Isaiah 1:15 - Tedim Bible Revision 2017

¹⁵ “Thungenin na khutte uh nong zaak uh ciangin note kong en kei dinga, thu tampi na nget uh hangin keʼn ka ngai tuan kei ding hi. Bang hang hiam cih leh sisan tawh noteʼ khut kidim hi.

Tedim Bible

¹⁵ Thu ngenin na khutte uh nong zaak uh ciangin note kiang pan ka mai ka seel ding a, thu tampi na nget uh hangin, ke’n ka ngai tuan kei ding hi; bang hang hiam cih leh note’ khut in sisan tawh kidim hi.

Isaiah 1:15 Referans Kwoze

Micah 3:4

Topaʼ tungah huhna ngenin na kiko hun uh hong tung dinga, ahi zongin amah in note hong dawng lo ding hi. Note gamtat sia na hih manun, na ngetna uh hong ngai lo ding hi.

Paunak 1:28

Tua bang hun ciangin kei nong sam ding uh a, ahi zongin kong dawng kei ding hi. Limtakin kei nong zong ding uh a, ahi zongin koi mahah nong mu kei ding uh hi.

Zekhariah 7:13

Amaute ka hopih ciangin hong ngai nuam lo uh hi; kei zong amauteʼ hong thungetna ka ngai kei ding hi, Vanglian Topa in ci hi.

Jeremiah 14:12

An a tan uh hangin amauʼ thumna ka ngai kei dinga, meihal biakna le an tawh biaknate hong piak uh hangin ka sang kei ding hi. Amaute namsau tawh ahi zongin, kial tawh ahi zongin, pulnatna tawh ahi zongin ka sisak zaw ding hi,” hong ci hi.

Late 66:18

Ka lung sungah mawhna kem leng, Topa in keima thu hong ngai lo ding hi.

1 KUMPI MASATE 8:22

Tua ciangin Israel a kikhawmte khempeuh a omna Topaʼ mai ah Solomon dinga, vantung lamah a khutte zak hi.

Isaiah 58:7

Na an uh a gilkialte tawh nekhawm unla, inn nei lo a zawngte na inn sung uh ah paipihin, tangguakin a om mite puan silhsakin, na mipihte uh kiang panin bu lo ding hi lo na hi uh hiam?

Late 55:1

Pasian aw, ka thungetna hong ngai inla, ka hong thumna panin nangmah bu kei in.

JOB (Job) 27:20

Lauhuaina in tuikhang pak bangin nawk gawp dinga, zan ciangin huihpi in amaute mut khia mang ding hi.

1 KUMPI MASATE 8:54

Tu-in Solomon in hih thungetna le thumnate khempeuh Topaʼ tungah a bawl khit ciangin, vantung lamah a khutte a zan sa-in a khukdinna mun Topaʼ biakna tau mai panin amah ding to hi.

Mattiu 23:13

“Mihoih a kineihkhem, no Thukham hilh siate le Farisi mite in gimna na thuak ding uh hi. Note in vantung ki-ukna sungah mite a lut theih loh nadingin kong na khakcip uh hi. Note lah na lut nuam kei uh a, a lut nuamte lah na lutsak kei uh hi.

Mattiu 6:7

“Thu na nget uh ciangin i thunget sau leh Pasian in hong pia deuh ding hi, ci-in a ngaihsun Gentail mite bangin khiatna a nei tum lo kam tampi na luilui kei un.

1 TIMOTI MASA 2:8

Mun khempeuh ah a om pasal khempeuh in kuamah tawh kitotna le lungsim kinopmawhna nei het loin, lungsim siangtho tawh a khut uh lamin thu a nget ding uh ka deih hi.

Isaiah 8:17

Jakobʼ innkuanteʼ kiang panin a maitang a seel Topa ngakin amah ka muang ding hi.

Late 134:2

Siangtho mun lamah na khutte uh laam to-in Topa phat un.

Ezra 9:5

Tua hi a, nitak biakpiak hun ciangin khua phawkkikin ka puan kekpi mah silh kawmin khukdinin Topa Pasianʼ lamah ka khut zakin,

Johan 9:31

Pasian in thukham a palsat miteʼ thu ngai lo a, amah bia-in, ama deih bangin a gamta miteʼ thu ngai hi, ci-in ko ka thei uh hi.

Paikhiatna 9:29

Moses in ama kiangah, “Khuapi panin ka paikhiat khit phetin Topaʼ lamah ka khut ka zan ding hi. Leitung pen Topa aʼ hi, ci-in na theih nadingin vanging tawpin gialpi om nawn lo ding hi.

JOB (Job) 35:13

Ngetnget, gengen, a phattuamna bangmah om lo hi. Vanglian Pasian in na mu lo, na ngai lo hi.

Isaiah 45:15

A taktakin, Israel-teʼ Pasian, Honpa pen, a mahmah a bucip Pasian ahi hi.

Isaiah 58:4

Note in a kitawng ding, a kilaii ding, gitloh gamtatin, khuttum tawh a kitum ding bekin an na tang uh hi. Hih bang lelin antanna tawh na thungetna uh hong kingai ding ahi hiam?

Isaiah 64:7

Tua ahih ciangin nangmah a hong pom dingin a hanciam tawm, nangma min a lo kuamah om lo hi. Bang hang hiam cih leh kote kiang panin nang in na maitang na seel a, mawhna khut sungah kote na hong pia hi.

Jeremiah 4:31

Nau a suak ding numei a kiko bang khat ka za a, tacil a suak numeiʼ tauna tawh kibang hi. Zionʼ tanu husam liangin a kikona aw na hi a, a khut tegel zakin, “Gimna ka thuak ding hi. Kei hong that ding uh hi,” a ci hi.

Jeremiah 11:11

Tua ahih ciangin Topa in kong cih in ah, en un, a pelh theih loh uh gimna amauʼ tungah ka tungsak dinga, kei kiangah a hong kap liang uh zongin ka dawng nawn kei ding hi.

Ezekiel 11:6

Hih khua sungah mi tampi tak that na hih manun kongzing khempeuh ah si luanghawm kidim hi.

Ezekiel 14:3

“Mihing ahi Ezekiel aw, hih mite in milim bia uh a, milim in mawhna sungah amaute tunpih hi. Amauteʼ thu theihnopte a gen dingin hong um uh ahi uh hiam?

Ezekiel 39:23

Tua ciangin kei tungah hong khialhna uh hangin Israel mite sal suak uh a, amaute nungngatin, a galte uh khut sungah pia-in gal sungah a vekun a sisak ka hihna,

Hosea 5:6

Topa tungah biakna-in piak dingin a tuute uh le a bawngte uh paipih ding uh a, ahi zongin a mawkna suak ding hi. Topa in amaute nusia khin ahih manin amah mu zo lo ding uh hi.

Paunak 6:17

kihihsakna, zuau thu genna, mawhnei lo mi thahna,