Hosea 8:2 - Tedim Bible Revision 2017

² Amaute in kei pen amauʼ Pasian, hong ci-in, nangma mite hi ung, hong ci napi-in,

Tedim Bible

² Amaute in kei pen amau’ Pasian hong ci-in, nangma mite hi ung, ci napi-in,

Hosea 8:2 Referans Kwoze

Titu 1:16

Pasian a thei-in a kigen uh hangin a gamtatnate uh tawh kilehbulh hi. Amaute a muhthadah huai, a thumang lo, na hoih sem dingin a kilawmna a om lo mite ahi uh hi.

Mattiu 7:21

“Kei kiangah, ‘Topa, Topa aw,’ hong ci mi khempeuh, vantung ki-ukna sungah lut thei kim lo ding uh a, vantungah a om ka Paʼ deihna bangin a gamta teng bek lut thei ding uh hi.

1 JOHAN MASA 2:4

Mi khatpeuh in, “Pasian ka thei hi,” ci napi-in a thupiaknate a zuih kei leh tua mi a zuaugen mi hi a, a thutak lo mi ahi hi.

Luka 13:25

Inn nei pa hong tho-in kong hong khak ciangin, note kong pua lamah dingin kongkhak na kiu ding uh a, ‘Topa aw, kote zong kong hong hon in,’ na ci ding uh hi. Amah in, ‘Note koi lai panin a hong pai na hi uh hiam kong thei kei hi,’ ci-in hong dawng ding hi.

Mattiu 25:11

Tua khit ciangin nungak haite zong hong tung uh a, ‘Topa, Topa aw, kong hong hon in,’ a cih uh ciangin

Micah 3:11

Khuapi ukte in sumgolh ngah theih nading ngaihsutna bek tawh thu khen a, siampite in sum ngah theih nading ngaihsutna bek tawh thu gen a, kamsangte in zong sum ngah theih nading ngaihsutna bek mah tawh mailam thu gen khol uh hi. Tua bang hi napi-in amaute in Topa, muanin nei uh a, “Topa in eite hong ompih a, eite tungah siatna hong tung lo ding hi,” a ci uh hi.

Jeremiah 7:4

‘A muanhuai sungah i om hi. Hih pen Topaʼ biakinn ahi hi, Topaʼ biakinn ahi hi, Topaʼ biakinn ahi hi,’ a kicici zuauthute um kei un.

2 KUMPI NIHNATE 10:29

Ahih hangin Bethel le Dan ah a om kham bawngnote ahi, Israel-te a khialhsakna, Nebatʼ tapa Jeroboamʼ khialhnate panin Jehu kihei khia lo hi.

2 KUMPI NIHNATE 10:16

Tua ciangin amah in, “Kei hong zui inla, Topa ading ka deih luatna hong thei in,” a ci hi. Tua ahih ciangin Jehu in a leeng sungah amah tuangsak hi.

Hosea 5:15

Ka mite in a mawhna hangun gimna thuakin kei hong zonkik mateng ka tua ci nusiat phot ding hi. A lungkham uh ciangin kei hong zong ding uh hi.

Hosea 8:3

amaute in a hoih nate paai khia uh ahih manin a galte un delh ding uh hi.