Hosea 5:7 - Tedim Bible Revision 2017

⁷ Topaʼ tungah amaute citak lo uh a, midangte tawh zawlta nei uh hi. Tu-in amaute le a neihsa khempeuh uh kisusia ding hi.

Tedim Bible

⁷ Topa’ tungah amaute citak lo uh a, midangte tawh zawlta nei uh hi. Tu-in amaute leh a neihsa khempeuh uh kisusia ding hi.

Hosea 5:7 Referans Kwoze

Hosea 6:7

Ahi zongin ka ciamna gam a tun uh ciangin amaute in Adam khua ah ka thuciamna palsat uh a, kei tungah hong thuman lo uh hi.

Jeremiah 3:20

Ahih hangin a thuman lo zi in a pasal a nusiat bangin Israel mite aw, Topa in kong cih in ah, no zong kei tungah nong thuman kei uh hi,’ ci-in va taangko in,” hong ci hi.

Isaiah 48:8

Note pen muan theih ding na hih lohna uh, na suah tung uh a kipan mi lehdo thei na hihna uh ka hong thei hi. Tua ahih manin hih thute na za ngei kei uh a, zong na thei ngei kei uh hi.

Zekhariah 11:8

Kha khat sungin tuucing a dang thumte ka not khia hi. Bang hang hiam cih leh amaute tungah ka lungduai zo nawn kei a, amaute in kei hong mudah uh hi.

Hosea 2:11

Ama lungdam theihna, a kumsim pawite, a khasim pawite, a nipisim pawite, a biakna kikhop khempeuh ka beisak ding hi.

Hosea 2:4

Ama tate, paktatna panin a piang tate ahih manin, tua a tate zong ka hehpih kei ding hi.

Ezekiel 12:28

Tua ahih ciangin Topa Pasian ahi keima thugenna: ‘Zekai cih om nawn lo dinga, ka gen sa bangin tung ding hi. Topa Pasian ahi keimah in ka gen khinzo hi, ci hi,’ ci-in gen in,” a hong ci hi.

Jeremiah 5:11

Israel minamte le Judah minamte, Topa in ka cih in ah, keiʼ tungah hong thuman nawn het lo uh hi.

Isaiah 59:13

Nangmah hong lehdo-in nang kong nial uh a, na thu kong zui kei uh hi. Midangte nengniamin nang kong lehdo uh hi. Ka ngaihsutnate uh khial a, ka thugente uh zuau thu vive ahi hi.

Late 144:11

A gilo galte kiang panin kei hong hon inla, a kam uh tawh zuau thu a gen limtakin kiciamna a bawl khit ciang nangawnin zuau a gen lai veve gamdang miteʼ khut sung pan kei hong hon khia in.

Late 144:7

A sangna mun panin na khut hong zan inla, tui lian lauhuaite le gamdang miteʼ vangliatna panin hong hon khia in.

Isaiah 1:14

Noteʼ Khadet nite le na pawite uh ka mudah hi. Tuate pen kei adingin van gikpi khat suak khin a, tuate khempeuh ka puakna-in ka gim hi.

Hosea 7:13

Amaute in kei hong taisanin hong lehdo uh ahih manin gimna ngahin siatna tuak ding uh hi. Amaute ka hotkhiat nop hangin amaute in kei hong lehgen zawsop uh hi.