Hosea 6:7 - Tedim Bible Revision 2017

⁷ Ahi zongin ka ciamna gam a tun uh ciangin amaute in Adam khua ah ka thuciamna palsat uh a, kei tungah hong thuman lo uh hi.

Tedim Bible

⁷ Ahi zongin ka ciamna gam a tun’ uh ciangin amaute in Adam khua-ah ka thuciamna palsat uh a, kei tungah hong thuman lo uh hi.

Hosea 6:7 Referans Kwoze

Hosea 8:1

Pataukohna peengkul tum in. Galte in muvanlai bangin ka gam a leenlak dingin hong kithawi uh hi. Bang hang hiam cih leh ka mite in ka thuciamna uh pelhin, ka thuhilhnate hong nial uh hi.

Hosea 5:7

Topaʼ tungah amaute citak lo uh a, midangte tawh zawlta nei uh hi. Tu-in amaute le a neihsa khempeuh uh kisusia ding hi.

Jeremiah 9:6

Siatna khat khit siatna khat, a banbanin gamta uh a, zuau zong a phuakphuak uh hi. Kei hong thei nuam lo uh hi, Topa in a ci hi.

JOB (Job) 31:33

Midangte in a mawhnate uh pulak loin imcip uh a, ahih hangin keima mawhna cikmahin ka im ngei kei hi.

Piancilna 3:11

Amah in, “Na guaktang a na omna kua in hong gen ahi hiam? Na nek loh dinga kong thupiak singgah ne kha na hi hiam?” ci hi.

2 KUMPI NIHNATE 17:15

Amaute in ama thukhamte le a pu a pate uh tawh a bawl a thuciamna le amaute tungah a piak hilh kholhnate simmawh uh hi. Amaute in a mawkna milimte zui-in a mawkna suak uh a, amaute tawh kibangin gamta kei un ci-in Topa in a thupiak tawh kisai-in, amaute in amauʼ kiim a om minamte zui uh hi.

Piancilna 3:6

Tua ahih ciangin singkung a hoihna, mi a pilsak dingin tua a gah a deihhuaina a muh ciangin, a singgah loin a ne hi. Amah in singgah kim khat a pasal pia a, a pasal in zong a ne hi.

Hebru 8:9

Egypt gam panin a paikhiatpih dingin a pu a pate uh ka khut tawh ka kaih lai a, amaute tawh ka bawl thuciamna bang hi lo ding hi. Amaute tawh ka bawl thuciamna zui lo uh ahih manin kei zong amaute ka don kei hi.

Jeremiah 31:32

Tua pen, a pu a pate uh, Egypt gam panin ka lakkhiat nadingin a khut uh tawh ka kaihkhiat huna ka bawl uh thuciamna tawh kibang lo ding hi. Tua hun lai-in kei amauteʼ pasal hi napi-in ka thuciamna a hong palsat uh hi, Topa in kong ci hi.

Jeremiah 5:11

Israel minamte le Judah minamte, Topa in ka cih in ah, keiʼ tungah hong thuman nawn het lo uh hi.

Jeremiah 3:7

Hih teng a hih khit ciangin kei kiangah hong kilehkik ngawn ding hi, ci-in ka up hangin amah hong kilehkik tuan lo hi. Tua bangin a gamtatna pen numei gina lo a sanggamnu Judah in zong a mu hi.

Isaiah 48:8

Note pen muan theih ding na hih lohna uh, na suah tung uh a kipan mi lehdo thei na hihna uh ka hong thei hi. Tua ahih manin hih thute na za ngei kei uh a, zong na thei ngei kei uh hi.

Isaiah 24:16

Leimong a gamla pek pan nangawnin a thuman Israel minamte a kiphatna la i za ding hi. Ahih hangin keimah in, “Ka lungkham hi; ka lungkham hi. Gimna ngah hi ta ing! Bang hang hiam cih leh mi khemte in khemkhem lai-in sia semsem uh a, khem zawh thu mah ciamciam lai uh hi,” ka ci hi.

Isaiah 24:5

Ama tunga a teengte in leitung ninsak uh hi. Bang hang hiam cih leh amaute in thukhamte khialin ngeina kipte palsat uh a, tawntung thuciamna peel uh hi.

ROM (Romans) 5:14

Ahi zongin Adam hun a kipan Moses hun dongin sihna in mite uk a, Adam in Pasianʼ thupiak a man loh manin a khialh bangin a khial nai lo mite nangawn sihna khutnuai mah hi veve uh hi. Adam pen a hong pai lai ding mipaʼ lim ahi hi.

Jeremiah 34:18

Mite in keiʼ mai ah thuciamna a bawl uh ciangin bawng no phel nih suahin a kikalah a pai uh hi. Judah gam kumpi uliante, kumpi innsung maangte, siampite a kipan bawng no phel nih kikalah a pai khin sa gam sunga ka mite khempeuh in ka thuciamna hong mang loin, thuciamna sunga om thute a zuih kei uh leh amaute tua bawng no ka bangsak ding hi.

Thu-hilhkikna 31:20

Bang hang hiam cih leh a pu a pate uh tungah piak dinga ka kiciamna, bawngnawi le khuaizu tui bangin a luanna gamah amaute tunpih khinin, amaute in ne-in khamin a thau khit uh ciangin, pasian dangte a bia dingin kihei-in kei hong simmawhin ka thuciamna siasak ding uh hi.