Hosea 8:11 - Tedim Bible Revision 2017

¹¹ Israel mite in mawhmaisak nading mun biakna tau tam bawl semsem leh mawh nading mun tam a behlap semsem a suak zawsop uh hi.

Tedim Bible

¹¹ Israel mite in mawh maisak nading mun biakna tau tam bawl semsem leh mawh nading mun tam a behlap semsem suak zawsop uh hi.

Hosea 8:11 Referans Kwoze

Hosea 12:11

Gilead gamah milim biakna om a, tuate a kimanna om lo hi. Gilgal gamah bawngtal tawh bia uh a, lokhote in a suang deih loh teng uh a phualphualin a cian kawikawi tawh kibangin, a biakna taute uh bangmahin kimang lo ding hi.

Hosea 10:8

Israel-te in milim bia-in mawhna a bawlna munte kisusia dinga, a biakna taute uh tungah ling le kiak a po ding hi. Tua ciangin mite in mual liante kiangah, “Hong vukcip un,” ci ding uh a, mual neute kiangah, “Hong deng cip un,” a ci ding uh hi.

Jeremiah 16:13

Tua ahih manin hih gam panin note le na pu na pate un na theih ngei loh uh gamah kong not khia ding hi. Tua lai ah sun le zanin pasian dangteʼ na na sem niloh ding uh hi; bang hang hiam cih leh note kong angvan nawn kei ding hi,” ci hi,’ na ci ding hi.

Thu-hilhkikna 4:28

Note in tua lai munah miteʼ khut in a bawl, khua mu thei lo, khua za thei lo, a ne thei lo, a nam thei lo sing le suang pasian-teʼ na na sem ding uh hi.

Jeremiah 17:1

Topa in a genna ah, “Judah miteʼ mawhna sik laikung khat tawh kigelh hi. Suang manpha mukzum tawh amauteʼ lungtang peek tung le biakna tau kite tungah khuakin ki-at hi.

Hosea 5:4

Amauteʼ gamtatna in a Pasian kiang uh zuansak thei lo hi. Amaute in nakpi takin milim biaknopna lungsim nei uh ahih manin Topa phawk kha lo uh hi.