Isaiah 1:25 - Tedim Bible Revision 2017

²⁵ Note tungah na kong sem dinga, meikhuk ah haltui bangin na saam-ek teng uh tui khiasakin, na kihel pih na nin khempeuh uh ka la khia ding hi.

Tedim Bible

²⁵ Note kong langpan ding a, meikhuk-a haltui bangin na saam-ek teng uh tuikhia sakin, na kihelpih na nin khempeuh uh ka lakhia ding hi.

Isaiah 1:25 Referans Kwoze

Malakhi 3:3

A ninte kaang tumsakin, ngunte a siangsak pa bangin thukhen dingin hong pai ding hi. Ngun le khamte a kisiansak bangin amah in Levi suanlekhak ahi siampite siangsak ding hi. Tua ciangin Topaʼ tungah a kilawm biakna a pia ding uh hi.

Jeremiah 9:7

Tua ahih manin Vanglian Topa in a cih in ah, “En un, amaute a siantho nadingun suangtui-in ka ze-et ding hi. Tua lo ka mite bang cih nawn ding ka hi hiam?

Isaiah 1:22

Jerusalem khuapi aw, ngun tang na bang ngei a, tu-in ahihleh ngun-ek na suakta hi. Leenggahzu limci na bang ngei a, tu-in ahihleh tui mawkmawk na bang ta hi.

Zefaniah 3:11

Tua hun ciangin ka mite in kei nong lehdona hangun maizum nading bangmah om nawn lo ding hi. Note lak panin a kiphasak, a kihisak mite ka hawl khia dinga, Jerusalem khua-a ka mual siangtho tungah kei nong lehdo nawn kei ding uh hi.

Ezekiel 22:22

Meiphual sungah ngunte a kituisak bangin Jerusalem ah note hong kibawl ding hi. Tua ciangin keima hehna a thuak na hih lam uh na thei ding uh hi,” a hong ci hi.

Ezekiel 20:38

Note lak panin a lehdo thei mite le kei tungah hong mawh mite ka la khia ding hi. Tu laitakin a om pakna uh gam panin ka la khia dinga, ahi zongin Israel gamah ka ciahsakkik kei ding hi. Tua ciangin Topa ka hihna thu na thei ding uh hi,” a hong ci hi.

Jeremiah 6:29

Nakpi takin pum a kizap hangin a ekte tui thei lo a, luang khia thei lo hi. Pum a kizapzap hangin a mawkna a suak hi. Bang hang hiam cih leh migilote om lai veve hi.

Mangmuhna 3:19

Ka it mite thuhilhin ka taii hi. Tua ahih manin lungsim tak tawh na mawhna panun kisikkik un.

Mattiu 3:12

Amah in a khut ah anzapna tawi-in a ante zap a, a taksate khawmin a ansal sungah koih dinga, a ansite ahihleh a mit ngei lo mei sungah a khul ding hi,” ci-in thu a hilh hi.

Ezekiel 22:20

Mite in ngun, sumngo, sik, hak le dalte kaikhawmin a tuisak dingun meikhuk sungah a khul bangin ka hehna tawh note hong kaikhawmin kong tuisuaksak mang ding hi.

Thu-hilhkikna 32:43

Topaʼ mite phat un, no minam dangte aw; bang hang hiam cih leh amah in a nasemteʼ phu la a, a langte thuk-in, ama miteʼ gam adingin kilemna a bawl hi,” a ci hi.

Late 119:119

Leitung a migilote khempeuh sik-ek bangin na ngaihsun hi. Tua ahih ciangin na teci pannate ka deih hi.

Isaiah 27:9

Israel in suang tawh a kibawl biakna tau khempeuh suangkang satvui a batsak ciangin Asherah milimte le paknamtui taute a ding lai om nawn lo hi. Hih thu hangin Jakobʼ mawhna kimaisakin a mawhna kilak khiatsak hi.

Ezekiel 22:19

Tua ahih ciangin Topa Pasian ahi keimah in ka genin ah: Note, tua ngun-ek bangin na kimanna uh om nawn lo ahih manin Jerusalem ah kong kaikhawm ding hi.

Jeremiah 9:6

Siatna khat khit siatna khat, a banbanin gamta uh a, zuau zong a phuakphuak uh hi. Kei hong thei nuam lo uh hi, Topa in a ci hi.