Hosea 9:7 - Tedim Bible Revision 2017

⁷ Gim thuakna hun hong tung ta a, thukkikna hun hong tung ta hi. Tua hun ciangin Israel mite in na thei ding uh hi. Noteʼ mawhna hang le note in kei nong muhdah luat manun, “Hih kamsang pa mihai hi; hih thumu pa lungsim kicing lo hi,” nong ci uh hi.

Tedim Bible

⁷ Daan tahna hun hong tung ta a, thukkikna hun hong tung ta hi. Tua hun ciangin Israel mite in na thei ding uh hi. Note’ mawhna hang leh note in kei nong muhdah luat manun, “Hih kamsangpa mi hai hi; hih thumu-pa lungsim kicing lo hi,” nong ci uh hi.

Hosea 9:7 Referans Kwoze

Micah 7:4

Amaute lakah a hoih penin a kineite, lingkung bang hi a, a thutang pen a kineite, ling hiam bang hi lel uh hi. Pasian in amaute a hilhkholh bangin, gim a piak ding hun hong tung ta a, a lungmanʼ hun ding uh hong hi ta hi.

2 KUMPI NIHNATE 9:11

A topaʼ nasemte kiangah Jehu hong pusuah ciangin amaute in ama kiangah, “Thu khempeuh a hoih hiam? Bang hangin hih mihai pa nang kiangah hong pai ahi hiam?” a ci uh hi. Tua ciangin amah in amaute kiangah, “A mipa le a thugen na thei uh hi,” a ci hi.

Marka 3:21

A innkuanpihte in hih thu a zak uh ciangin Jesu a la dingin hong kuan khia uh hi. Bang hang hiam cih leh, “Jesu mihai suakta hi,” a kicihna thu a za uh hi.

Ezekiel 13:3

Topa Pasianʼ thugen hih bang ahi hi: Hih kamsang haite in gimna thuak ding uh hi. Amaute in amauʼ lungsim bangin thu gen tawmin, maang mu kineih uh hi.

Kah la 2:14

Na kamsangte un zuau thu longal thudang gen ding nei lo uh a, a thuhilhna uh khemna thu bek ahih manin, a khial na hih lam uh a hong hilh tel kei uh hi. Amaute in lam hong lakkhial uh a, kisikkik theih nading hun a hong pia kei uh hi.

Jeremiah 10:15

Kimanna a nei lo, a haihuaipi hi a, gim a kipiak ni ciangin a kisia ding uh hi.

Isaiah 10:3

Gimpiak ni hun, gamlapi panin huihpi hong nun ciangin note in bang cih ding na hi uh hiam? Huhna ngenin kua kiangah tai dinga, na neihsa uh koi lai ah koih ding na hi uh hiam?

2 KORIN NIHNA 5:13

Mihai ka hih uh leh zong Pasianʼ minthan nading hi a, mipil ka hih uh leh zong noteʼ phattuam nading mah hi veve hi.

Luka 21:22

Bang hang hiam cih leh Lai Siangtho sungah a kigelh mah bangin, ‘Gim Piak Ni,’ ahi hi.

Micah 2:11

Zuau genin khemna tawh thu gen kawikawi a, “Note adingin leenggahzu le khamtheih zu tampi tak hong om ding hi,” a hong ci kamsangte pawl, noteʼ deih kamsangte ahi hi.

Ezekiel 13:10

Bang hang hiam cih leh thu hoih lo napi-in hoih hi, ci khemin ka mite na makaih khial uh hi. Ka mite in kulh dingin suang a cian uh ciangin no kamsangte in a tungtham buan tawh na zut uh hi.

Jeremiah 29:26

“Topa in siampi Jehoiada tangin nangmah siampi-in hong koih khinzo a, Topaʼ biakinnpi sungah a ukpi ding na hi ta hi. Tua ahih manin thu a hilh mawkmawk mihaite thong kiasakin kol na bulh ding hi.

Mangmuhna 16:19

Khuapi phel thum kisuah a, gam sunga om khuapi dang khempeuh kisia hi. Pasian in Babylon khuapi mangngilh lo a, ama hehna ahi leenggahzu a hai sung panin Babylon khuapi a dawnsak hi.

Zefaniah 3:4

A kamsangte kihisak uh a, kamsang citak hi lo uh hi. A siampite in a siangtho nate ninsak uh a, amau angsung ding bek a khualna-un Pasianʼ thukham leh hei uh hi.

Amos 8:2

Topa in, “Amos aw, bang na mu hiam?” hong ci hi. “Seeng sunga kikoih singgah min ka mu hi,” ci-in kei zong ka dawng hi. Tua ciangin Topa in, “Ka mi Israel-te adingin a bei hun uh tung ta hi. Amaute gim ka piak ding ka khawl nawn kei ding hi.

Hosea 9:8

Ama mi Israel-te a vil dingin kamsang nasemin Pasian in kei hong sawl hi napi-in, ka paina khempeuh ah vasa bangin thang nong siah uh a, Pasianʼ gam sung teekteek mahah mite pen kamsang paʼ gal a suak mawk hi.

Ezekiel 38:23

Hih bangin hihna tawh a lian a siangtho ka hihna thu, keimah in minam khempeuh tungah ka langsak dinga, tua ciangin Topa ka hihna thu amaute in hong thei ding uh hi,” hong ci hi.

Ezekiel 25:17

Amaute nakpi takin gim pia-in, a kicing zah dongin amaute tungah phu ka la dinga, ka hehna a thuak ding uh hi. Tua ciangin Topa ka hihna thu hong thei ding uh hi,” a hong ci hi.

Jeremiah 46:21

A galkap cialte nangawn amauteʼ lakah bawng no hat lote a bang lel uh hi. Pang loin, do tentan lo uh a, nungkikin a taikeek uh hi. Bang hang hiam cih leh amauʼ kisiat ding ni, amauʼ gimthuak ding ni, hong tung zo hi.

Jeremiah 16:18

Amauteʼ khialhna le a mawhnate uh a zah nihin ka thuk ding hi. Bang hang hiam cih leh amaute in a muhthadah huai siluang hawmte tawh a kibang milimte tawh ka gam a ninsak uh a, kihhuaina tawh ka gamh a dimsak uh hi,” hong ci hi.

Jeremiah 11:23

Anathoth khua mite tungah siatna tungsakin gim ka piak hun ciangin a suakta kuamah a om nawn kei ding uh hi,” a ci hi.

Jeremiah 8:11

Amaute in ka miteʼ thuaknate thupi simsak lo uh a, hoihna a om keei lopi, ‘Hoih hi, hoih hi,’ ci mawkmawk uh hi.

Jeremiah 6:14

Amaute in ka miteʼ thuaknate thupi simsak lo uh a, hoihna om keei lopi, ‘Hoih hi, hoih hi,’ ci mawkmawk uh hi.

Isaiah 44:25

Zuau thu genteʼ hilhkholhna limte a siasak pa, aisante pen mihai a suaksak pa, mipilte leh heikikin, amauʼ thutheihte haina a suaksak pa;

Isaiah 34:8

Topa in Zion a hotkhiat ding, a galte a thuksak ding hun khat a nei hi.

Isaiah 26:11

Topa aw, amaute gim na piak ding lamtak na galte in thei lo uh hi. Amaute maizumna thuaksak inla, amaute adingin na geel sa gimnate amaute thuaksak in. Na mite na itna thu na galte tungah kilangsak in.

Jeremiah 23:13

Samaria kamsangte sungah a muhthadah huai mahmah na khat ka mu hi. Baal min suangin thu hilh uh a, ka mi Israel-te lam a pialpih uh hi.

Jeremiah 25:14

Bang hang hiam cih leh gam tampi le kumpi liante in amaute salin man ding uh a, amauʼ gamtatna amauʼ tungah ka thukkik ding hi,” a ci hi.

Ezekiel 9:10

Tua ahih manin amaute ka zah kei dinga, kuamah ka khasiat kei ding hi. Amauteʼ gamtatna, amauteʼ tung mah ka tusak ding hi,” hong ci hi.

Hosea 8:13

Amaute in gan tawh biak ding utin, a biakna sate ne nuam uh hi. Ahi zongin Topa ahi keimah ka hih leh amaute tungah ka lungkim kei a, amauteʼ mawhnate phawkin tua mawhnate hangin amaute gim ka pia ding hi. Egypt ah amaute ka sawlkik ding hi.

Hosea 14:1

Israel-te aw, noteʼ Topa Pasianʼ lamah kiheikik un. Na mawhna hangun note na puk khin uh hi.

Hosea 5:9

Gimthuak ni hun hong tun ciangin Israel mite in siatna thuak ding uh hi. A tung taktak ding thu, Israel mite lakah a gen ka hi hi.