Hosea 7:16 - Tedim Bible Revision 2017

¹⁶ Amaute, keiʼ lam hong nga loin, Baal pasianʼ lam nga tawntung uh hi. A khak nading san a kha thei lo thalpeu tel tawh kibang uh hi. Amauʼ kiphatsak pauna hangun a uliante uh namsau-in si ding uh a, Egypt mite in amaute nuihsan lel ding uh hi.

Tedim Bible

¹⁶ Amaute, kei lam hong nga loin, Baal pasian lam nga tawntung uh hi. A khakna san ding a kha thei lo thal peu tel tawh kibang uh hi. Amau’ kiphatsak pauna hangun a uliante uh namsau-in si ding uh a, Izipt mite in, amaute nuihsan lel ding uh hi.

Hosea 7:16 Referans Kwoze

Hosea 9:3

Bang hang hiam cih leh Topaʼ gam sungah na omsuak kei ding uh a, Egypt gamah paikikin, Assiria gam sungah an siang lo na ne ding uh hi.

Late 78:57

a pu a pate uh mah bangin kihei khia-in a zuau gamtat uh hi. Thal gina lo bangin amaute a kihuiheek uh hi.

Ezekiel 23:32

Topa Pasian in hih bangin ci hi: Na unuʼ hai mah na dawn dinga, tua hai golin thuk mahmah hi. A hai dim sitset ahih manin mi khempeuh in hong simmawhin hong nuihsan ding uh hi.

Late 73:9

Amauteʼ gensiatna in vantung dong ban to a, kiliatsakna tawh leitungah thu gen kawikawi uh hi.

Hosea 9:6

Lungkhamna hun hong tungin, mite na kithehthang uh ciangin, Egypt mite in note hong kaikhawm dinga, amau gam Memfis khuapi ah vui ding bek na hi uh hi. Na inn na lote uh, kiak le lopa in khuhcip lel ding hi.

Mangmuhna 13:5

Tua ganhing, kiphatsakna le kam khel nono a pau theih nading le kha sawm le nih sung aana a zat theih nadingin thu kipia hi.

2 PETER NIHNA 2:8

Tua mihoih pa, amaute lakah teeng a, nisimin amauteʼ gamtat hoih lohnate za-in mu tawntung ahih manin lunggim mahmah hi.

Jeim 3:5

Tua mah bangin leii zong i pumpi na sung panin a neu mahmah khat hi napi-in thusia lian pipi piangsak zo hi. Gam khempeuh zong mei-ek neuno khat pan kipanin a kaang tum thei hi.

Luka 8:13

Suang kitawphah leilak a tukna munte pen Pasianʼ thu a zak ciangin lungdam takin a sangte a cihna ahi hi. Ahi zongin amaute sungah thuktum lo ahih manin tawl khat sung bek um uh a, ze-etna hun a tun ciangin a puk uh hi.

Mattiu 12:36

Note kiangah kong genin ah: Thukhen ni ciangin mi khempeuh in phattuamna a om lo a kampaunate uh khempeuh bangin thusitna a thuak ding uh hi.

Hosea 11:7

Ka mite in kei kiang panin pial ding ngaihsun tawntung uh a, a sangna lam ah a kiko khop uh hangin kihon khia lo ding hi.

Hosea 7:13

Amaute in kei hong taisanin hong lehdo uh ahih manin gimna ngahin siatna tuak ding uh hi. Amaute ka hotkhiat nop hangin amaute in kei hong lehgen zawsop uh hi.

Hosea 6:4

Israel le Judah aw, note bang hong cih thei nawn ding ka hi hiam? Noteʼ hong itna pen zingsang meii lum bangin theng pak a, a mangthang pak daitui tawh kibang lel hi.

Ezekiel 36:20

Ahi zongin midangte in, ‘Hih mite pen Topaʼ mite hi napi-in, Pasian in amauteʼ tungah a piak gam panin tai khia uh hi,’ ci-in a paina peuhpeuh uh ah na kigen ahih manin, ka min siangtho hong daisak uh hi.

Jeremiah 18:18

Tua ciangin amaute in, “Hong pai un, Jeremiah sawm ni. Bang hang hiam cih leh eite a hong hilh dingin siampite ahi zongin, i dot ding mipilte ahi zongin, Pasianʼ thu a hong gen dingin kamsangte ahi zongin i nei hi. Hong pai un, amah mawhsakin ama thu peuhmah mal khat zong i mang kei ding hi,” hong ci uh hi.

Jeremiah 3:10

Hih bang teng hi napi a sanggamnu, numei gina lo Judah, a lungsim takpi tawh hong kilehkik loin, a kilehkik hong kineihkhem bek hi, Topa in kong ci hi,” hong ci hi.

Isaiah 3:8

Bang hang hiam cih leh amaute khempeuh le amauʼ gamtatnate in Topa langpangin amah dem uh ahih manin Jerusalem khua kipukin Judah gam kia hi.

Late 78:37

Amauteʼ lungsim ama lamah kip lo uh a, ama thuciamna ah amaute thuman lo uh hi.

Late 57:4

Huaihamna tawh mihing a ne tum, humpinelkai tawh a kibang miteʼ lakah ka om hithiat hi. Amauʼ hate, namsau hiam tawh kibang hi.

Late 52:2

Zuau nasem pa aw, na leii a hiam pha mahmah mulkiatna tem tawh kibang hi.

Late 12:3

“I Leii tawh gualzo ding, i mukte eima neihsa; i to kua hiam?” a ci vial, kiphatsakna a piangsak leii, phat khemna muk khempeuh, Topa in at khia tahen.

Late 17:10

Amaute in hehpihna lungsim bangmah nei lo uh a, a kam uh tawh amaute kiphatsak pau uh hi.

Daniel 7:25

“Amah in a Lianpen Pasian langpangin thu gen dinga, Pasianʼ mite a bawlsia ding hi. Amah in amauteʼ biakna tawh kipawl thukhamte le pawi bawlna hunte kheelsak ding hanciam dinga, ama khut sungah kum thum le alang sung Pasianʼ mite a om ding uh hi.

Hosea 11:5

Tua bang hi napi, kei lamah amaute hong kihei nuam lo uh ahih manin Egypt gamah paikik ding uh a, Assiria mite, amauʼ kumpi hi ding hi.

Malakhi 3:13

Topa in hih bangin ci hi: “Kei tawh kisai-in na kampaunate uh khauh mahmah hi. Note in, ‘Bang kampau ka hi uh hiam?’ na ci uh hi.

Malakhi 3:14

Note in, ‘Pasianʼ na i sep a mawkna hi. Ama hong sawl bangin i sep hangin bang a kimanna om a, i gamtatna sate hangin i dahna lim, Vanglian Topaʼ mai ah i lah hangin bang phattuamna om ahi hiam?

Late 12:5

Topa in, “Mizawngte a neihsa kihawk khia a, mi cimawhte thumin tau uh ahih ciangin tu-in dingin, amauʼ lunggulh, lungmuanna munah amaute ka koih ding hi,” a ci hi.

Jeremiah 42:18

“Bang hang hiam cih leh Vanglian Topa, Israel miteʼ Pasian in kong cih in ah: Jerusalem khua ah a teeng miteʼ tungah ka hehna le ka thangpaihna a kibuak bangmahin Egypt gamah na pai uh leh note tungah ka hehna hong kibua ding hi. Mite in note hong lipkhap dinga, kihamsiatna-in hong zangin hong zahko ding uh hi. Note in hih mun na mukik nawn kei ding uh hi, ci-in gen hi,” ka ci hi.

Hosea 9:4

Gam dangah na om laitakun Topa tungah leenggahzu tawh biakna na pia kei ding uh a, gan gawh biakna zong na bawl kei ding uh hi. Sihna phual a annek bangin, na annekte un zong a ne teng hong ninsak ding hi. Na ante uh zong na gilvahna ding bek uh hi dinga, Topaʼ inn ah khat zong na tun kei ding uh hi.