Isaiah 1:20 - Tedim Bible Revision 2017

²⁰ Ahih hangin note in kei hong nialin na hong lehdo uh leh namsau in note hong vatmai ding hi. Bang hang hiam cih leh Topa in hih thu gen khinzo hi,” a ci hi.

Tedim Bible

²⁰ Ahih hangin note in kei hong nialin nong lehdo uh leh namsau in note hong vatmai ding hi; bang hang hiam cih leh Topa in hih thu gen khin zo hi.”

Isaiah 1:20 Referans Kwoze

Isaiah 65:12

namsau tawh a si dingin ka hong seh dinga, hong that dingteʼ mai ah na ngawng uh na dawh ding uh hi. Bang hang hiam cih leh kong sap ciangin note in nong dawng kei uh a, thu ka gen ciangin nong ngai kei uh hi. Keima thu man loh ding mah na ut zaw uh a, a sia na gamta uh hi.

Isaiah 58:14

keimah biakna hangin lungdamna na ngah ding uh a, leitung khempeuh ah pahtawina kong ngahsak ding hi. Na pu uh Jakob tungah ka piak leitang luahin nuam na sa ding uh hi. Topa ahi keimah in hih thu ka gen khin hi, a ci hi.

Isaiah 40:5

Topa’ kam in gen khin ahih manin, Topa’ minthanna vang hong kilang dinga, mi khempeuh in mu khawm ding uh hi,” a ci hi.

Isaiah 3:25

Na mite, namsau tawh si ding uh a, a vanglian na mite, gal sungah kisia ding uh hi.

Isaiah 3:11

Migilo in gimna ngah tahen! Midang tungah a gitloh gamtatna tawh kizui-in ama tungah kithukkik ding ahih manin ama tungah thu sia ding hi.

Gamlak-vakna 23:19

A zuau dingin Pasian pen mihing hi lo a, a kisik dingin mihingʼ tapa hi lo hi. Amah in gen khin hi; a gen bangin hih lo ding ahi hiam? Amah in ci khin hi; a cih bangin tungsak lo ding ahi hiam?

Micah 4:4

A kuamah peuh lungnuamin a leenggui phung le a theikung nuai ah tu hithiat dinga, kuamah in patausak nawn lo ding hi. Bang hang hiam cih leh Vanglian Topa mahmah in hih thu hong gen khinta hi.

1 SAMUEL MASA 12:25

Ahih hangin note na gamtat siat lai uh leh, note le na kumpipa uh, na nihun hong kiphiat khia ding hi,” a ci hi.

Siampi Laibu 26:33

Keimah in minam dangte lakah note kong thehthang dinga, keimah in namsau a paai panin dokin note kong delh ding hi. Na leitang uh gamkhing suak dinga, na khuapite uh a sia hi ding hi.

1 SAMUEL MASA 15:29

Israel-teʼ minthang Pasian in zong zuaugen lo dinga, zong kisik lo ding hi; bang hang hiam cih leh a kisik dingin amah mi hi lo hi,” a ci hi.

1 SAMUEL MASA 12:15

Ahih hangin note in Topaʼ aw ngai loin Topaʼ thupiakna na langpan uh leh Topa in note le na kumpipa uh hong langpan ding hi.

Isaiah 8:6

“Hih mite in dam takin a luang didi Shiloah tuite nial uh a, Rezin le Remaliahʼ tapaʼ mai ah launa tawh liingliang uh hi.

Isaiah 34:16

Topa’ laibu sung panin zong unla hih thu sim un. Hih ganhingte khempeuh khat beek zong mangthang lo dinga, lawm sam khat zong om lo ding hi. Bang hang hiam cih leh Topa in thu pia khinzo a, a mahmah in amaute kaikhawm ding hi.

Jeremiah 4:17

Judah gam in kei hong langpan ahih manin lohongte bangin a galte in a kimkot ah a pang dimdiam uh hi, Topa in kong ci hi.

Jeremiah 17:27

Ahih hangin ka thu nong ngaih kei uh a, Sabbath ni siangthosak loin, Jerusalem khua kongpite ah van pua-in nong lutpih uh leh, tua kongpite ka hal ding hi. A mei in Jerusalem khua kumpi innte lawhin kaang tum dinga, a mei a kiphelh zo kei ding hi,’ va ci in,” hong ci hi.

Jeremiah 21:8

Topa in Jeremiah hopih a, “Jeremiah aw, hih mite kiangah, ‘Topa in a cih in ah: En un, na mai uh ah nuntakna lampi le sihna lampi ka khung hi.

Jeremiah 26:4

Nangmah in amaute kiangah, ‘Topa in hih bangin ci hi: Note in ka thu hong ngai loin, note mai-a kong lah sa ka thukham bangin na gamtat kei uh a,

Jeremiah 46:14

“Egypt gam le Migdol khua ah va gen in. Memfis khua le Tahpanhes khua ah va taangko in: ‘Kiging sa le kithawi sa-in om un; bang hang hiam cih leh namsau tawh note hong kithat khin ding hi,’ va ci in.

Paikhiatna 9:2

Bang hang hiam cih leh nang in amaute paisak ding nialin amaute na let lai leh,

Siampi Laibu 26:25

Keimah in, thuciamna om sa bangin phulakna na a sem ding namsau khat noteʼ tungah kong tungsak ding hi. Na khuapi sung uh ah note na kikaihkhop uh leh zong keimah in noteʼ lakah natna kong tungsak dinga, na galte uh khut sungah note hong kipia ding hi.

JOB (Job) 36:12

Ahi zongin ama thu mang kei le-uh, namsau tawh si ding uh a, misiteʼ gam zuan ding uh hi.