Isaiah 1:10 - Tedim Bible Revision 2017

¹⁰ Sodom a uk mangte aw, Topa’ thu na za un! No Gomorrah mite aw, i Pasianʼ hihna na ngai un!

Tedim Bible

¹⁰ Sodom a uk mangte aw, Topa’ thu za un! No Gomorrah mite aw, i Pasian’ hilhna ngai un!

Isaiah 1:10 Referans Kwoze

Mangmuhna 11:8

singlamteh tungah amauteʼ Topa a kithahna mun Sodom ahih kei leh Egypt minkhem a pua khuapi kongzing ah a luanghawm uh kipaidak ding hi.

Ezekiel 16:49

Na sanggamnuʼ mawhna pen: Amah le a tanute in nek ding tampi nei-in nuamsa mahmah in, daitakin om uh ahih manin amaute kiphasak uh a, a zawng a cimawhte don lo uh hi.

Amos 9:7

Topa in hih bangin ci hi: Israel mite aw, Ethiopia mite tawh a kibangin note kong bawl a, Egypt gam panin note kong paikhiatpih bangin, Kaftor gam panin Filistia mite ka paikhiatpih a, Kir gam panin Syria mite ka paikhiatpih hi.

Ezekiel 16:46

Na unu pen leilu lam a om Samaria le a khuaneute ahi hi.

Jeremiah 23:14

Ahih hangin Jerusalem khua sunga om kamsangteʼ sungah a mulkimhuai zaw na khat keʼn ka mu hi. Angkawmin zuau thu gen uh a, mite a gitlohna uh pan a kikhel loh nadingin mihoih lote a hanthawn zaw lai uh hi. A vekpi-un keiʼ muhna ah Sodom khua mite tawh kibang khin ka sa a, Gomorrah khua mite tawh zong kilamdang lo uh hi.

Isaiah 3:9

Amauʼ maipuak in amauʼ langah teci pang hi. Sodom bangin amaute a langtangin gamta uh a, amaute in im lo uh hi. Amaute in gimna ngah tahen! Bang hang hiam cih leh amaute in amauʼ tung mahah siatna kitun uh hi.

Thu-hilhkikna 32:32

Amaute, Sodom le Gomorrah bangin siahuai uh a, gu nei-in a kha leenggah a gah leenggui tawh kibang uh hi.

ROM (Romans) 9:29

Hih thu pen Isaiah mah in, “Vanglian Topa in eiteʼ suanlekhak ding hong siitsak lo hileh Sodom khua le Gomorrah khua mite i bang ding hi,” ci-in a gen kholh sa thu ahi hi.

Amos 3:8

Humpinelkai a hawk ciangin lau loin ki-om thei ahi hiam? Topa Pasian in thu a gen ciangin kua in ama thu gen loin om thei ding ahi hiam?

Amos 3:1

Israel mite aw, noteʼ lang khat a Topaʼ thugen, hih thu limtakin ngai un: Egypt gam panin na minam bupun note kong paikhiatpih hi.

Jeremiah 9:26

Egypt mite, Judah mite, Edom mite, Ammon mite, Moab mite le a sam uh a mettom sehnel gam a omte khempeuh zong gim ka pia ding hi. Bang hang hiam cih leh hih gamte khempeuh in a vun uh at lo uh a, Israel mi khempeuh zong a lungsim sung uh ah vun at lohpi ahi uh hi,” a ci hi.

Isaiah 28:14

Tua ahih ciangin Jerusalem khua sungah hih mite a uk, a kiphasak no uliante aw, Topa’ thu za un!

Isaiah 8:20

Tua ciangin note in, “Topa in note hong hilh thute ngai un. Aisanteʼ thu ngai kei un. Amauteʼ hong gen thute a kimanna om lo hi,” ci-in dawng un.

Piancilna 13:13

Tua laitakin Sodom mite migilo hi a, Topaʼ tungah nakpi takin a khialte ahi hi.

Isaiah 30:9

Bang hang hiam cih leh amaute pen a lehdo mite, a zuau thei tapate, Topa’ thuhilhna a ngai nuam lo mite ahi uh hi.

Isaiah 33:22

Bang hang hiam cih leh Topa pen eiteʼ thukhen, Topa pen eite hong ukpa, Topa pen eiteʼ kumpi ahi hi. Amah in eite hong hon khia ding hi.

Ezekiel 13:2

“Mihing ahi Ezekiel aw, Israel kamsangte mawhsakna gen in. ‘Topaʼ thugen ngai in,’ ci khemin amauʼ lungsim bangin thu a genteʼ tungah gen in.

Micah 3:1

Israel a uk makaite aw, hih thu ngai un: Note in thutang thuman a deih dingin a kilawm hi napi-in,

Ezekiel 16:35

“Tua ahih ciangin a paktat Jerusalem aw, Topaʼ thu ngai in.