼ liahna a zong dingin Egypt gamah pai suk dingin a kuan khia, a lehdo mite in gimna ngah tahen.