Hosea 9:10 - Tedim Bible Revision 2017

¹⁰ Topa in hih bangin gen hi: Israel kong muh cil-in hoih mahmah a, sehnel gam sunga a gah a zun kiuhkeuh leenggah tawh kibang hi. Na pu na pate uh ka muh cil-in hoih mahmah a, a hun ciangin a min a zun sitset theigah muh tawh kibang hi. Ahi zongin Baalpeor a tun uh ciangin amaute in Baal milim bia pah uh ahih manin, amauʼ biak milimte ka muhdah zahin amaute nangawn ka mudah pah hi.

Tedim Bible

¹⁰ Topa in hih bangin gen hi. Israel kong muh cilin hoih mahmah a, sehnel gam sungah gah a zun kiuhkeuh leenggah tawh kibang hi. Na pu na pate uh ka muh cilin hoih mahmah a, a hun ciangin a min a zun sitset theigah muh tawh kibang hi. Ahi zongin Baalpeor a tun’ uh ciangin amaute in Baal milim bia pah uh ahih manin, amau’ biak milimte ka muhdah zahin amaute nangawn ka mudah pah hi.

Hosea 9:10 Referans Kwoze

Hosea 4:14

Na tanute uh a paktat manin gim ka pia kei dinga, na mote uh midang tawh a mawh manin zong gim ka pia tuan kei ding hi; bang hang hiam cih leh note mahmah numei paktatte tawh na mawh uh a, biakinn numeite tawh nulepa mawhna biakna na bawl uh hi. Paunak ah, “Thuhoih phawk theihna a nei lo mite in siatna thuak ding hi,” kici hi.

Jeremiah 11:13

Bang hang hiam cih leh, Judah aw, na khua om zahzah uh pasian na nei uh a, Jerusalem khua kongzing om zahzah mah, meihal biakna tawh Baal biakna ding a zumhuai biakna taute na bawl tazen uh hi.

Micah 7:1

Kei a kamsia hiʼng! Singgah le leenggah a heu hun laitakin a gilkial mipa tawh ka kibang hi. Leenggah nek ding om nawn lo a, ka lung gulhgulh theigah bei ta hi.

Hosea 2:15

Tua lai panin a leenggui lote ka piakik dinga, Lungkhamna Kuam a cihnopna Akhor Kuam pen lametna kongpi ka suaksak ding hi. Egypt panin a paikhiat, a nungak no hun lai mah bangin ka thugennate hong ngai ding hi.

Ezekiel 20:8

Ahi zongin amaute in kei hong demin, ka thugen hong ngai lo uh hi. A muhdahhuai a milimte uh paikhia tuan lo uh a, Egypt pasian-te zong nusia lo uh hi. Tua hi a, ka heh mahmahna teng Egypt gam sungah thuaksak gawp ning, ci-in ka ngaihsun hi.

Amos 4:5

Lungdam kohna-in silngo sawh anlum va pia unla, utthu-a biakpiaknate va pia-in va kisial un. Hihte pawl pen noteʼ hih nop pawl ahi hi, Topa in ci hi.

Hosea 11:1

Israel a neu lai-in ka it mahmah a, Egypt gam panin ka tapa ka sam khia hi.

Jeremiah 31:2

Topa in hong genin ah: “Namsau tawh thahna a thuak lote in gamlak ah hehpihna a mu ding uh hi. Israel mite in tawldamna ding a zon laitakun,

Jeremiah 5:31

Kamsangte in thuman gen lo uh a, siampite in zong amauʼ ut bangun a uk uh hi. Ka mite in phamawh sa lo sawnsawn uh hi. A tawpna hun hong tun ciangin bang cih ding uh ahi hiam, Topa in ci hi, ci-in gen in,” hong ci hi.

Isaiah 28:4

Tua a kiphasak zukham makaiteʼ minthanna pen tuk tun ma-in a om theipal min tawh kibang dinga, mi khat in tua theigah a muh ciangin lo in a nek pah bangin maimang lel ding hi.

Late 81:12

Tua ahih ciangin a ut bangun a gamta dingin amauʼ lungsim khauhna bangin ka gamtasak hi.

1 KUMPI MASATE 16:31

Nebatʼ tapa Jeroboamʼ khialhnate zuih ding ama adingin a thuzang tawh a kibat mah bangin, amah in Sidon miteʼ kumpi Ethbaalʼ tanu Jezebel zi-in la a, pai-in Baal na semin a bia hi.

Thukhente 6:32

Tua ahih ciangin tua ni-in Gideon, “Keima lang khat ah Baal pangsak un,” a cihnopna ahi Jerubbaal min kiphuak hi. Bang hang hiam cih leh Gideon in a biakna tau a phel hi.

Thu-hilhkikna 32:17

Amaute in pasian ahi lo dawite, amauʼ theih ngei loh pasian-te, hong suak nunung pasian thakte, na pu na pate un a theih ngei loh pasian-teʼ tungah biakna a pia uh hi.

Thu-hilhkikna 32:10

“Amah in sehnel gam, huihpi nunna gam sungah amaute mu hi. Amah in amaute kawi-in kem a, ama mitnauta bangin amaute kem hi.

Thu-hilhkikna 4:3

Na mit un Baalpeor ah Topaʼ hihna mu khin hi; bang hang hiam cih leh na Pasian un noteʼ lak panin Peor-a Baal a zui mi khempeuh susia a,

Gamlak-vakna 15:39

Tua pen, note in ut luatna tawh na zuih theih zel uh ahi nomauʼ lungsim le nomauʼ mittangʼ deihna zui kha loin, note in na et ding uh puan mongteep le Topaʼ thupiakte khempeuh phawkin na sep nading uh ahi hi.

ROM (Romans) 6:21

Ahi zongin, tuhunin gamtat dingin zumhuai na sakte uh, tua hun lai-in na gamtat manun bang thaman ngah na hi uh hiam? Tua na gamtatna thaman uh sihna ahi hi.

Late 115:8

Tuate a bawlte le tuate a muangte khempeuh pen tuate mah tawh kibang uh hi.

Jeremiah 3:24

“Ahih hangin i neu lai a kipan a zumhuai Baal pasian i biakna hangin i pu i pateʼ biakna ahi tuu le bawngte, a tapate le a tanute khempeuh uh i sum khinzo hi.

Jeremiah 24:2

Bawm khat sunga theigahte, a min masate tawh kibangin limci mahmah hi. Ahih hangin a bawm khat pen sunga theigahte limci het loin nek theih ding bang hi dek lo hi.

Hosea 4:18

Amaute, zukham honpi hi uh a, nulepa mawhna a bawlbawl uh hi. Min phat ding sangin min siat ding ut zaw uh hi.

Gamlak-vakna 18:13

Amaute in Topaʼ tungah a piak uh, amauʼ leitang ah a min masa gah khempeuh nomau aʼ hi ding hi. Na inn sunga om a siangtho mi peuhpeuh in ne thei ding hi.

2 KUMPI NIHNATE 17:11

Tua ciangin amauteʼ mai ah Topa in a puakkhiat minamteʼ hih bangin amaute in mual tunga biakna mun khempeuh tungah paknamtui a hal uh hi. Amaute in a hoih lo nate hihin Topa hehsak uh a,

Solomon la 3:6

Myrrh paknamtui le saledi paknamtui a kihel tawh a kibang, sumbuk a paknamtui om khempeuh a kihal khin a khu tawh a kibang, gamlak a hong khu to henhan bang ahi hiam?

Jeremiah 3:25

Tua ahih manin maizumin lum ni. I min siatna silh ni. Bang hang hiam cih leh i neu lai a kipan tu ni ciang dong eite le i pu i pate pen Topa i Pasianʼ tungah i mawh khinzo hi. Topa i Pasianʼ thu i mang kei khinzo hi,” a ci uh hi.

Hosea 13:5

Sehnel gam keuna sungah note a hong kem pa keimah ka hi hi.