Hosea 7:3 - Tedim Bible Revision 2017

³ Amaute in a zuaupi teng uh tawh kumpipa lungdamsak uh a, a khemna teng uh tawh a uliante uh nuamsak uh hi.

Tedim Bible

³ Amaute in a zuaupi teng uh tawh kumpipa lungdamsak uh a, a khemna teng uh tawh a uliante nuam sak uh hi.

Hosea 7:3 Referans Kwoze

ROM (Romans) 1:32

Tua bangin a gamtate in sihna thuak ding hi, ci-in Pasianʼ thukhenna thei napi-in, tua bangin amaute a gamtat uh banah, tua bangin a gamtate pakta-in a awi zawsop lai uh hi.

Micah 7:3

A sia lam a gamtat ding siam mahmah uh a, uliante le thukhente in sumgolh ngenin, mi liante in amauʼ deih teng pulak uh a, kipawlin vaihawm khawm uh hi.

1 JOHAN MASA 4:5

Kamsang a kineihkhemte in leitung thu gen uh a, amaute pen Pasian a thei lo hih leitung mite tawh kipawl uh ahih manin leitung mite in amauʼ thugen a ngai uh hi.

Micah 6:16

Bang hang hiam cih leh Kumpi Omriʼ gamtatna zui-in, ama tapa Kumpi Ahabʼ sep khempeuh na sem uh a, amauʼ gamtat khempeuh na zui uh hi. Tua ahih manin note kong susia ding hi. Minam dangte in note hong nuihsanin, amauteʼ simmawhna na thuak ding uh hi.

Hosea 7:5

Kumpipa in pawi a bawl ni-in amaute in uliante zu khamsakin haisak uh a, amauʼ ngimna a thei lopi-in kumpipa zong tua lakah hong kihel hi.

Hosea 5:11

Israel in zong gimna thuakin a cimawh hi ta hi; bang hang hiam cih le kei kiangah hong pai nuam loin piak ding bangmah a nei lote kiangah huhna ngen dingin pai hamtang hi.

Hosea 4:2

Mite in thuciamna bawl napi-in a thuciamte uh palsat uh hi. Zuau genin, mi thatin, guta-in, nulepa mawhna bawl uh hi. A sia khat khit a sia khat a banbanin gamta-in a mawhna uh beh laplap uh hi.

Jeremiah 37:19

Nangʼ kiangah, ‘Babylon kumpipa in nang le hih gam hong sim lo ding hi,’ ci-in thu a hong gen khol, na kamsangte tu-in koi ah om ahi uh hiam?

Jeremiah 9:2

Sehnel gamlak ah khawl nading bukno khat nei thei-in ka mite nusia-in a taisan thei hi leng ka ut hi. A vekpi-un angkawm hat hi khin uh a, thuman lo kim uh hi.

Jeremiah 5:31

Kamsangte in thuman gen lo uh a, siampite in zong amauʼ ut bangun a uk uh hi. Ka mite in phamawh sa lo sawnsawn uh hi. A tawpna hun hong tun ciangin bang cih ding uh ahi hiam, Topa in ci hi, ci-in gen in,” hong ci hi.

1 KUMPI MASATE 22:13

Tua ciangin Mikaiah a sam dingin a pai kamtai pa in ama kiangah, “Thu kikhatin kamsangteʼ thugen pen kumpipa adingin a hoihlam ahi hi. Amaute bangin nang zong gen inla, a hoih lamin gen in,” a ci hi.

1 KUMPI MASATE 22:6

Tua ciangin Israel kumpipa in kamsangte mihing za li bang khawmin amaute tungah, “Ramoth-gilead a sim dingin ka kuan ding hiam, ahih kei le ka thuak ding hiam,” a ci hi. Amaute in, “Kuan to in; bang hang hiam cih leh Topa in kumpipaʼ khut sungah hong pia ding hi,” a ci uh hi.

Hosea 10:13

Ahi zongin note in thusia na tuh zawsop uh a, thusia gah na at uh hi. Na zuauna uh hangin a piang gahte na ne uh hi. Note in na sakol leengte uh le na galkap tamna uh muang kha na hih manun,

Hosea 11:12

Topa in hih bangin ci hi: Israel mite in zuauna le khemna bekbek tawh kei hong khuhcip uh hi. Judah mite in zong a citak a Siangtho Pa keimah hong langpang lai uh hi.