Hosea 9:4 - Tedim Bible Revision 2017

⁴ Gam dangah na om laitakun Topa tungah leenggahzu tawh biakna na pia kei ding uh a, gan gawh biakna zong na bawl kei ding uh hi. Sihna phual a annek bangin, na annekte un zong a ne teng hong ninsak ding hi. Na ante uh zong na gilvahna ding bek uh hi dinga, Topaʼ inn ah khat zong na tun kei ding uh hi.

Tedim Bible

⁴ Gam dangah na om lai takun Topa tungah leenggahzu tawh biakna na pia kei ding uh a, gan gawh biakna zong na bawl kei ding uh hi. Sihna phual-a annek bangin, na annekte un zong a ne teng hong ninsak ding hi. Na ante uh zong na gilvah nading bek uh hi ding a, Topa’ inn-ah khat zong na tun’ kei ding uh hi.

Hosea 9:4 Referans Kwoze

Hosea 8:13

Amaute in gan tawh biak ding utin, a biakna sate ne nuam uh hi. Ahi zongin Topa ahi keimah ka hih leh amaute tungah ka lungkim kei a, amauteʼ mawhnate phawkin tua mawhnate hangin amaute gim ka pia ding hi. Egypt ah amaute ka sawlkik ding hi.

Jeremiah 6:20

Bang deihna tawh Sheba gam panin paknamtuite hong pai a, gamlapi panin sing namtuite hong tung ahi hiam? Na meihal biaknate uh ka sang thei kei a, nong biaknate uh deihhuai ka sa kei hi.

Thu-hilhkikna 26:14

Dahin ka kah sungin zong sawm-ah-khat ka ne kei a, ka nit sungin zong ka khen khia kei a, misite tungah zong ka pia kei hi. Topa ka Pasianʼ thu ka mang a, kei nong thupiakna khempeuh bangin ka hih khin hi.

Joel 2:14

Topa, eiteʼ Pasian in a lungsim hong kheelin an hauhsakna tawh thupha hong pia kha ding hi. Tua hileh ama tungah an le leenggahzu tawh biakna i pia thei ding hi.

Hosea 3:4

Hih pen kumpi ahi a, makai ahi zongin, biakpiakna le biakpiakna khuampite ahi zongin, siampi puanpi le milim pasian-te nei loin hun saupi sung Israel mite om ding a cihna ahi hi.

Ezekiel 24:17

Miteʼ zakin zong na kidik kei dinga, dahna limin lukhu khu lo, khedap bulh lo, cih bangin zong na om kei ding hi. Na mai zong na khuh kei dinga, a dahteʼ annekte pawl zong na ne kei ding hi,” a hong ci hi.

Johan 6:51

Kei pen vantung panin a hong pai suk nuntakna an ka hi hi. Tua an a ne mi peuhmah nungta tawntung ding hi. Leitung mite a nuntak nadingin ka piak ding an pen keima sa ahi hi,” a ci hi.

Malakhi 2:13

Noteʼ gamtatna a dang khat om lai hi. Tua pen, noteʼ paipih biaknate hong sang nawn lo ahih manin Topaʼ biakna tau, khitui tawh na kawtsak uh a, kapin thumin na om uh hi.

Amos 5:22

Meihal biakna le an tawh biakna nong paipih uh hangin tuate kong sang kei ding hi. Thunuam a biakpiak nadingin na hong paipih uh a thau mahmah ganhingte zong et-in ka nei vet kei ding hi.

Joel 1:13

Siampite aw, puanhampi silhin kap un; biakna tau-a nasemte aw, thumin tau un. Ka Pasianʼ na a semte aw, biakinn sungah tum unla, zan thapai-in dahna lim puanhampi silh un. Noteʼ Pasianʼ biakinn sungah piak ding an le leenggahzu khat zong om nawn lo hi.

Ezekiel 24:22

Tua ciangin keima gamtat bangin note gamta-in, na mai uh na khuh kei ding uh a, a dahteʼ annekte pawl zong na ne kei ding uh hi.

Isaiah 66:3

Biakna-in bawngtal a go pa in mihing zong that hi. Biakpiakna-in tuuno a go pa in ui ngawng zong at hi. An tawh biakpiakna a bawlpa in vok si zong pia hi. Paknamtui tawh phawkna biakpiakna a bawlpa in milim zong bia-in thupha a pia hi. Hih mite amau ut bang ciatin gamta uh a, amauʼ kihhuai gamtatna uh ah nuam a sa uh hi.

Isaiah 57:6

Kuam sunga om suangmaite na la uh a, tua suangmaite na bia uh hi. Tuate tungah tui tawh biakpiakna sungin, an tawh biakpiakna na paipih uh hi. Hih thuteʼ hangin kei lungdam ding ka hi hiam?

Gamlak-vakna 28:2

“Israel mite thu pia-in amaute tungah, ‘Keimah hong kibiakna mei tawh a kihal an, a gim namtui keima-aʼ pen a hunin kei tungah nong piak ding uh phawk un,’ ci-in gen in.

Siampi Laibu 21:21

Siampi Aaronʼ suanlekhakte sung panin poina a nei mi khatpeuh in Topa ading meihal biakna a pia dingin a nai ah hong pai lo ding hi. Amah in poina nei ahih manin, ama Pasianʼ anlum pia dingin a nai ah hong pai lo ding hi.

Siampi Laibu 21:17

“Aaron kiangah hih bangin gen in: Na suanlekhakte sung panin poina a nei mi in a khangkhangin ama Pasianʼ anlum pia dingin hong neh thei lo ding hi.

Siampi Laibu 21:8

Amah in noteʼ Pasianʼ anlum pia ahih manin note in amah na ap ding uh a, amah pen note adingin siangtho ding hi. Bang hang hiam cih leh Topa ahi keimah, note hong siangthosak pa, ka siangtho hi.

Siampi Laibu 21:6

Amaute pen amauʼ Pasian adingin siangtho ding uh a, amauʼ Pasianʼ min daisak lo ding uh hi. Bang hang hiam cih leh amaute in amauʼ Pasianʼ anlum ahi, Topaʼ tungah meihal biakna pia uh hi. Tua ahih ciangin amaute siangtho ding uh hi.

Siampi Laibu 17:11

Bang hang hiam cih leh pumpi nuntakna pen si sungah om hi. Note ading kilemna bawl nadingin note adingin biakna tau tungah tua si ka pia zo hi. Si pen nuntakna ahih manin kilemna a piangsak na ahi hi.

Paikhiatna 40:23

Topaʼ mai tua sabuai tungah a om ding bangin anlum a koih hi.

Gamlak-vakna 19:11

“Misi luang khatpeuh a lawng pa ni sagih sung a nin hi ding hi.

Gamlak-vakna 4:7

“Ompihna Anlum sabuai tungah amaute in puan a dum phah ding uh a, tua tungah a kuangdaite, paknamtui pakante, kuang-ukte le tuibuahna thawl gongbakte koih ding uh a, a kikoih tawntung anlum zong a tungah om ding hi.

Paikhiatna 29:40

Tuuno a masa tawh annel lawh khat le a oliv thau hai khat tawh a kihel leh tuibuah dingin leenggahzu hai khat hi ding hi.

Jeremiah 16:7

Misi hangin a kapte hehnep nadingin kuamah in anletui a lui kei ding uh a, a nu ahih kei leh a pa a site nangawn kuamah in a hehnem kei ding hi.

Daniel 1:8

Daniel in kumpi inn sunga an le leenggahzu tawh a pumpi a thanghuaisak loh nadingin a lungsim a khensat hi. Amah in innsung maang lian pen Ashpenaz kiangah tua bang an a kipiak loh nadingin a ngen zaw hi.

Joel 1:9

Topaʼ biakinn ah biakna-in piak ding an le leenggahzu om nawn lo a, Topaʼ na a sem siampite thumin a tau uh hi.

Hosea 7:16

Amaute, keiʼ lam hong nga loin, Baal pasianʼ lam nga tawntung uh hi. A khak nading san a kha thei lo thalpeu tel tawh kibang uh hi. Amauʼ kiphatsak pauna hangun a uliante uh namsau-in si ding uh a, Egypt mite in amaute nuihsan lel ding uh hi.