Hosea 5:8 - Tedim Bible Revision 2017

⁸ Galdo nading zaksakna in Gibeah khua ah tuutal ki tum unla, Ramah khua ah peengkul tum un. Bethaven khua ah pataukohna gingsak un. Benjamin mite aw, kithawi un!

Tedim Bible

⁸ Galdo nading zaksakna-in Gibeah khua-ah tuutal’ ki tum un la, Ramah khua-ah peengkul tum un. Beth-aven khua-ah pataukohna gingsak un. Benjamin mite aw, kithawi un!

Hosea 5:8 Referans Kwoze

Hosea 9:9

A gamtatna uh gen theih lohin siahuai uh a, Gibeah khua-a a gamtat ngeite uh tawh kibang hi. Pasian in amauʼ mawhnate thei-in gim a pia ding hi.

Hosea 4:15

Kei tungah no Israel mite citak loin nong taisan hangun, note bangin Judah mite khial kei tahen. Gilgal ah ahi a, Bethaven ah ahi zongin pai kei unla, tua lai munah Topaʼ min tawh na kiciam kei un.

Joel 2:1

Zion mual tungah peengkul tum unla, Pasianʼ mual siangtho tungah pataukohna tum un. Topa ni hong nai ta ahih manin gam sung mi khempeuh lau ta uh hen.

Jeremiah 4:5

Judah gamah va gen unla, Jerusalem khua ah va taangko un. Gam sung khempeuh ah peengkul mutin awng unla, va gen un. Hong kikhawm unla khuapi muanhuaite sungah va bu ni, va ci un.

1 SAMUEL MASA 15:34

Tua ciangin Ramah ah Samuel pai a, Gibeah-a a inn ah Saul zong a ciah to hi.

Hosea 8:1

Pataukohna peengkul tum in. Galte in muvanlai bangin ka gam a leenlak dingin hong kithawi uh hi. Bang hang hiam cih leh ka mite in ka thuciamna uh pelhin, ka thuhilhnate hong nial uh hi.

Isaiah 10:29

Amaute in mual ciang kantanin Geba khua ah zan khat giak uh hi. Rama khua mite lau-in liing uh a, Saulʼ teenna Gibeah khua mite a tai uh hi.

Thukhente 5:14

Efraim panin amaute ding khia-in tua kuamah pai uh a, nang, Benjamin, na behte tawh hong zui uh hi. Makhir panin a ukte hong pai sukin, Zebulun panin ulian paʼ ciangkhut a tawite hong pai suk uh hi.

Joel 2:15

Zion mual tungah peengkul tumin antanna ding thu pia unla, biak kikhopna khat nei un.

Hosea 10:5

Bethaven khua-a bawng no milim a taanna uh hangin Samaria khuapi sunga a teeng mite lau-in liing ding uh a, amaute le tua milim na a sem siampite a thum ding uh hi. A etlawmna teng a maiman ciangin a tau ding uh hi.

Jeremiah 6:1

Benjaminʼ suante aw, na suahtak nadingun tai un. Jerusalem khua taisan un. Tekoa khua ah peengkul tum unla, Bethlehem khua ah theihsakna meikhu khusak un. Bang hang hiam cih leh leilu lam panin gimna leh siatna lianpi a hong pai ding hi.

1 KUMPI MASATE 12:29

Amah in Bethel ah khat koihin, Dan ah a dang khat a koih hi.

2 SAMUEL NIHNA 21:6

Topaʼ mual tung, Topaʼ mai Gibeon ah amaute ka khai theih nadingun ama tapa sagihte hong pia in,” a ci uh hi. Tua ciangin kumpipa in, “Amaute kong pia ding hi,” a ci hi.

1 SAMUEL MASA 8:4

Tua ciangin Israel upate kikhawmin Ramah a Samuel kiangah pai-in

1 SAMUEL MASA 7:17

Tua ciangin Ramah ah amah ciahkik zel hi; bang hang hiam cih leh tua lai ah ama inn om a, tua lai ah zong Israel-te tungah thukhen na mah a sem hi. Amah in tua lai ah Topa ading biakna tau khat a lam hi.

Joshua 7:2

Joshua in Jerikho panin Bethel nisuahna lam Bethaven gei-a om Ai khua ah mi sawlin amaute kiangah, “Pai to unla a gam va en un,” a ci hi. Tua mite pai to-in Ai khua va ensim uh hi.

Amos 3:6

Khuapi sungah pataukohna gal peengkul a kitum ciangin mite lau loin om mawk thei ahi hiam? Topaʼ tunsak lohpi-in khuapi sungah lauhuaina mawk tun ahi hiam?