Hosea 9:12 - Tedim Bible Revision 2017

¹² Amaute in ta khoi mah ta le-uh zong, suanlekhak a neih theih ma-un ka khansihsak khin ding hi. Hih mite ka nungngat ciangin amaute tungah a lungkham huai lianpite a tung ding hi.

Tedim Bible

¹² Amaute in ta a khoi uh hangin suan-le-khak a neih theih ma-un ka khan’sihsak khin ding hi. Hih mite ka nungngat ciangin amaute tungah a lungkhamhuai lianpite tung ding hi.

Hosea 9:12 Referans Kwoze

Hosea 7:13

Amaute in kei hong taisanin hong lehdo uh ahih manin gimna ngahin siatna tuak ding uh hi. Amaute ka hotkhiat nop hangin amaute in kei hong lehgen zawsop uh hi.

Hosea 9:16

Israel mite ahihleh a zung a keu, gah a gah lo ding singkung tawh kibang hi. Amaute in ta nei ta mah le-uh zong, amauʼ it mahmah tua a tate uh ka thahsak veve ding hi, ci hi.

Thu-hilhkikna 32:25

Namsau in gamlak ah amaute susia-in, inn sungah launa lianpi om dinga, tangval le nungak, naungek nawi nete, sam kangte tawh susia khawm ding hi.

Thu-hilhkikna 31:17

Tua hun ciangin amaute tungah ka sin so-in, amaute nusia-in ka mai ka seel dinga, amaute bei mang ding uh hi. Tua ni ciangin amaute in, ‘Eiteʼ lakah i Pasian a om loh manin hih siatnate i tungah hong tung hi lo ahi hiam?’ a cih theih nadingun amaute tungah siatna le gimna tampi tung ding hi.

Hosea 9:13

Tu-in ka mukhol khin hi. Mite in sabet-a a bet ding le, a thah ding bekin, Israel mite in a naupangte uh khah khia ding uh hi, a ci hi.

Kah la 2:20

Topa aw hong en in. Na bawlsiat mite hong en dih in. Nupite in a it mahmah uh a tate uhʼ sa ne tanghial uh hi. Siampite le kamsangte in biakinnpi sung mahmah ah thahna thuak uh hi.

Jeremiah 15:7

Na gam sung khua kongpite ah huihpiʼ mut bangin note kong mut mang ding hi. Na tate uh ka beisak dinga, ka mite ka susia ding hi. Bang hang hiam cih leh na gitlohna uh le na om dan hoih lo panun na kiheikik kei uh hi.

JOB (Job) 27:14

Tapa tampi a neih hangun, a vekpi-in gal sungah si mangkhin ding uh hi. A tate uh a tawntungin gilkial niloh ding uh hi.

2 KUMPI NIHNATE 17:18

Tua ahih ciangin Israel mite tungah Topa heh a, ama muhna panin amaute hem khia hi. Kuamah dang om nawn loin Judah gam mi bek om lai hi.

1 SAMUEL MASA 16:14

Tu-in Saulʼ tung panin Topaʼ kha paikhia a, Topa in kha gilo sawlin tua kha gilo in amah gimsak hi.

Thukhente 4:16

Barak in Harosheth-ha-goiim ciang dong a leengte le a galkapte delh a, Siseraʼ galkapte khempeuh namsau tawh kithatin bei mang uh a, mi khat zong suakta lo hi.

Thu-hilhkikna 28:32

Na tapate uh le na tanute uh midang tungah kipia dinga, amaute ngai-in sun nilohin na mit un enin na mit uh gim ding hi. Tuate pen nomauʼ tha tawh na dalzawh ding uh hi lo ding hi.

Gamlak-vakna 26:65

Bang hang hiam cih leh Topa in amauteʼ thu a genna ah, “Amaute gamlak ah si ding uh hi,” a ci hi. Jefunnehʼ tapa Kaleb le Nunʼ tapa Joshua lobuang amaute khat beek om nawn lo hi.

Jeremiah 6:8

Jerusalem khuapi aw, kidawm in. Na kidop kei leh nang kong taisan dinga, kuama ten lohna gam simtham na suak kha ding hi,” a ci hi.

Malakhi 2:12

Hih bangin a gamta mi peuhmah, a kua a kua hitaleh, Topa in su gawp henla, Vanglian Topa tungah biakna a paipih ei minamte tawh hong kigawmsak nawn kei hen.

Gamlak-vakna 14:34

Na gam vaan sung uh ni phazah tawh kizui-in, ni sawm li, ni khat ciangin kum khat, note in na mawhna uh kum sawm li sung na thuak ding uh a, keima lungkim lohna na thei ding uh hi,’ ci hi.

Thu-hilhkikna 28:18

“Noteʼ sung pan a piangte le na leitang uh pan a piangte, na bawngte uh le na tuu hon note uh in zong samsiatna ngah ding hi.

Kah la 2:22

Kei a hong dipkuasak dingin ka galte pen pawi siim ding bangin na sam a, amaute in hong umcih uh hi. Nangma heh ni-in a suakta zo khat beek a om kei hi. Ka hawmthawh ka it ka tate a hong thahsak uh hi.