Hosea 6:2 - Tedim Bible Revision 2017

² Ni nih sungin eite hong thahatsak dinga, ni thum sungin i ngei hong bangsak ding hi. Tua ciangin amah tawh i kikhawl ding hi.

Tedim Bible

² Ni nih sungin eite hong thahatsak ding a, ni thum sungin i ngei hong bangsak ding hi. Tua ciangin amah tawh i kikhawl ding hi.

Hosea 6:2 Referans Kwoze

2 KUMPI NIHNATE 20:5

“Kilehkik inla keima miteʼ makai Hezekiah kiangah hih bangin gen in: Na thungetna ka za khin a, na khituite ka mu khin hi. En in, nang kong damsak dinga, ni thum ni-in Topaʼ biakinn ah na pai to ding hi.

1 KORIN MASA 15:4

kivui a, Lai Siangtho sungah a kigelh mah bangin a ni thum ni-in Pasian in hingkiksak hi.

Isaiah 26:19

Nangma mi a si sate hingkik ding uh a, amauʼ pumpi thokik ding hi. Han sungah a lum mite aw, tho-in lungdamin la sa un! Bang hang hiam cih leh zing daitui in leitung a nosakkik bangin sawtpi a a si sa mite Topa in hingkiksak ding hi.

Johan 14:19

Tawl khat khit ciangin leitung mite in kei hong mu nawn lo ding uh hi. Ahi zongin kei ka nuntak mah bangin note zong nungta ding na hih manun note in kei na hong mu ding uh hi.

Hosea 13:14

Misi khua pan ka tan khia diam, sihna khut pan ka hon khia diam? Sihna aw, na gu koi ah om hiam. Misi khua aw, na suksiatna koi ah om hiam.

Piancilna 17:18

Abraham in Pasianʼ kiangah, “Ishmael hong nungtasak peuh lecin,” a ci hi.

ROM (Romans) 14:8

I nuntak leh Topa adingin a nungta ihi a, i sih leh zong Topa ading mahin a si ihi hi. Tua ahih manin i si a, i hing zongin Topa aʼ ihi hi.

Late 61:7

Pasianʼ mai ah amah om ngitnget henla, ama itna kip le a thumanna in amah kem tahen.

Late 71:20

Gimna lian pipi a hong tuaksak nangmah in kei nong hingkiksak dinga, lei thukpi sung panin nong la khiato ding hi.

Thuhilh-sia 3:3

Gawh hun om a, khoi hun om hi. Phel hun om a, lam hun om hi.

Isaiah 30:26

Tua tham loin, Topa in ama miteʼ liamma tuamin ama satna meimate a damsak ni ciangin, khataang pen nitaang bang dinga, nitaang pen ni sagih sunga taang zah bangin a zah sagihin a taang ding hi.

Hosea 7:2

Amauʼ gamtat siatna khempeuh ka phawk lamtak amaute in ngaihsutin nei kha lo uh hi. Amauʼ mawhna in amaute gakcip a, ka muhna mahmah ah om gige uh hi.