Hosea 9:6 - Tedim Bible Revision 2017

⁶ Lungkhamna hun hong tungin, mite na kithehthang uh ciangin, Egypt mite in note hong kaikhawm dinga, amau gam Memfis khuapi ah vui ding bek na hi uh hi. Na inn na lote uh, kiak le lopa in khuhcip lel ding hi.

Tedim Bible

⁶ Lungkhamna hun hong tungin, mite na kithehthang uh ciangin, Izipt mite in note hong saangin hong kaikhawm ding a, amau gam Memfis khuapi-ah vui ding bek na hi uh hi. Na inn na lote uh, kiak leh lopa in khuhcip lel ding hi.

Hosea 9:6 Referans Kwoze

Hosea 10:8

Israel-te in milim bia-in mawhna a bawlna munte kisusia dinga, a biakna taute uh tungah ling le kiak a po ding hi. Tua ciangin mite in mual liante kiangah, “Hong vukcip un,” ci ding uh a, mual neute kiangah, “Hong deng cip un,” a ci ding uh hi.

Isaiah 5:6

Lokhulin ka bawl ding hi. Kipuah loin, kikho lo dinga, tua lo sungah lingkung le lingte a khang ding hi. Ama tungah meiite in zong guah a zuksak loh nadingin thu ka pia ding hi.

Hosea 9:3

Bang hang hiam cih leh Topaʼ gam sungah na omsuak kei ding uh a, Egypt gamah paikikin, Assiria gam sungah an siang lo na ne ding uh hi.

Hosea 8:13

Amaute in gan tawh biak ding utin, a biakna sate ne nuam uh hi. Ahi zongin Topa ahi keimah ka hih leh amaute tungah ka lungkim kei a, amauteʼ mawhnate phawkin tua mawhnate hangin amaute gim ka pia ding hi. Egypt ah amaute ka sawlkik ding hi.

Hosea 7:16

Amaute, keiʼ lam hong nga loin, Baal pasianʼ lam nga tawntung uh hi. A khak nading san a kha thei lo thalpeu tel tawh kibang uh hi. Amauʼ kiphatsak pauna hangun a uliante uh namsau-in si ding uh a, Egypt mite in amaute nuihsan lel ding uh hi.

Isaiah 7:23

“Tua ni ciangin ngun tang tul khat a man leenggui tul khat a omna mun khempeuh pen lingkungte le lingteʼ omna suak ding hi.

Hosea 11:11

Egypt gam panin vasa bangin lawptakin hong leeng ding uh a, Assiria gam panin vakhu bangin hong leeng ding uh hi. Tua ciangin keimah in amauteʼ inn ngei sa ah ka tunpihkik ding hi, Topa in ci hi.

Hosea 7:13

Amaute in kei hong taisanin hong lehdo uh ahih manin gimna ngahin siatna tuak ding uh hi. Amaute ka hotkhiat nop hangin amaute in kei hong lehgen zawsop uh hi.

Isaiah 34:13

Kumpi inn liante sungah lingkung po dinga, kulh a nei khua sungah laho le thangling kungte a po ding hi. Ngiateʼ an zonna mun suakin, vasa-kalaohteʼ omna mun hi ding hi.

Isaiah 27:12

Israel mite aw, tua ni ciangin Eufratis gunpi panin Egypt luipi dongin Topa in thu hong khen dinga, note khatkhatin hong kikaikhawm ding hi.

Isaiah 19:13

Zoan uliante mihai suak khin uh a, Memfis uliante zong hai khin uh hi. Minamte a makai dinga kineite in a mite uh lam khialhpih khin hi.

Isaiah 11:11

Tua ni ciangin Topa in Assiria gam, Egypt gam, Pathros gam, Ethiopia gam, Elam gam, Shinar gam, Hamath gam le tuipi gei-a gamte panin ama mi a omlaite a ngahkik nadingin a vangliatna zangkik ding hi.

Paunak 24:31

Limtakin ka et ciangin a lo ciing bupah kiak dim a, a leitang khempeuh lopa in khuhcip a, a umna a phungcian suangte kicim khin hi.

2 KUMPI NIHNATE 13:7

Bang hang hiam cih leh Jehoahaz adingin galkap sakol tung tuang sawm nga le leeng sawm le khe galkap tul sawm bang bek om lai hi. Bang hang hiam cih leh Syria kumpipa in amaute susia-in leivui bangin amaute a bawl hi.

1 SAMUEL MASA 13:6

A galte in Israel mite neh mahmah ahih manin amaute haksatna sungah a om lam uh a kitheih uh ciangin suanghawm sung, leihawm sung, suang kawmlak, han lak le tuikhukte sungah bu uh a,

Jeremiah 2:16

Tham loin, Memfis le Tahpanhes mite in zong a luguh a suk tapsak zo uh hi.

Jeremiah 42:22

Tua ahih manin na ten nopna mun uh ah namsau tawh thahna, kial le pulnatna tawh sihna na thuak ding uh hi, ci-in tu-in tel takpi-in thei ta un,” ka ci thuah lai hi.

Jeremiah 44:1

Egypt gam Migdol khua, Tahpanhes khua, Memfis khua le leitaw lam a teng Jew mite tawh kisai-in Topa in thu hong gen a,

Jeremiah 46:14

“Egypt gam le Migdol khua ah va gen in. Memfis khua le Tahpanhes khua ah va taangko in: ‘Kiging sa le kithawi sa-in om un; bang hang hiam cih leh namsau tawh note hong kithat khin ding hi,’ va ci in.

Jeremiah 46:19

Egypt gamah a teengte aw, note salin a hong kipaipih cianga ding na puan lomte uh zial khol un. Bang hang hiam cih leh Memfis khua gamlak suak dinga, kisia gawpin, kuamah teeng lo ding hi.

Ezekiel 30:13

“Milim khempeuh ka susia dinga, Memfis khuapi ah a om pasian man lote ka beisak ding hi. Egypt gam a uk ding kuamah om nawn lo dinga, mi khempeuh lausakin ka liingsak gawp ding hi.

Ezekiel 30:16

Egypt gam sung khempeuh ka hal tum dinga, Pelusium khuapi in gimna lianpi thuak ding hi. Thebes khuapi kulh khempeuh kicim gawp dinga, tui in a khuapi tuum ding hi.

Hosea 2:6

Tua ahih ciangin amah a paikhiat zawh loh nadingin ling ka kaihnelh dinga, a kimkot ah kulh ka ciang ding hi.

Hosea 7:11

Israel pen a khemnop kawl vakhu hai tawh kibang hi. Egypt-te kiangah huhna va ngen masa uh a, tua ciangin Assiria-te kiangah a va tai uh hi.

Zefaniah 1:11

Khuapi Veeng Nuainung sungah a teeng mite aw, hih bang gamlumna na zak uh ciangin kapin thum un. Bang hang hiam cih leh sumbukte khempeuh si ding uh hi.

Siampi Laibu 26:33

Keimah in minam dangte lakah note kong thehthang dinga, keimah in namsau a paai panin dokin note kong delh ding hi. Na leitang uh gamkhing suak dinga, na khuapite uh a sia hi ding hi.

Jeremiah 44:12

Egypt gamah a teeng dingin a lungsim a khensat khin Judah mi a omlaite, a vekpi-un ka sisak khin ding hi. Egypt gamah namsau tawh kithat sakin kial tawh ka puksisak ding hi. A neu pen a kipan a gol pen dongin namsau le kialpi tawh a si ding uh a, miteʼ lipkhap, mite in kihamsiatna-in a zat leh miteʼ simmawh ka suaksak ding hi.

Jeremiah 44:13

Jerusalem khua ka siatsak bangin Egypt gam a teeng mite namsau tawh, kialpi tawh, pulnatna tawh sihna ka thuaksak dinga,