Isaiah 1:21 - Tedim Bible Revision 2017

²¹ A thutak, thutang tawh a kidim ngeisa khuapi, bangci-a a paktat numei tawh kibang ta ahi hiam? Ama sungah thumanna omngei napi-in tu-in mi thatte bek a om ta hi.

Tedim Bible

²¹ A thutak khuapi, thutang tawh a kidim ngeisa, bang ci-a a paktat numei tawh kibang ta ahi hiam! Ama sungah thumanna om ngei a, ahih hangin tu-in mi thatte bek a om hi.

Isaiah 1:21 Referans Kwoze

Mangmuhna 11:8

singlamteh tungah amauteʼ Topa a kithahna mun Sodom ahih kei leh Egypt minkhem a pua khuapi kongzing ah a luanghawm uh kipaidak ding hi.

Mangmuhna 11:2

Ahi zongin biakinn pualam tualte teh kei in. Minam dangteʼ khut sungah kipia khin a, amaute in kha sawm li le nih sung Khuapi Siangtho tuancil gawp ding uh ahih manin tua a tualte teh loin nusia lel in.

Hebru 12:22

Ahi zongin note pen Zion Mual, a nungta Pasianʼ khuapi, vantung Jerusalem, sim zawh loh vantung mite a omna,

Sawltak 7:52

I pu i pate in kamsang a bawlsiat loh khat beek om lo hi. Pasianʼ deihna bangin a gamta a Nasem pa a hong pai nading thu a gen khol Pasianʼ kamtaite na that uh a, tu-in note in tua nasem pa leh hekin na that leuleu uh hi.

Luka 13:34

“Jerusalem, Jerusalem aw, kamsangte na that a, Pasianʼ hong sawl kamtaite na deng lum hi. Akpi in a kha tawh a note a huai mah bangin na mite ka huai nuam tawntung a, ahi zongin na ut kei hi.

Zekhariah 8:3

Ka khuapi siangtho Jerusalem ah ciahkikin ka teeng ding hi. A citak khuapi, ci-in minthang dinga, Vanglian Topaʼ mual pen mual siangtho kici ding hi.

Hosea 11:12

Topa in hih bangin ci hi: Israel mite in zuauna le khemna bekbek tawh kei hong khuhcip uh hi. Judah mite in zong a citak a Siangtho Pa keimah hong langpang lai uh hi.

Jeremiah 3:1

“Mi khat in a zi ma henla, tua nu in zong amah nusia-in, midang khatʼ zi va suak leh, a pasal masa in tua nu lakik thei ding ahi hiam? Tua gam teng a ninsak khin suak ding hi lo ahi hiam? Nang pen numei paktat suakin mi tampi tak tawh kingai khinzo napi-in, tu-in kei kiang hong zuankik ding na hi hiam, Topa in kong ci hi.

Isaiah 48:2

Note tua bang hi napi-in, khuapi siangtho sungah a teeng mite ihi a, Israel Pasian i muang hi. Ama min pen Vanglian Topa ahi hi, ci-in kisaktheihna-in na nei zaw lai uh hi.

Isaiah 5:7

Bang hang hiam cih leh Vanglian Topa’ leenggui lo pen Israel mite hi a, Judah mite pen lungdamna tawh a suan kungte ahi hi. Amah in thutang lamen a, ahih hangin sisan luanna om hi. Thumanna lamen a, ahih hangin kahna om hi.

Late 48:8

Ka zak sa bangun Vanglian Topaʼ khuapi, i Pasianʼ khuapi, Pasian in a phuhkip ngitngetna ka mu khin uh hi.

Late 48:1

Topa lian a, i Pasianʼ khuapi sungah nakpi takin phat ding ahi hi.

Late 46:4

Sangpen paʼ teenna khua siangtho, Pasianʼ khuapi, a lungdamsak gun khat a om hi.

Nehemiah 11:1

Tua ciangin Jerusalem ah mi makaite teeng uh hi. Tua lo midang teng, amauʼ lak pan mi sawm-ah-khat, khuapi siangtho Jerusalem ah a teeng ding aisanna tawh kiteel uh a, a om lai mi sawm ah kuate ahihleh khuapi dangte ah om uh hi.

2 KHANG TANGTHU NIHNATE 19:9

Tua ciangin amah in amaute thuhilh a, “Topa zahtakna, cihtakna le na lungsim khempeuh uh tawh hih bangin na hih ding uh hi:

2 SAMUEL NIHNA 8:15

Tua ahih ciangin David in Israel-te khempeuh uk a, a mite khempeuh tungah thutang le thuman a zang hi.

Mangmuhna 17:1

Tua ciangin hai sagih a tawi vantungmi sagihte sung panin kei kiangah khat hong pai a, “Hong pai in; gun tampi gei ah a kilam a paktat mahmah khuapi gimna a kipiak zia ding kong lak ding hi.

Isaiah 1:22

Jerusalem khuapi aw, ngun tang na bang ngei a, tu-in ahihleh ngun-ek na suakta hi. Leenggahzu limci na bang ngei a, tu-in ahihleh tui mawkmawk na bang ta hi.

Isaiah 59:3

Bang hang hiam cih leh na khutte uh mi thahna sisan tawh nin a, na khutmete uh mawhna tawh a nin hi. Na mukte un zuau thu gen a, na leiite un gitlohna thu a gen hi.

Isaiah 59:14

Thutang kihawl khia a, thuman in hong naih thei lo hi. Mihonpiteʼ kikhopna munah thuman kizang lo a, thutang tum thei lo hi.

Isaiah 59:15

Thuman om lo lua ahih manin siatna a pelh mipa pen mihai-in kingaihsun zawsop hi. Topa in hih thu mu a, thutang om lo ahih manin amah lungkim lo hi.

Hosea 2:5

A nu uh a paktat hi a, tua ahih manin amaute a paii numei, zumna mel thei loin a gamta ahi hi. Amah in, “Ka it pasal dangte kiangah ka pai ding hi. Amaute in anletui, samul puan le saihadial puan, oliv thau le zu hong pia uh hi,” a ci zaw lai hi.

Habakkuk 1:4

Thukham in thu nei zo loin a mawkna suak a, thu a manin kisem ngei lo hi. Thutang thute kilehhei-in, migilote in thuman mite zo zawsop hi.

Isaiah 26:10

Migilote tungah nangmah na migit hangin a manin gamtat ding theithei tuan lo uh a, lungsim thutang miteʼ gam sungah amaute in khialhna bawl lai veve uh hi. Amaute in Topa’ minliatna hong phawk nuam lo uh hi.