Hosea 7:13 - Tedim Bible Revision 2017

¹³ Amaute in kei hong taisanin hong lehdo uh ahih manin gimna ngahin siatna tuak ding uh hi. Amaute ka hotkhiat nop hangin amaute in kei hong lehgen zawsop uh hi.

Tedim Bible

¹³ Amaute in kei hong taisanin hong lehdo ding uh ahih manin gimna ngahin siatna thuak ding uh hi. Amaute ka hotkhiat nop hangin amaute in kei hong lehgen zawsop uh hi.

Hosea 7:13 Referans Kwoze

Hosea 9:12

Amaute in ta khoi mah ta le-uh zong, suanlekhak a neih theih ma-un ka khansihsak khin ding hi. Hih mite ka nungngat ciangin amaute tungah a lungkham huai lianpite a tung ding hi.

Hosea 11:12

Topa in hih bangin ci hi: Israel mite in zuauna le khemna bekbek tawh kei hong khuhcip uh hi. Judah mite in zong a citak a Siangtho Pa keimah hong langpang lai uh hi.

Mangmuhna 8:13

Tua ciangin ka khuadak leh vankim lai ah muvanlai khat a leen kawmin nakpi-in ham a, “Vantungmi a dang thumte in a hong tum lai ding peengkulte hangin leitungah a teeng mi tungah gimna, gimna, gimna lianpi hong tung ding hi,” a cihna ka za hi.

1 JOHAN MASA 1:10

Pasian in a mawh hi, hong ci ahih manin eite in ka mawh ngei kei hi, i cih leh Pasian pen zuaugen a suaksak ihi a, i sungah ama thu a om het lo ahi hi.

Mattiu 23:37

“Jerusalem, Jerusalem aw, kamsangte na that a, Pasianʼ sawl kamtaite na deng lum hi. Akpi in a kha tawh a note a huai mah bangin na mite ka huai nuam tawntung a, ahi zongin na ut kei hi.

Micah 6:4

Bang hang hiam cih leh Egypt gam panin note kong paikhiatpih a, salsuahna panin ka hong hon khia hi. Note a hong makai dingin Moses, Aaron le Miriam ka hong sawl hi.

Jonah 1:10

Tua ciangin tua mite lau mahmah uh a, “Bang hangin hih bangin gamta mawk na hi hiam?” a ci uh hi. Bang hang hiam cih leh Topaʼ kiang pan amah a tai khia sim ahih lam a gen khit sa ahih manin a thei khinzo uh hi.

Jonah 1:3

Ahih hangin Topaʼ kiang pan Jonah tai khia-in Tarshish khua lamah a taisim dingin a kithawi zawsop hi. Joppa khua ah pai suk a, Tarshish khua a zuan ding teembaw khat a mu hi. A sap man ding pia-in a tungah kah a, Topaʼ kiang pan a tai khia dingin teembaw hawlte tawh Tarshish khua ah a pai hi.

Hosea 11:2

Amaute kilim sap semsem leh ka maitang pan gamla pai semsem hi. Ka mite in Baal tungah biakna pia uh a, milim biakna-in paknamtui a hal uh hi.

Hosea 9:17

Amaute in a thu ngai lo uh ahih manin ka Pasian in a mite a nial ding hi. Minam dangte lakah a vakvai mite a suak ding uh hi.

Hosea 7:3

Amaute in a zuaupi teng uh tawh kumpipa lungdamsak uh a, a khemna teng uh tawh a uliante uh nuamsak uh hi.

Hosea 7:1

Israel-te a ci uh damsakkik ning, ci-in ka ngaihsut ciangin, amauʼ mawhna le amauʼ siatna bekbek kimu thei hi. Amaute in mi khemin, inn luhin na gu uh a, kong lak nangawn ah miʼ na sut uh hi.

Ezekiel 34:6

Tua ahih manin ka tuute kithehthang gawp uh a, mualtungte le mual sang tung khempeuh ah vak mang uh hi. Leitung gam khempeuh ah ka tuute kithehthang uh a, kuamah in zon ding kan dingin ngaihsun lo uh hi.

Ezekiel 18:25

“Ahi zongin note in, ‘Topaʼ hihna zia man lo hi,’ na ci uh hi. Israel mite aw, ka thugen hong ngai un. Keima hihna zia a man loin ngaihsun na hi uh hiam? A man lo pen nomauʼ ngaihsutna zia hizaw hi.

Ezekiel 18:2

“Israel gam sungah mite in zat belin a neih paunak, ‘A pate in leenggah thuk ne a, a tateʼ ha kim,’ cihna pen bang a cihnopna ahi hiam?

Ezekiel 16:23

“Topa Pasian in hih bangin ci hi: Gimna na thuak ding hi. Hih bang siatna nam khempeuh na gamta khin a,

Kah la 5:16

Kisaktheih nading bangmah om nawn lo a, mawh ihih manin gimna a thuak ihi hi.

Jeremiah 42:20

Na sih nadingun lam na pial khin uh hi. Bang hang hiam cih leh Topa na Pasian uh kiangah kei nong paisak uh a, ‘Ko adingin Topa i Pasianʼ kiangah thu hong ngetsak in. Topa i Pasian in a hong gen peuhpeuh ko kiangah hong gen in. Ko zong ka mang ding uh hi,’ na hong ci uh hi.

Jeremiah 14:10

Hih mite tawh kisai-in Topa in thu gen a, “Kei kiang panin amaute vak khia kawikawi nuam uh a, a kideek kei uh hi. Tua ahih manin Topa keimah in amaute ka sang kei a, a khialhnate uh phawkin, a mawhnate uh hangin gim ka pia ding hi,” a ci hi.

Isaiah 63:8

Bang hang hiam cih leh Topa in, “Amaute pen keima mi taktak hi a, amaute in kei hong khem lo ding hi,” a ci hi. Tua ahih manin a lungkhamna panun amaute a hon khia hi.

Isaiah 59:13

Nangmah hong lehdo-in nang kong nial uh a, na thu kong zui kei uh hi. Midangte nengniamin nang kong lehdo uh hi. Ka ngaihsutnate uh khial a, ka thugente uh zuau thu vive ahi hi.

Isaiah 43:1

Ahih hangin Jakob aw, nangmah hong piangsak pa, Israel aw, nangmah hong bawlpa, Topa in tu-in hih bang ci hi: “Hong hon khia khin ka hih manin lau kei in. Na min tawh kong sam khinzo a, nang pen kei-aʼ na hi hi.

Isaiah 41:14

Lungno bang ahi lel Jakob, no Israel mite aw, lau kei un! Note kong huh ding hi, Topa in ci hi. Note hong honpa pen Israel-teʼ Siangtho Pa ahi hi.

Isaiah 31:1

Egypt gamah huhna ngen dingin pai suk a, sakol suanin nei-in leengte a tam manin muang a, sakol tung tuangte a hat mahmah manin muang napi-in Israel-teʼ Siangtho Pa a suang lo, Topa thu a dong lote in gimna ngah tahen!

Late 106:10

Tua ahih ciangin amah in galteʼ khut sung panin amaute hon khia a, langpangteʼ vangliatna panin amaute a khah khia hi.

JOB (Job) 22:17

Hih mite pen Pasian a nial, Pasian in bangmah a cih thei lo dingin a ki-um mite ahi uh hi.

Nehemiah 1:10

Topa aw, amaute pen na vangliatna le a thahat na khut tawh na hotkhiat sa na nasemte le nangma mite ahi uh hi.

Thu-hilhkikna 15:15

Egypt gamah sila na hihna uh le Topa na Pasian un note hong suahtaksakna na phawk ding uh hi. Tua ahih manin hih thu tu ni-in kong pia hi.

Jeremiah 7:15

Efraimʼ suanlekhak ahi leilu lam a na behte khempeuh uh ka paihkhiat bangin note zong ka muhna panin kong paikhia ding hi.

Jeremiah 51:9

Ahi zongin midangte in, ‘Babylon khua i damsaknop hangin a dam zo ding hi nawn lo hi. Nusia ta unla, i gam ciat zuanin ciah ni. Ama tunga thukhenna in vantung dong ban khinta a, van dawn dong a pai to hi,’ a ci uh hi.

Micah 6:12

Na mihaute uh mizawngte tungah tatsia mahmah in, na khua sung mi khempeuh uh zuaugen vive ahi uh a, a kam un khemna thu bekbek gen hi.

Isaiah 30:1

Topa in, “Keiʼ ngimna hi lopi-in thu vaihawmna a sem khia, keiʼ lungsim lopi-in kipawlna dang a bawl manun khialhna a bawl thuahthuah; keimah thu hong dong lopi-in Faroʼ hutna sung a beel ding le Egyptʼ liahna a zong dingin Egypt gamah pai suk dingin a kuan khia, a lehdo mite in gimna ngah tahen.

Hosea 5:7

Topaʼ tungah amaute citak lo uh a, midangte tawh zawlta nei uh hi. Tu-in amaute le a neihsa khempeuh uh kisusia ding hi.