Hosea 7:7 - Tedim Bible Revision 2017

⁷ A hehluatna uh tawh amau a ukte a that lum uh hi. A kumpite uh khat khit khat a banbanin kithat a, ahi zongin kuamah in kei kiangah huhna hong ngen lo uh hi.

Tedim Bible

⁷ A heh luatna uh tawh amau a ukte that lum uh hi. A kumpite uh khat khit khat a ban banin kithat a, ahi zongin kuamah in kei kiangah huhna hong ngen lo uh hi.

Hosea 7:7 Referans Kwoze

2 KUMPI NIHNATE 15:30

Tua ciangin Uzziahʼ tapa Jothamʼ kum sawm nihna kumin Elahʼ tapa Hoshea in Remaliahʼ tapa Pekah sawm simin amah sat pukin that a, tua ciangin ama tangin a uk hi.

2 KUMPI NIHNATE 15:25

Tua ciangin ama nuai ah a ukpa, Remaliahʼ tapa Pekah in Gilead mi sawm nga tawh amah sawm sim a, kumpipaʼ inn sung tawng, Samaria ah amah that hi. Amah a thah khit ciangin ama tangin a uk hi.

2 KUMPI NIHNATE 15:14

Tua ciangin Tirzah panin Gadiʼ tapa Menahem hong pai to-in Samaria hong tunga, tua ciangin amah in Samaria ah Jabeshʼ tapa Shallum sat pukin that a, ama tangin a uk hi.

2 KUMPI NIHNATE 15:10

Jabeshʼ tapa Shallum in amah sawm sim a, Ibleam ah amah sat pukin that a, tua ciangin ama tangin a uk hi.

Hosea 8:4

Amaute in kei hong dong loin kumpi ding vaihawm uh a, keiʼ theih pih lohin ulian koih uh hi. A ngun a khamte uh tawh amauʼ siat nading milim a bawl uh hi.

Hosea 7:10

Israel miteʼ kiphatsakna in amauʼ lang khat ah teci pang hi. Ahi zongin hih thu khempeuh ah zong, amauʼ Topa Pasian ahi keiʼ lamah hong kihei tuan lo uh a, kei hong zong lo uh hi.

Isaiah 64:7

Tua ahih ciangin nangmah a hong pom dingin a hanciam tawm, nangma min a lo kuamah om lo hi. Bang hang hiam cih leh kote kiang panin nang in na maitang na seel a, mawhna khut sungah kote na hong pia hi.

Isaiah 43:22

“Ahih hangin Jakob aw, ka min nong lo kei hi. Israel aw, kei nong cimtak hi.

Isaiah 9:13

Amaute a sat paʼ lamah Israel mite kihei lo a, Vanglian Topa zong lo uh hi.

JOB (Job) 36:13

“Migilote a hehin ni tum uh a, gimna a thuak ciang nangawnun ama huh ding ngen lo uh hi.

Hosea 7:14

Amaute in lungsim takpi tawh kei tungah huhna hong ngen lo uh a, dawibia mite bang lelin a gamta uh hi. An le leenggahzu a nget uh ciangin zong lawkite bangin a ngen uh hi. Amaute in kei hong lehdo uh hi.

Hosea 5:15

Ka mite in a mawhna hangun gimna thuakin kei hong zonkik mateng ka tua ci nusiat phot ding hi. A lungkham uh ciangin kei hong zong ding uh hi.

Daniel 9:13

Mosesʼ thukham sunga kigen gimna khempeuh ka thuak uh hi. Topa Pasian aw, tu nangawnin zong nang kong lungdamsakna ding uh hanciam loin, na thuman ka zuih theih nadingun mawhna ka kisik kei uh hi.

Ezekiel 22:30

Keimah in ka hehna tawh ka suksiat ding hun ciangin kulh a ciang zo ding, kulh a kicipna munah a cing zo ding le gam sung a hu zo ding mi khat amaute lakah ka zong a, ahi zongin tua bang ding mi khat beek ka mu zo kei hi.

2 KUMPI NIHNATE 10:14

Amah in a mite kiangah, “Hingmat un,” a ci hi. Tua ciangin amaute in tua mite hing mat uh hi. Tua ciangin amaute thatin tua lai-a om dum sungah amaute mi sawm li le nih a sisa-in lawn suk uh a, amah in amaute khat zong hingkhawi lo hi.

2 KUMPI NIHNATE 10:7

Amaute kiangah a laikhak a tun ciangin amaute in kumpipaʼ suanlekhak tua mihing sawm sagihte that uh a, a lutangte seeng sungah guangin Jehu kiang Jezreel ah a puak uh hi.

2 KUMPI NIHNATE 9:33

Jehu in, “Amah hong lawn suk un,” a ci hi. Tua ahih ciangin amaute in Jezebel lawn suk uh hi. A sisan pawl khat kulh tung le sakolte tungah kitheh a, tua ciangin amaute in amah tuancil uh hi.

2 KUMPI NIHNATE 9:24

Tua ciangin Jehu in a tha neih khempeuh tawh a thal keekin Joramʼ liangko kikal kap a, a thaltang in a lungtang pailetin a leeng sungah amah a puk suk hi.

1 KUMPI MASATE 16:18

Ama hih sa a khialhna, Topaʼ muhna ah a siat gamtatna, Jeroboamʼ khekhap a totna le a hih sa a khialhna, Israel a khialhsakna hangin, a khuapi kila khinta hi, ci-in Zimri in a muh ciangin kumpipaʼ inn muanhuai sungah amah pai a, kumpipaʼ inn tawh amah mei-in kihalnelhin a si hi.

1 KUMPI MASATE 16:22

Ahih hangin Omri a zui mite in Ginathʼ tapa Tibni a zuite zo uh ahih ciangin Tibni si a, Omri kumpi a suak hi.

1 KUMPI MASATE 15:28

Tua ahih ciangin Judah kumpi Asaʼ kum thumna kumin Baasha in Nadab that a, Nadab tangin amah in a uk hi.

Hosea 13:10

Na kumpi ding uh le na makai dingte uh nong ngen uh hi. Tu-in note hong hon dingin na hong nget uh na kumpipa uh koi ah om a, note hong hu ding na makaite uh koi lai tung khin ahi hiam?

Micah 2:1

A lupna tungah lumin gitlohna a geelgeelte in gimna ngah tahen. Zingsang khua a vak ciangin, hih theih ding hun a ngah phetun, a ngaihsut sa uh gitlohna a sem khia uh hi.

Late 14:4

Topaʼ tungah thu a ngen lo, annek bangin ka mite a ne tum, siatna a bawlte in thutheihna nei lo ahi hiam?

Isaiah 64:4

Amah a ngakte adingin na a sem paʼ thu tanglai pek panin kuamah in thei ngei lo, kuama bil in za ngei lo a, kuama mit in nang sim loh Pasian dang mu ngei lo uh hi.

Isaiah 64:6

Kote khempeuh mawhnei mi ka hi khin uh a, ka gamtat hoih khempeuh uh zong puan nin tawh kibang lai veve hi. Kote khempeuh singteh bangin ka vul uh a, ka mawhna hangun huih letkhiat nahthel keu ka bang uh hi.