Isaiah 1:1 - Tedim Bible Revision 2017

¹ Judah gam kumpi ahi Uzziah, Jotham, Ahaz le Hezekiah-teʼ hun lai-in Amozʼ tapa Isaiah in Judah gam le Jerusalem khua tawh kisai a maangmuhnate:

Tedim Bible

¹ Judah gam kumpite ahi Uzziah, Jotham, Ahaz leh Hezekiahte’ hun lai in, Amoz’ tapa Isaiah in Judah gam leh Jerusalem khua tawh kisai a muh mangmuhnate in:

Isaiah 1:1 Referans Kwoze

2 KHANG TANGTHU NIHNATE 26:1

Tua ciangin Judah mi khempeuh in kum sawm le kum guk a pha Uzziah la-in a pa Amaziahʼ tangin kumpi-in a koih uh hi.

2 KUMPI NIHNATE 18:1

Israel kumpi, Elahʼ tapa Hosheaʼ kum thumna kumin Judah kumpi, Ahazʼ tapa Hezekiah in uk ding kipan hi.

Isaiah 7:1

Uzziahʼ tapa Jotham, Jothamʼ tapa Ahaz ahi Judah kumpipaʼ hun laitakin, Syria kumpipa Rezin le Remaliahʼ tapa Pekah ahi Israel kumpipa, Jerusalem khuapi a sim dingin kuan to uh a, ahih hangin amaute in zo zo lo uh hi.

Isaiah 6:1

Kumpi Uzziah a sih kumin, a sang mahmah, a lian kumpi tokhom tungah Topa a tu ka mu hi. Ama kumpi puanpi pen biakinn sungteng a dim hi.

Isaiah 2:1

Judah gam le Jerusalem tawh kisai thu Amozʼ tapa Isaiahʼ muhna hih bang ahi hi:

Late 89:19

Hun lui lai-in na thuman mipa tungah mang sungah thu na gen a, “A vanglian khat pa tungah lukhu ka koih khinzo a, mite lak panin a kiteng khia mi khat ka liansak zo hi.

Gamlak-vakna 24:16

Pasianʼ thute a za, Sangpen paʼ thugen a thei, Vanglian paʼ maangmuhna a mu, maang mu napi-in a mit in khua a mu thei mipaʼ thugen in:

Amos 1:1

Tekoa khua-a a teeng tuucingte lakah Amos a kici mi khat om hi. Uzziah pen Judah kumpi hi-in Joashʼ tapa Jeroboam in Israel kumpi a sep laitak, zinlin ma kum nih hun laitakin Pasian in Amos tungah hih thute kilangsak hi.

Jeremiah 23:16

Vanglian Topa in, “Note kiangah thu hong hilh a, a hong lamen khialsak kamsangteʼ thugennate na ngai kei un. Amaute in a lungsim uh ah a geel tawm uh thu hong gen uh hi a, keima kiang pan a hong pai thu ahi kei hi.

Isaiah 40:9

Jerusalem aw, mual sang dawnah kah to-in lungdamna thu kiko in. Zion aw, nakpi takin awng inla, lungdamna thu taangko in. Nakpi takin kiko inla, lau kei in. Judah gam khuapite tungah, “Na Pasian uh hong pai ta hi,” ci-in gen ta un.

Isaiah 21:2

A kihtakhuai maangmuhna khat kei tungah hong kigen hi. A sut zo mipa in sut a, a susia zo mipa in susia hi. Elam galkapte aw, kuan to un. Media galkapte aw, umcih un. Babylonʼ piansak khuisatnate khempeuh Pasian in beisak ta hi.

Isaiah 13:1

Amozʼ tapa Isaiah in Babylon siat nading tawh kisai a thumuhnate:

2 KUMPI NIHNATE 15:32

Israel kumpi Remaliahʼ tapa Pekahʼ kum nihna kumin Judah kumpi Uzziahʼ tapa Jotham in uk ding kipan hi.

2 KUMPI NIHNATE 15:7

Tua ciangin Uzziah si a, amaute in David khuapi sungah a pate tawh amah vui uh a, tua ciangin ama tangin a tapa Jotham in a uk hi.

2 KUMPI NIHNATE 15:1

Israel kumpi Jeroboam Nihnaʼ kum sawm nih le sagihna kumin Judah kumpipa, Amaziahʼ tapa Uzziah in uk ding kipan hi.

Sawltak 26:19

“Tua bang hi a, kumpi Agrippa aw, ka maangmuhna sunga vantung pan a hong pai paʼ thugen ka mang hi.

Sawltak 10:17

Peter in tua a maangmuhna bang a cihnopna hi ding ahi hiam, ci-in lamdang sa-in a om laitakin, Kornelias in a sawl mite in Simonʼ inn hong kan kawikawi uh a, a inn hong thei uh ahih manin a kong biang hong tung ta uh hi.

Mattiu 17:9

Mual tung panin amaute a ciah suk laitakun Jesu in nungzuite kiangah, “Sihna panin Mihing Tapa a kithawhkiksak matengin hih na muhte uh kuama kiangah gen kei un,” ci-in thu a pia hi.

Habakkuk 2:2

Tua ciangin Topa in hih bangin hong dawng a, “Nangmah ka hong muhsak thu khempeuh a sim nop mahmah dingin tungman peek tungah gelh in.

Nahum 1:1

Hih pen Nineveh khua tawh kisai thu genna hi a, Elkosh khuami Nahumʼ maangmuhna a kiciaptehna lai ahi hi.

Micah 1:1

Judah gam kumpi Jotham, Ahaz le Hezekiah-teʼ hun laitakin, Moresheth khuami Mikah tungah Topa in thu a pia hi. Samaria le Jerusalem tawh kisai-in Topa in Mikah tungah hih thute a lak hi.

Hosea 1:1

Judah kumpite Uzziah, Jotham, Ahaz, Hezekiah le Israel kumpi Joashʼ tapa Jeroboamʼ hun lai-in Beeriʼ tapa Hosea tungah Topa in thu na gen hi.

Gamlak-vakna 24:4

Pasianʼ thute a za, Vanglian paʼ maangmuhna a mu, maang mu napi-in a mit in khua a mu thei mipaʼ thugen:

2 PETER NIHNA 1:21

Bang hang hiam cih leh mihingte in a deih manin mailam thugen kholh theihna a kingah hi lo a, Kha Siangthoʼ sawlna tawh Pasianʼ kiang panin a hong pai thute a kigen ahi zaw hi.

2 KORIN NIHNA 12:1

Bangmah phattuam napi a om khol lo ahi zongin ka kisialsial lai ding hi. Tu-in Topa in maang hong muhsakna le ka muhte kong gen ding hi.

Gamlak-vakna 12:6

Topa in, “Ka thu za un: Noteʼ lakah kamsang a om leh Topa keimah in ama tungah maangmuhna tawh ka kilak a, amah tawh mang sungah ka kiho hi.

2 KUMPI NIHNATE 15:13

Judah kumpi Uzziahʼ kum sawm le kum kuana kumin Jabeshʼ tapa Shallum in uk ding kipan a, amah in Samaria ah kha khat sung uk hi.

2 KUMPI NIHNATE 19:2

Tua ciangin amah in biakinn sung a ukpa Eliakim, lai-at pa Shebnah le siampi khangham zaw deuhte puanhampi silhsakin Amozʼ tapa kamsang Isaiah kiangah a sawl hi.

2 KHANG TANGTHU NIHNATE 26:22

Tu-in Uzziahʼ gamtatna a omlaite, a patna panin a tawp dong, Amozʼ tapa kamsang Isaiah in gelh hi.

2 KHANG TANGTHU NIHNATE 27:1

Jotham in uk ding a kipatin kum sawm nih le nga pha a, amah in Jerusalem ah kum sawm le kum guk sung uk hi. Ama nuʼ min Jerushah hi a, Zadokʼ tanu ahi hi.

2 KHANG TANGTHU NIHNATE 28:1

Ahaz in uk ding a kipatin kum sawm nih pha a, amah in Jerusalem ah kum sawm le kum guk sung uk hi. A pu David gamtat hoih bangin Topaʼ mitah a man gamta lo a,

2 KHANG TANGTHU NIHNATE 29:33

A ki-ap biaknate bawngtal za guk le tuu tul thum ahi hi.

Isaiah 20:2

Tua hun ma kum thum laitakin Topa in Amozʼ tapa Isaiah tungtawnin thu genin, “Na puanhampi suah inla, na khe panin na khedapte suah in,” a ci hi. Amah zong tua mah bangin gamta-in, tangguak le kheguak tawh lam a pai hi.

Isaiah 37:2

Tua ciangin amah in inn sung saipa Eliakim, lai-at pa Shebna le siampi khangham teng dahna limin puanhampi silh kawmin Amozʼ tapa kamsang pa Isaiah kiangah a sawl hi.

Isaiah 38:1

Tua hun laitakin Hezekiah a ci na-in si dektak hi. Amozʼ tapa, kamsang Isaiah ama kiangah hong pai-in, “Topa in hih bangin ci hi: Na inn sung thu ding vaihawm in; bang hang hiam cih leh nang na damkik zo kei dinga, na si ding hi, hong ci hi,” ci-in a gen hi.

Ezekiel 1:1

Kum sawm thum ka phak kum, a kha lina, a ni nga ni-in Babylon gam a om Khebar Gun gei ah sal a om Jew midangte tawh ka om laitakin maang ka mu hi. Tua ka maangmuhna ah van hong kihong a, Pasian ka mu hi.

Amos 4:5

Lungdam kohna-in silngo sawh anlum va pia unla, utthu-a biakpiaknate va pia-in va kisial un. Hihte pawl pen noteʼ hih nop pawl ahi hi, Topa in ci hi.