Hosea 9:8 - Tedim Bible Revision 2017

⁸ Ama mi Israel-te a vil dingin kamsang nasemin Pasian in kei hong sawl hi napi-in, ka paina khempeuh ah vasa bangin thang nong siah uh a, Pasianʼ gam sung teekteek mahah mite pen kamsang paʼ gal a suak mawk hi.

Tedim Bible

⁸ Ama mi Israelte a vil dingin kamsang nasemin Pasian in kei hong sawl hi napi-in, ka paina khempeuh ah vasa bangin thang nong siah uh a, Pasian’ gam sung teekteek mahmah ah mite pen kamsangpa’ gal suak mawk hi.

Hosea 9:8 Referans Kwoze

Hosea 5:1

No siampite aw, hih thu ngai un! No Israel mite aw, thudon un. Kumpipaʼ innkuante aw, ngai un! Note in midangte tungah thu a khen ding hi napi-in, note tungah thukhenna hong tung ding hi. Bang hang hiam cih le note in miteʼ awk nadingin Mizpah mualah thang na siah uh a, miteʼ awk nadingin Tabor mualah ngenthang na hi uh hi.

Ezekiel 3:17

“Mihing ahi Ezekiel aw, Israel minamteʼ galvil pa dingin nang kong koih hi. Nangma tungah kong gen hilh kholhnate khempeuh amaute tungah na gen sawn ding hi.

Micah 7:4

Amaute lakah a hoih penin a kineite, lingkung bang hi a, a thutang pen a kineite, ling hiam bang hi lel uh hi. Pasian in amaute a hilhkholh bangin, gim a piak ding hun hong tung ta a, a lungmanʼ hun ding uh hong hi ta hi.

Isaiah 62:6

Jerusalem aw, na kulhte tungah galvilte ka koih khin a, sun tawntung le zan tawntungin amaute gamdai ngei lo ding uh hi. Amaute in a thuciamna Topa phawksak ding uh a, amah in Jerusalem kipsakin leitung miteʼ phat dingin a bawlkik matengin amaute khawl lo ding uh hi.

Hebru 13:17

Na makaite uh thu na mang unla, a genna uh bangin na gamta un. Pasian kiangah amaute in a nasepnate uh a pulak ding uh ahih manin tawlnga loin note hong lunghimawh tawntung uh hi. Amauteʼ thu mang le-uhcin a nasepna uh ah lungdam mahmah ding uh a, mang kei le-uhcin dah pipi-in na sem ding uh hi. Dah pipi-in a nasepna uh note adingin zong phattuamna a om tuan hi lo hi.

Johan 15:24

Kuamah in a bawl ngei loh nalamdangte amaute lakah a bawl lo hi leng amaute in mawh pua lo ding uh hi. Ahi zongin amaute in ka nalamdang bawlte mu khin uh ahih manin kei le ka Pa a hong mudah khawm uh ahi hi.

Ezekiel 33:7

“Mihing ahi Ezekiel aw, tu-in Israel minam khempeuhteʼ galvil pa dingin nang kong koih hi. Nang tungah kong piak hilhkholhna khempeuh amaute tungah na gen sawn ding hi.

Kah la 4:13

Kamsangte le siampite in mawhna a bawl manun mi siangtho midikteʼ sihna a hong piang ahi hi.

Kah la 2:14

Na kamsangte un zuau thu longal thudang gen ding nei lo uh a, a thuhilhna uh khemna thu bek ahih manin, a khial na hih lam uh a hong hilh tel kei uh hi. Amaute in lam hong lakkhial uh a, kisikkik theih nading hun a hong pia kei uh hi.

Jeremiah 31:6

Bang hang hiam cih leh Efraim mual tung panin galvilte in, ‘Tho un! Topa i Pasian kiang Zion khua ah va pai ni,’ ci-in a hong kiko hun uh hong tung ding hi,” hong ci hi.

Jeremiah 14:13

Tua ciangin keimah in, “Ah, Topa Pasian aw, en dih in. Kamsangte in amaute kiangah, ‘Note in namsau ahi zongin, kial ahi zongin na mu kha ngei kei ding uh a, hih munah Pasian in lungnopna kip hong pia ding hi,’ a ci uh hi,” ka ci hi.

Jeremiah 6:17

Topa in, “Peengkul tumna awging a ngai dingin ‘Galvil ding mi ka koih hi,’ kong ci hi,” a ci hi. Ahih hangin amaute in, “Ka ngai kei ding uh hi,” a ci uh hi.

Jeremiah 6:14

Amaute in ka miteʼ thuaknate thupi simsak lo uh a, hoihna om keei lopi, ‘Hoih hi, hoih hi,’ ci mawkmawk uh hi.

Solomon la 3:3

Khua sung cingin a pai kawikawite ka tuak a, “Ka ngaihno na mu uh hiam?” ci-in ka dong hi.

2 KUMPI NIHNATE 13:21

Tua ciangin amaute in misi khat a vui laitakun, amaute a sim dingin a hong pai mihon khat mu uh a, amau zong a misi uh Elishaʼ han sungah lawn uh hi. A misi in Elishaʼ guhte a sukkhak phetin hingkik a, tua ciangin ama khe-in a ding hi.

2 KUMPI NIHNATE 7:19

galkap ukpa in Pasianʼ mipa dawngin, “Topa mahmah in vantung tawlette hong hong hitaleh zong, hih bang thu hi thei ding ahi hiam?” ci hi. Tua ciangin amah in, “Nangma mit mahmah tawh hih thu na mu dinga, ahih hangin nang in na ne kha kei ding hi,” ci hi.

2 KUMPI NIHNATE 7:2

Tua ciangin a ban tungah kumpipa a kingapna galkap ukpa in Pasianʼ mipa kiangah, “Topa mahmah in vantung tawlette hong hong taleh zong, hih bang thu hi thei ding ahi hiam?” a ci hi. Ahih hangin amah in, “Nangma mit mahmah tawh hih thu na mu dinga, ahih hangin nang in na ne kha kei ding hi,” a ci hi.

2 KUMPI NIHNATE 5:27

Tua ahih ciangin nangma tung le na suanlekhakte tungah Naamanʼ phakna hong belh tawntung tahen,” a ci hi. Tua ahih ciangin ama omna panin vuk bangin kangin a phakin a paikhia hi.

2 KUMPI NIHNATE 5:14

Tua ahih ciangin Pasian mipaʼ gen bangin amah pai sukin Jordan gun sungah sagih vei kidiah hi. Tua ciangin a cilesa naupang no cilesa bangin a ngei bangkikin amah a siang hi.

2 KUMPI NIHNATE 4:43

Ahih hangin a nasem pa in, “Mihing za khatteʼ mai ah keimah in hih bangci lui theih ding ka hi hiam?” a ci hi. Ahi zongin amah in, “Amaute in a nek theih nadingun mite tungah tuate pia in. Bang hang hiam cih leh Topa in, ‘Amaute in ne-in khamval ding uh hi,’ ci hi,” a cikik hi.

2 KUMPI NIHNATE 4:41

Amah in, “Tua ahihleh a an tawm hong la un,” a ci hi. Tua ciangin amah in beel sungah tua an lawn a, “Amaute in a nek theih nadingin mite adingin thuk khia un,” a ci hi. Tua ciangin bangmah ci nawn lo hi.

2 KUMPI NIHNATE 2:21

Tua ciangin tuinak ah amah pai-in a sungah ci lawnin, “Topa in hih bangin ci hi: Hih tui a hoihin ka bawl khin hi. Tu-a kipanin sihna ahi a, tatolhna ahi zongin piangsak nawn lo ding hi,” a ci hi.

2 KUMPI NIHNATE 2:14

Tua ciangin amah in ama tung panin a kia khia Elijahʼ puan la-in tui sat a, “Elijahʼ Pasian, Topa koi ah om na hi hiam?” a ci hi. Amah in tui a sat khit ciangin a pang khat le a pang lang khat ah a tui kikhen hi. Tua ciangin Elisha pai-in a gal kah hi.

1 KUMPI MASATE 22:28

Tua ciangin Mikaiah in, “Lungnuam takin nong ciahkik leh Topa in keiʼ tungtawnin thu hong gen lo ahi hi,” a ci hi. Tua ciangin amah in, “A kuamah peuh in hih ka thugen za un,” ci thuah lai hi.

1 KUMPI MASATE 22:22

Topa in ama kiangah, ‘Bang lam tawh zol ding na hi hiam?’ a ci hi. Amah in, ‘Keimah pai khia-in, ama kamsangte khempeuh sungah a zuau kha ka va hi ding hi,’ ci hi. Tua ciangin amah in, ‘Nangmah in amah a va zol ding na hi a, nangmah in na zo ding hi; paikhia inla tua bangin va hih in,’ ci hi.

ROM (Romans) 3:7

Keima zuautatna in Pasian a thumanna kilangsakin a min thangsak semsem ahihleh bang hangin mawhnei-in kei hong kiseh lailai ahi hiam?

1 KUMPI MASATE 22:11

Tua ciangin Khenaanahʼ tapa Zedekiah in ama adingin sik kite bawl a, “Topa in hih bangin ci hi: ‘Amaute na zawh matengin hihte tawh Syria mite na nawt ding hi,’ ci hi,” a ci hi.

1 KUMPI MASATE 22:6

Tua ciangin Israel kumpipa in kamsangte mihing za li bang khawmin amaute tungah, “Ramoth-gilead a sim dingin ka kuan ding hiam, ahih kei le ka thuak ding hiam,” a ci hi. Amaute in, “Kuan to in; bang hang hiam cih leh Topa in kumpipaʼ khut sungah hong pia ding hi,” a ci uh hi.

1 KUMPI MASATE 18:19

Tua ahih ciangin tu-in mi sawl inla, Karmel Mual kei kiangah Israel-te khempeuh le Jezebelʼ sabuai ah an a ne Baal kamsang za li le sawm nga le Asherah kamsang za lite hong khawm in,” a ci hi.

1 KUMPI MASATE 18:1

Ni tampi khit a kum thumna kumin Elijahʼ tungah Topaʼ thu hong tunga, “Pai in, Ahab kiangah nangmah kilak in. Tua ciangin keimah in leitungah guah ka zusak ding hi,” a ci hi.

1 KUMPI MASATE 17:1

Tu-in Gilead gam sung Tishbe khua panin Tishbe mi Elijah in Ahab kiangah, “A mai ah ka dinna Israel Pasian, Topa a nungta ahih mah bangin keima thu tawh loin daitui ahi a, guah ahi zongin hong tung ding kumte sungah om lo ding hi,” a ci hi.

Late 124:7

Thangsiahteʼ thangzak panin vasa a suahtak bangin eite i suakta hi. Thangkhau kibot tat a, eite i suakta khinta hi.

Thuhilh-sia 9:12

Mihing in ama hun ding thei ngei lo hi. Thang ah a awk vasate le ngen ah a awk ngasate tawh i kibang hi. Lamet loh hun laitak keekin hunsia sungah mihingte i tung hi.

Jeremiah 23:13

Samaria kamsangte sungah a muhthadah huai mahmah na khat ka mu hi. Baal min suangin thu hilh uh a, ka mi Israel-te lam a pialpih uh hi.

Hosea 9:7

Gim thuakna hun hong tung ta a, thukkikna hun hong tung ta hi. Tua hun ciangin Israel mite in na thei ding uh hi. Noteʼ mawhna hang le note in kei nong muhdah luat manun, “Hih kamsang pa mihai hi; hih thumu pa lungsim kicing lo hi,” nong ci uh hi.

Hosea 9:9

A gamtatna uh gen theih lohin siahuai uh a, Gibeah khua-a a gamtat ngeite uh tawh kibang hi. Pasian in amauʼ mawhnate thei-in gim a pia ding hi.

Jeremiah 11:19

A kigo dingin a kipaipih mawhna a nei lo tuuno bang ka hi hi. Amaute in, “Singkung a gah phat hun laitakin phuk tan ni. Ama min a kiphawk nawn loh nadingin amah that lum ni,” ci-in a gen uh a, kei hong sawmna uh ahih lam ka thei kei kha hi.