Biblia Todo Logo
Bib sou entènèt

- Piblisite -




Hosea 7:1 - Tedim Bible Revision 2017

1 Israel-te a ci uh damsakkik ning, ci-in ka ngaihsut ciangin, amauʼ mawhna le amauʼ siatna bekbek kimu thei hi. Amaute in mi khemin, inn luhin na gu uh a, kong lak nangawn ah miʼ na sut uh hi.

Gade chapit la Kopi

Tedim Bible

1 Israelte a ci uh damsak kik ning, ci-in ka ngaihsut ciangin, amau’ mawhna leh amau’ siatna bekbek kimu thei hi. Amaute in mi khemin, inn luhin na gu uh a, konglak nangawn-ah mi’ na sut uh hi.

Gade chapit la Kopi




Hosea 7:1
30 Referans Kwoze  

Amaute in kei hong taisanin hong lehdo uh ahih manin gimna ngahin siatna tuak ding uh hi. Amaute ka hotkhiat nop hangin amaute in kei hong lehgen zawsop uh hi.


Israel le Judah aw, note bang hong cih thei nawn ding ka hi hiam? Noteʼ hong itna pen zingsang meii lum bangin theng pak a, a mangthang pak daitui tawh kibang lel hi.


“Nopsak tawntung theih nading bang kisam hiam, ci-in tu ni-in thei lecin ut mahmah ing. Ahi zongin nang na theithei kei hi.


Mite in thuciamna bawl napi-in a thuciamte uh palsat uh hi. Zuau genin, mi thatin, guta-in, nulepa mawhna bawl uh hi. A sia khat khit a sia khat a banbanin gamta-in a mawhna uh beh laplap uh hi.


“Jerusalem, Jerusalem aw, kamsangte na that a, Pasianʼ hong sawl kamtaite na deng lum hi. Akpi in a kha tawh a note a huai mah bangin na mite ka huai nuam tawntung a, ahi zongin na ut kei hi.


“Jerusalem, Jerusalem aw, kamsangte na that a, Pasianʼ sawl kamtaite na deng lum hi. Akpi in a kha tawh a note a huai mah bangin na mite ka huai nuam tawntung a, ahi zongin na ut kei hi.


Bang hang hiam cih leh Kumpi Omriʼ gamtatna zui-in, ama tapa Kumpi Ahabʼ sep khempeuh na sem uh a, amauʼ gamtat khempeuh na zui uh hi. Tua ahih manin note kong susia ding hi. Minam dangte in note hong nuihsanin, amauteʼ simmawhna na thuak ding uh hi.


Samaria milim pasian Ashimah min tawh kiciam a, ‘Dan khuapi pasian a nungta ahih mah bangin,’ le ‘Beer-sheba khuapi pasian a nungta ahih mah bangin,’ a ci mite pukin thokik nawn lo ding uh hi,” a ci hi.


Topa in hih bangin ci hi: Israel mite in zuauna le khemna bekbek tawh kei hong khuhcip uh hi. Judah mite in zong a citak a Siangtho Pa keimah hong langpang lai uh hi.


Bethaven khua-a bawng no milim a taanna uh hangin Samaria khuapi sunga a teeng mite lau-in liing ding uh a, amaute le tua milim na a sem siampite a thum ding uh hi. A etlawmna teng a maiman ciangin a tau ding uh hi.


A hon lak panin a tai khia, a thumang lo gam la bangin Assiria mite tung panin huhna a ngen dingin va tai uh hi. A huh ding uh a deihna-in midangte tungah amau pumpi a va zuak uh hi.


Samaria khuapi mite in a biak kham bawng no ka deih kei hi. Tua a bia mite tungah ka heh hi. Amaute in mihoih a suah nading uh bang tanvei ngak lai ding ahi uh hiam?


No siampite aw, hih thu ngai un! No Israel mite aw, thudon un. Kumpipaʼ innkuante aw, ngai un! Note in midangte tungah thu a khen ding hi napi-in, note tungah thukhenna hong tung ding hi. Bang hang hiam cih le note in miteʼ awk nadingin Mizpah mualah thang na siah uh a, miteʼ awk nadingin Tabor mualah ngenthang na hi uh hi.


Israel mite, milim biak uuk lua uh a, cih theih hi lo hi.


A unuʼ min Oholah hi a, Samaria khuapi tawh kibang a cihnopna ahi hi. A naunuʼ min Oholibah hi a, Jerusalem khuapi tawh kibang a cihnopna ahi hi. Hih numei nihte ka teenpih a, a nihun kei tawh ta nei uh hi.


Na unu pen leilu lam a om Samaria le a khuaneute ahi hi.


Ahi zongin midangte in, ‘Babylon khua i damsaknop hangin a dam zo ding hi nawn lo hi. Nusia ta unla, i gam ciat zuanin ciah ni. Ama tunga thukhenna in vantung dong ban khinta a, van dawn dong a pai to hi,’ a ci uh hi.


Bang hang hiam cih leh nangma tungah koteʼ thupalsatna tampi tak pha a, ka mawhnate un koteʼ langah teci hong pang hi. Koteʼ thupalsatnate, ka mawhnate uh ka thei uh hi.


Israel Kumpi gam in siatna a thuak ding hi ta hi. Zu a kham, a gam makaiteʼ lu tungah a om pak tawh a kibawl Kumpi lukhu bangin a minthanna maimang ta hi. A lutang uh paknamtui kinuh napi-in zukhamin tuk mangkhin uh hi.


Jerusalem aw, na gamtat hoih lohnate in nang hong ninsak khin hi. A siansuah dingin kong hanciamciam hangin a nin mahin na om lai veve hi. Ka heh mahmahna na thuak khit matengin na siangkik ngei kei ding hi.


Israel mite aw, bangci-a hong nusia thei dinga, bangci-a hong paidak thei ding ka hi hiam? Admah khua ka suksiat bangin kong susia nuam kei a, Zeboiim khua ka bawl bangin kong bawl nuam kei hi. Note hong khasiat mahmah ka hih manin tua ci banga hih ding ka lungsimah om lo hi.


Nangmah hong lehdo-in nang kong nial uh a, na thu kong zui kei uh hi. Midangte nengniamin nang kong lehdo uh hi. Ka ngaihsutnate uh khial a, ka thugente uh zuau thu vive ahi hi.


Thutang kihawl khia a, thuman in hong naih thei lo hi. Mihonpiteʼ kikhopna munah thuman kizang lo a, thutang tum thei lo hi.


Israel mite, a nung kawikawi huih tawh kibang a, sunthapai a a nasepna uh a mawkna ahi hi. Zuauna le siatna lamsang bekbek khangsak uh hi. Assiria-te tawh kipawlna bawl uh a, Egypt-te tawh kizopna nei uh hi.


Topa in Israel mite a mawhsak nading a thu om hi. Jakob a gamtatna tawh kizui-in gim pia dinga, ama gamtatna bangin thukkik ding hi.


Samaria gam munmuanhuai ah a om mite le Egypt gam munmuanhuai ah a om mite tungah thu zasak unla, “Samaria ah hong kikhawm unla, tua lai-a buaina lianpite le kinenniamnate hong mu un,” ci un.


Topa in hih bangin ci hi: Hih mite in a manin gamtat ding thei lo uh a, gilo mahmah uh a, miʼ na a suh uh vante tawh a inn lianpipite uh kidimsak uh hi.


Swiv nou:

Piblisite


Piblisite