Hosea 9:16 - Tedim Bible Revision 2017

¹⁶ Israel mite ahihleh a zung a keu, gah a gah lo ding singkung tawh kibang hi. Amaute in ta nei ta mah le-uh zong, amauʼ it mahmah tua a tate uh ka thahsak veve ding hi, ci hi.

Tedim Bible

¹⁶ Israel mite ahih leh a zung a keu, gah a gah lo ding singkung tawh kibang hi. Amaute in ta a neih uh hangin amau’ it mahmah tua a tate uh ka thahsak veve ding hi, ci hi.

Hosea 9:16 Referans Kwoze

Ezekiel 24:21

Israel mite kiangah hih bangin thu gen in hong ci hi. Ama cihna ah: Note in na kisaktheih pih uh, a sungah paipai-in na etet nop uh ka biakinn pen a ninsak ding ka hi hi. Tua ciangin noteʼ nungah a om lai na tate uh, namsau-in si ding uh hi, ci hi.

Isaiah 5:24

Tua ahih ciangin mei in buhkung keute kaang tum a, meikuang sungah lopa keute a kattum bangin amauteʼ zung pen muat gawp dinga, amauteʼ pakpalhte leivui bangin vanah leeng to ding hi. Bang hang hiam cih leh amaute in Vanglian Topa’ thu nialin Israel-teʼ Siangtho Paʼ thu a simmawh uh hi.

Malakhi 4:1

Vanglian Topa in hih bangin ci hi: “En un, mi kiphasak khempeuh le migilo khempeuh, a zung a hiang cih om loin buhtu bangin a kattum ding hun hong tung ding hi. Tua ni ciangin khat zong suakta loin a vekpi-in kaang tum khin ding uh hi.

Hosea 8:7

Paunak ah, Huih a tuhte in huih ngahkik dinga, a vui om lo ankung in annek ding piangsak lo hi, kici hi. A vui om lo ankung panin an kingah mah taleh zong gamdang mite in ne tum ding hi.

Hosea 5:11

Israel in zong gimna thuakin a cimawh hi ta hi; bang hang hiam cih le kei kiangah hong pai nuam loin piak ding bangmah a nei lote kiangah huhna ngen dingin pai hamtang hi.

Isaiah 40:24

Amaute pen a gina-in kisuan lo a, a gina-in kivawh lo a, amauʼ kungte in a gina-in lei sungah zungkha lo uh a, amah in a mut ciangin amaute vul a, huihpi in ham bangin amaute a lenkhiat pih hi.

JOB (Job) 18:16

Lei sunga ama zungte keu-in, a tunga a hiangte a si ta hi.

Piancilna 41:23

Tuateʼ khit ciangin nisuahna huihpi in a keusak a hawm, a theem vui sagih hong po a,

Thu-hilhkikna 32:25

Namsau in gamlak ah amaute susia-in, inn sungah launa lianpi om dinga, tangval le nungak, naungek nawi nete, sam kangte tawh susia khawm ding hi.