Hosea 8:7 - Tedim Bible Revision 2017

⁷ Paunak ah, Huih a tuhte in huih ngahkik dinga, a vui om lo ankung in annek ding piangsak lo hi, kici hi. A vui om lo ankung panin an kingah mah taleh zong gamdang mite in ne tum ding hi.

Tedim Bible

⁷ Paunak-ah, Huih a tuhte in huihpi ngah kik ding a, a vui om lo an kung in an nek ding piang sak lo hi, kici hi. A vui om lo an kung panin an kingah mah taleh zong gamdang mite in a netum ding hi.

Hosea 8:7 Referans Kwoze

Paunak 22:8

Thuman lo khaici a vawhte in lungkhamna tuak uh a, amauʼ hehna ciangduai amauʼ tung mah tukik ding hi.

JOB (Job) 4:8

Mawhna bawlin buaina a piangsak mi in a gamtatna bangin a gah a atna ka thei hi.

Galati 6:7

Pasian a kikhem zo dingin ngaihsun kha kei un. Mi khempeuh in ama vawh nam khaici mah ngahkik ding hi.

Nahum 1:3

Topa lungduai mahmah a, a vang zong lian mahmah a, ahih hangin mimawhte khah khong ngei lo hi. A paina peuhpeuh ah huihpi nungin pingpei kipei a, ama paina hanga leivui leeng meiipi kai tawh kibang hi.

Hosea 7:9

A kipawl pih minam dangte in a thahatna teng uh teeptum a, ahi zongin a kiteep tum lam phawk kha lo uh hi. A lu tung uh a om a sam uh a kan lam nangawn phawk kha lo uh hi.

Hosea 2:9

Tua ahih manin anlak hun ciangin ama tungah ka piak ngei an le leenggahzute ka pia nawn kei dinga, a silh dingin ka piak samul puan le saihadial puante ka pia nawn kei ding hi.

Jeremiah 12:13

Amaute in mangbuh tuh uh a, ahi zongin kiak bek a ngah uh hi. Nasep a hahkat mahmah hangun bangmah a ngah kei uh hi. A kihtakhuai Topaʼ hehna hangin anlak hun ciangin a maizum ding uh hi,” a ci hi.

Isaiah 66:15

Bang hang hiam cih leh heh mahmahna tawh ama sinsona le meikuang tawh gim a pia dingin meikuang sungah Topa hong pai dinga, huihpi bangin a leengte hong pai ding hi.

Isaiah 17:11

tuate na suan ni mahun thakhatin khang a, na tuh ni uh a zing ciang mahin a hong pak hangin note in a gah na lo kha kei ding uh hi. Gimna le lungkhamna hong tun ni-in tuate maimang ding hi.

Thuhilh-sia 5:16

A dahhuai mahmah thu in: I suah hun lai-a mah bang teekteekin i ciahkik ding hi. A mawknapi ding a i sepna ah bang phattuamna ngah ihi hiam?

2 KUMPI NIHNATE 15:29

Israel kumpi Pekahʼ hun laitakin Assiria kumpi Tiglath-pileser hong pai-in Ijon, Abelbeth-maakah, Janoah, Kedesh, Hazor, Gilead le Galilee le Naftali gam khempeuh la a, amah in galmatin mite Assiria ah a ciahpih hi.

2 KUMPI NIHNATE 15:19

Assiria kumpi Tiglath-pileser tua gam a sim dingin kuan to hi. Tua ciangin ama kumpi aana a kip nading a huh ding a deihna-in Menahem in Tiglath-pileser tungah ngun talen tul khat a pia hi.

Thu-hilhkikna 28:33

Na theih nai loh uh minam khat in na leitang panun a piangte le na na sep sa khempeuh uh ne tum dinga, note hong kinengniamin hong kisu gawp tawntung lel ding hi.

Galati 6:8

Mi khatpeuh in ama leitung pumpi deihna khaici a vawh leh sihna ngah dinga, Kha Siangtho deihna khaici a vawh leh Kha Siangtho tung panin nuntak tawntungna ngah ding hi.

Isaiah 55:2

An ahi lo nate lei nadingin bang hangin na sum uh zang a, hong gilvahsak thei lo nate ngah nadingin bang hangin na sem na hi uh hiam? Keima thu limtakin ngai-in a limci an ne unla, anlimte ah nuamsa-in om un.

Kah la 5:2

Ka neihsa teng uh gamdang miteʼ khut sungah tung mangkhin a, ka inn sung uh ah gamdang mite teng ta uh hi.

Hosea 9:16

Israel mite ahihleh a zung a keu, gah a gah lo ding singkung tawh kibang hi. Amaute in ta nei ta mah le-uh zong, amauʼ it mahmah tua a tate uh ka thahsak veve ding hi, ci hi.

Haggai 1:6

Khaici tampi na tuh uh hangin an tawm bek na la uh a, annek ding na neih tei uh hangin na kham ding uh na nei kei uh hi. Dawn ding leenggahzu na neih tei uh hangin na kham ding uh na nei kei uh hi. Puansilh ding na neih tei uh hangin a lum khop ding na nei kei uh hi. Sum thalawhte in zong a khamkhop ding uh thalawh zo lo uh hi.

Piancilna 41:23

Tuateʼ khit ciangin nisuahna huihpi in a keusak a hawm, a theem vui sagih hong po a,