Hosea 8:4 - Tedim Bible Revision 2017

⁴ Amaute in kei hong dong loin kumpi ding vaihawm uh a, keiʼ theih pih lohin ulian koih uh hi. A ngun a khamte uh tawh amauʼ siat nading milim a bawl uh hi.

Tedim Bible

⁴ Amaute in kei hong dong loin kumpi ding vaihawm uh a, kei’ theihpih lohin ulian koih uh hi. A ngun a khamte uh tawh amau’ siat nading milim bawl uh hi.

Hosea 8:4 Referans Kwoze

Hosea 13:2

Tua hi napi-in amaute khial thuah semsem uh a, a biak ding uh milim a bawl uh hi. Amauʼ ngunte milimin bawl uh a, a hoihtakin khutsiamte a bawlsak uh hi. Tua ciangin, “Hihte tungah biakna pia un,” a ci uh hi. Mihing in milim bia-in nam tazen uh hi.

Hosea 2:8

Ama tungah an, leenggahzu le oliv thau ka piakna le Baal pasian biak nadingin a zat ngun le kham tampi tak a pia pa ka hih lam hong phawk kha lo hi.

1 KUMPI MASATE 16:31

Nebatʼ tapa Jeroboamʼ khialhnate zuih ding ama adingin a thuzang tawh a kibat mah bangin, amah in Sidon miteʼ kumpi Ethbaalʼ tanu Jezebel zi-in la a, pai-in Baal na semin a bia hi.

Galati 4:9

Ahi zongin note in tu-in Pasian meltheih khinin, tua ahih kei leh Pasian in note hong meltheih khinta ahih manin, a bang hangin bangmah a hih zo lo, a gina lo tua bangte lamah kiheikik nuam a, sila va suakkik nuam na hi uh hiam?

Johan 10:14

Kei, tuucing hoih ka hi hi. Pa in kei hong thei-in, kei zong Pa ka theih mah bangin keimah in ka tuute ka thei a, ka tuute in zong kei hong thei uh hi. Tua ahih manin ka tuute ka sihpih ngam hi.

1 KUMPI MASATE 12:28

Tua ahih ciangin kumpipa in thu kikupna khat bawl a, tua ciangin kham bawng no nih bawl hi. Tua ciangin amah in mite kiangah, “Jerusalem ah sauvei khop na pai khinta uh hi. Israel mite aw, Egypt leitang panin note hong paikhiatpih na pasian-te uh en un,” a ci hi.

Luka 13:27

Ahi zongin amah in, ‘Note koi panin a hong pai cih kong thei kei hi. A giloin a gamta note khempeuh aw, kei kiang panin paikhia un,’ hong ci ding hi.

Luka 13:25

Inn nei pa hong tho-in kong hong khak ciangin, note kong pua lamah dingin kongkhak na kiu ding uh a, ‘Topa aw, kote zong kong hong hon in,’ na ci ding uh hi. Amah in, ‘Note koi lai panin a hong pai na hi uh hiam kong thei kei hi,’ ci-in hong dawng ding hi.

Mattiu 25:12

amah in, ‘Note ka hong thei het kei hi,’ na cih san hi.”

Ezekiel 18:31

Na gamtatna sa uh mawhna khempeuh nusia unla, na lungsim uh le na ngaihsutna uh thaksuaksak un. Bang hangin no Israel mite si nuam na hi uh hiam?

1 KUMPI MASATE 13:34

Hih pen lei maitang panin khen khia-in a susia zah dongin Jeroboamʼ innkuan tungah khialhna lianpi a suak hi.

Jeremiah 16:20

Mi in ama pasian ding bawl tawm thei ahi hiam? Tuate pasian hi lo hi,” hong ci ding uh hi.

Daniel 3:1

Kumpi Nebukhadnezzar in a tun pi sawm kua a sang, a vailam pi kua a gol kham milim golpi khat bawlsak a, Babylon gam sung Dura zanglei ah a koih hi.

Hosea 8:3

amaute in a hoih nate paai khia uh ahih manin a galte un delh ding uh hi.

Hosea 13:1

Efraim-te beh in thu a gen ciangin a dangte lau uh a, Israel minam beh dangte in Efraim-te beh tung et uh hi. Ahi zongin Baal milim biakna hangin amaute khial uh hi; tua thu hangin si ding uh hi.

Hosea 13:11

Na kumpi dingte uh kong ngawh piak a, ka hehluatna hangin amaute ka la khiakik khin hi.