Hosea 9:15 - Tedim Bible Revision 2017

¹⁵ Topa in hih bangin gen hi: Amauʼ gamtat sia khempeuh Gilgal phual pan a kipan hi a, tua mun a kipanin amaute ka muhdah a kipan ahi hi. Amauteʼ gamtat siatna hangin gam sung panin ka hawl khia ding hi. Amaute ka it nawn kei ding hi. A uliante un kei hong langpang uh hi.

Tedim Bible

¹⁵ Topa in hih bangin gen hi. Amau’ gamtatsia khempeuh Gilgal phual pan akipan hi a, tua mun-a kipanin amaute ka muhdah a kipan ahi hi. Amaute’ gamtatsiatna hangin ka gam sung panin ka hawlkhia ding hi. Amaute ka it nawn kei ding hi. A uliante un kei hong langpang uh hi.

Hosea 9:15 Referans Kwoze

Hosea 12:11

Gilead gamah milim biakna om a, tuate a kimanna om lo hi. Gilgal gamah bawngtal tawh bia uh a, lokhote in a suang deih loh teng uh a phualphualin a cian kawikawi tawh kibangin, a biakna taute uh bangmahin kimang lo ding hi.

Hosea 4:15

Kei tungah no Israel mite citak loin nong taisan hangun, note bangin Judah mite khial kei tahen. Gilgal ah ahi a, Bethaven ah ahi zongin pai kei unla, tua lai munah Topaʼ min tawh na kiciam kei un.

Isaiah 1:23

Na uliante, mi lehdote hi a, gutate tawh a kikhawlte ahi hi. Mi khempeuh in sumgolh le letsong a deih uh hi. Amaute in pa nei lote panpih lo uh a, meigongnuʼ thu amaute in sang lo uh hi.

Amos 5:5

A bia dingin Beer-sheba ah pai kei un. Bethel ah kei hong zong kei un; a mawkna suak ding hi. Gilgal ah zong lut kei un; Gilgal mite, sal a suak ding hi lel hi.

1 SAMUEL MASA 7:16

A kumkumin Bethel, Gilgal le Mizpah ah kot pai a, amah in hih munte khempeuh ah Israel-te thu khen hi.

Zefaniah 3:3

A uliante, humpinelkai gilkial bang a, a thukhente, keivom gilkial bang uh hi. Zingsang khuavak mateng a saguh nek a nusia nuam lo, a huaiham gamsate tawh kibang uh hi.

Micah 6:5

Ka mite aw, Moab Kumpi Balak in note sukna ding a vaihawmna teng, Beorʼ tapa Balaam in ama nget bangin a sepna teng limtakin phawkkik un. Note hotkhiat nadingin ka sepna thu na theih nadingun Shittim le Gilgal kikal a thupiangte ngaihsunkik un,” a ci hi.

Sawltak 4:27

A cih mah bangin Herod le Pontias Pilat in hih khuapi sung teek mahah Gentail mite le Israel mite tawh kikupna nei uh a, nangmah in Khris dingin na bawl, a siangtho na Nasem pa Jesu thah dingin a vaihawm uh hi.

Zekhariah 11:8

Kha khat sungin tuucing a dang thumte ka not khia hi. Bang hang hiam cih leh amaute tungah ka lungduai zo nawn kei a, amaute in kei hong mudah uh hi.

Micah 3:11

Khuapi ukte in sumgolh ngah theih nading ngaihsutna bek tawh thu khen a, siampite in sum ngah theih nading ngaihsutna bek tawh thu gen a, kamsangte in zong sum ngah theih nading ngaihsutna bek mah tawh mailam thu gen khol uh hi. Tua bang hi napi-in amaute in Topa, muanin nei uh a, “Topa in eite hong ompih a, eite tungah siatna hong tung lo ding hi,” a ci uh hi.

Amos 5:27

Damaskas khengin gamdang khat ah sal dingin note kong paisak ding hi, Vanglian Pasian min a nei Topa in ci hi.

Amos 4:4

Israel mite aw, Bethel a mun siangtho ah va pai unla, tua lai ah khialhna va bawl un. Gilgal ah va pai unla, va khial semsem un. Zingsang simin biakna va pia unla, ni thum simin sawm-ah-khat pia un.

Hosea 9:17

Amaute in a thu ngai lo uh ahih manin ka Pasian in a mite a nial ding hi. Minam dangte lakah a vakvai mite a suak ding uh hi.

Hosea 9:3

Bang hang hiam cih leh Topaʼ gam sungah na omsuak kei ding uh a, Egypt gamah paikikin, Assiria gam sungah an siang lo na ne ding uh hi.

Hosea 7:2

Amauʼ gamtat siatna khempeuh ka phawk lamtak amaute in ngaihsutin nei kha lo uh hi. Amauʼ mawhna in amaute gakcip a, ka muhna mahmah ah om gige uh hi.

Hosea 4:9

Miteʼ thuak dingin a kilawm gimna mah siampite in zong thuak ding uh a, amauʼ gamtatna bangin gim pia-in amauʼ siatna bangin ka thukkik ding hi.

Hosea 3:4

Hih pen kumpi ahi a, makai ahi zongin, biakpiakna le biakpiakna khuampite ahi zongin, siampi puanpi le milim pasian-te nei loin hun saupi sung Israel mite om ding a cihna ahi hi.

Hosea 1:9

Tua ciangin Topa in, “Na tapaʼ min dingin ka mi hi lo a cihnopna Loammi phuak in; bang hang hiam cih leh no Israel mite, ka mi na hi nawn kei uh a, kei zong noteʼ Pasian ka hi kei hi,” a ci hi.

Hosea 1:6

Tua ciangin Gomer gaikikin tanu khat nei hi. Topa in zong Hosea kiangah, “Na tanuʼ min dingin hehpih loh, a cihnopna Loruhamah phuak in; bang hang hiam cih leh Israel mite ka hehpih nawn kei dinga, a mawhna uh ka maisak het kei ding hi.

Ezekiel 23:18

Amah numei paktat ahihna mi khempeuh theisakin, tua bangin amah le amah a kipholak ciangin a unu ka muhdah zah mah bangin amah zong ka mudah hi.

Ezekiel 22:27

A kumpi uliante uh, a sa mat sa uh a bal gawpgawp ngia hon tawh kibang uh hi. Sum ngah theih nadingin mi that uh hi.

Jeremiah 11:15

Ka itte in siatna a bawl khit uh ciangin ka biakinn sungah bang thu nei thei nawn ding ahi uh hiam? Nong kamkhapte uh le na biakpiakna sate un na kisiatna ding uh hong kipelhsak thei ding ahi hiam? Tua ciangin note na lungdam thei ding uh hiam?

Jeremiah 5:5

Mi liante kiangah pai-in ka va kiho ding uh hi. Amaute in Topaʼ lampi thei uh a, amauʼ Pasianʼ deihna thei uh hi,” ci-in ka ngaihsun hi. Ahih hangin a vekpi-un ka uk ding nial khin uh a, ka hakkol kuaitanin ka henna khaute su tat khinzo uh hi.

Jeremiah 3:8

A zulhzau Israel, midang tawh a khialhna hangin kimakna lai pia-in, ka hawlkhiat zong amah in a mu hi. Ahih hangin numei gina lo Judah lau tuan loin, amah zong numei paktat khat mah a va suak veve hi.

Late 78:60

Mihingteʼ lakah ama omna puanbuk ahi, Shiloh khua-a ama omna biakinn nusia a,

Joshua 10:43

Tua ciangin amah tawh a om Israel khempeuh tawh Gilgal-a a giahphual ah Joshua a ciahkik hi.

Siampi Laibu 26:30

Keimah in mual dawna na biaknate uh susia-in, na paknamtui biakna taute uh phukin, noteʼ milimʼ siluang hawmte tungah na luanghawmte uh ka pai dinga, keimah in note kong kih ding hi.

Sawltak 5:21

Ama gen mah bangin sawltakte zong zingsang ciangin biakinn ah pai-in thuhilh ding a kipan uh hi. Siampi lianpen pa le ama kikholhpihte in ulian kikhopna a cingtaak khat a om theih nadingin Jew mi upa khempeuh a kikhop nadingun a sam uh hi. Tua khit ciangin thong panin sawltakte va kai-in uliante mai ah a hong paipih nadingun palikte a sawl uh hi.

Jeremiah 12:8

Ka luah dingin ka teel sa mite in gamlak a humpinelkai bangin keiʼ lang khat ah pangin hong hawk san uh ahih manin amaute ka mudah hi.

Hosea 12:2

Topa in Israel mite a mawhsak nading a thu om hi. Jakob a gamtatna tawh kizui-in gim pia dinga, ama gamtatna bangin thukkik ding hi.

Jeremiah 15:1

Tua ciangin Topa in kei hong hopih a, “Moses le Samuel nangawn ka mai ah hong dingin hong thum uh zongin hih mite ka hehpih tuan kei ding hi. Ka muhna panin hawl khia unla, pai khiasak un.