Hosea 6:1 - Tedim Bible Revision 2017

¹ Amaute in, “Hong pai un, Topa kiangah ciahkik ni; amah in eite hong bal gawp hangin hong damsakkik dinga, eite hong liamsak hangin i liammate hong tunsakkik ding hi lo ahi hiam?

Tedim Bible

¹ “Hong pai un, Topa kiangah ciahkik ni; amah in eite hong balgawp hangin hong damsak kik ding a, eite hong liamsak hangin i liamnate hong tun’sak kik ding hilo ahi hiam?

Hosea 6:1 Referans Kwoze

Thu-hilhkikna 32:39

‘Tu-in thei un, keimah a kici pa pen kei ka hi a, kei sim loh pasian dang kuamah om lo hi. Ka that a, ka nungtasak hi. Ka liamsak a, ka damsak hi. Ka khut sung pan a hon khia zo kuamah om lo hi.

JOB (Job) 5:18

Bang hang hiam cih leh amah in a liamsak hangin a liamna tunsak dinga, ama satna liamma damsak ding hi.

1 SAMUEL MASA 2:6

Topa in thatin hingsakkik a, amah in Leinuai ah paipih sukin tho tosak hi.

Hosea 14:4

Tua ciangin Topa in, “Ka mite tungah heh nawn lo ka hih manin ka kiangah ka mite ka samkik dinga, lungsim takpi tawh amaute ka it ding hi.

Isaiah 55:7

Migilo in ama gitlohna nusia henla, thuman lo mi in ama ngaihsutna nusia hen. Amah in a hehpih theih nadingin Topa eiteʼ Pasianʼ kiangah amah paisak un. Bang hang hiam cih leh a mawhna maisiangsak ding hi.

Jeremiah 30:17

Bang hang hiam cih leh Topa in kong cih in ah, na galte un note, pampaih mi pawl, hong ci-in, ‘Kuama don loh Zion na hi hi,’ hong cih uh hangin note kong cidamsakkik dinga, na liammate uh ka damsak ding hi.

Isaiah 2:3

mi tampite hong pai-in, “Hong pai un, amah in ama zialetongte hong hilh theih nading le ama lampite i zuih theih nadingin Jakobʼ Pasianʼ inn, Topa’ mualah pai to ni,” a ci ding uh hi. Bang hang hiam cih leh Topa in Zion panin thu hong gen dinga, Jerusalem khua panin Topa’ thuhilhna hong paikhia ding hi.

JOB (Job) 34:29

“Pasian in bangmah hih het kei taleh zong, kuamah in Pasian mawhsak thei lo ding hi. Amah in hong maingat het kei taleh zong, kuamah in bangmah cih thei tuan lo ding hi.

Hosea 14:1

Israel-te aw, noteʼ Topa Pasianʼ lamah kiheikik un. Na mawhna hangun note na puk khin uh hi.

Jeremiah 50:4

“Topa in kong cih in ah, tua ni tua hun ciangin Israel mite le Judah mite kap kawmin hong pai khawm ding uh a, Topa a Pasian uh hong zong ding uh hi.

Jeremiah 3:22

Topa in, “Hong kilehkik un, a zulhzau ka tate aw, na zulhzauna uh kong damsak ding hi,” a ci hi. Amaute in zong, “En in, nang kiang kong pai uh hi. Bang hang hiam cih leh Topa koteʼ Pasian na hi hi.

Isaiah 30:26

Tua tham loin, Topa in ama miteʼ liamma tuamin ama satna meimate a damsak ni ciangin, khataang pen nitaang bang dinga, nitaang pen ni sagih sunga taang zah bangin a zah sagihin a taang ding hi.

Jeremiah 33:5

Ka hehna le ka thangpaihna tawh ka thah lup ding misi luangte tawh a kidimsak dingin Khaldea mite in a hong sim ding uh hi. Bang hang hiam cih leh khuapi sunga a om miteʼ gitlohna hangin hih khuapi panin ka mai ka seel hi.

Late 30:7

Topa aw, nong deihsakna tawh mual kip bangin kei nong phut khin hi. Ahi zongin tu-in na maitang na seel a, kei ka khasia hi.

Jeremiah 30:12

“Bang hang hiam cih leh Topa in kong cih in ah: Na liamma uh dam thei lo a, na meima uh nasia mahmah hi.

Isaiah 30:22

Tua ciangin note in ngun tawh a kizut na milimte uh le kham a kiluan, a kisung na milimte uh na ninsak ding uh hi. Nin bangin tuate na thehthang ding uh a, tuate tungah, “Bei mang ta un!” na ci ding uh hi.

Zefaniah 2:1

A maizum thei lo minam aw, hoihtakin thu ngaihsun in.

1 SAMUEL MASA 7:3

Tua ciangin Samuel in Israel mite khempeuh kiangah, “Na lungsim khempeuh uh tawh Topaʼ lamah a kiheikik na hih uh leh noteʼ lak panin gamdang pasian-te le Ashtaroth nusian milim koih khia-in Topaʼ lamah na lungsim uh ngat unla, amah bek bia un. Tua hileh amah in Filistia-teʼ khut sung panin note hong hon khia ding hi,” a ci hi.

JOB (Job) 16:9

“Pasian in a hehna tawh hong balnen ngingei a, a ha hong gawi sanin hong heh et hi.

Late 6:2

Topa aw, thaneem ka hih manin kei tungah dikna hong zang in. Topa aw, ka guh ka taang na mahmah ahih manin hong damsak in.

Late 71:20

Gimna lian pipi a hong tuaksak nangmah in kei nong hingkiksak dinga, lei thukpi sung panin nong la khiato ding hi.

Thuhilh-sia 3:3

Gawh hun om a, khoi hun om hi. Phel hun om a, lam hun om hi.

Isaiah 17:7

Tua ni ciangin mite in amaute a Bawlpa pi ngaihsut ding uh a, amauteʼ mit in Israel-teʼ Siangtho Pa en ding uh hi.

Jeremiah 33:6

Ahih hangin tu-in, keimah in hih khuapi ka damsak dinga, cidamin ka omsak ding hi. A mite cidamsakin hauhna le lungmuanna a kicing ka lak ding hi.

Jeremiah 50:5

Zion khua lampi a dong ding uh a, tua khua lam maingatin, ‘Hong pai un. A kimangngilh ngei nawn lo ding tawntung thuciamna khat Topaʼ tungah ciam khawm dih ni,’ a ci ding uh hi.

Kah la 3:11

Amah in lam pam ah hong delh khia a, a hong balnen khit ciangin a hong nusia hi.

Hosea 11:10

Humpinelkai bangin a galte uh ka hawk san gawp dinga, tua ciangin ka mite in kei hong zui ding uh hi. Nitumna lam gam panin kei kiangah hong nawh tai ding uh hi.

Hosea 12:6

Pasianʼ huhna tawh note khempeuh kiheikik unla, thuman thutangin gamta un. Pasian muang tawntung un.

Siampi Laibu 14:48

“Ahih hangin siampipa hong pai-in a vel a, a inn a kizut khit ciangin inn sungah natna a kizelh kei leh, tua ciangin a natna dam ahih manin siampipa in tua inn siang hi, ci-in gen ding hi.

2 KHANG TANGTHU NIHNATE 30:6

Tua ahih ciangin kumpipa le a uliante kiang pan a laikhakte tawh Israel khempeuh le Judah sungah laikhakte tawh pai uh a, kumpipaʼ thupiakna: “Israel mite aw, Assiria kumpiteʼ khut sung panin a suakta, a om lai noteʼ lamah amah hong kiheikik theih nadingin Abraham, Isaac le Israel Pasian, Topaʼ lamah kiheikik un.

JOB (Job) 22:23

Lungsim tak tawh Vanglian pa lamah kihei inla, na inn sung pan gamtat sia beisak inla,

Hosea 3:5

Tua khit ciangin Israel mite in Topa amauʼ Pasian le a kumpipa uh David lamah hong kiheikik ding uh hi. Tua hun ciangin amaute in Topa zahtakin, ama letsongte a ngah ding uh hi.