Hosea 5:5 - Tedim Bible Revision 2017

⁵ Israel-teʼ kiphatsakna pen amau mahʼ siat nading ahi hi. Amauʼ mawhna in amaute puksak dinga, Judah mite in zong puk pih ding uh hi.

Tedim Bible

⁵ Israelte’ kiphatsakna in amau mah’ siat nading ahi hi. Amau’ mawhna in amaute puksak ding a, Judah mite in zong pukpih ding uh hi.

Hosea 5:5 Referans Kwoze

Hosea 7:10

Israel miteʼ kiphatsakna in amauʼ lang khat ah teci pang hi. Ahi zongin hih thu khempeuh ah zong, amauʼ Topa Pasian ahi keiʼ lamah hong kihei tuan lo uh a, kei hong zong lo uh hi.

Amos 5:2

Nungak Israel puk khin a, thokik ngei nawn lo ding hi. Leilak ah lum dildel a, a phong to ding kuamah om lo hi.

Luka 19:22

A topa in ama kiangah, ‘Nasem gina lopa aw, nangma kampau mah tawh nang na kiman hi. Sum lam lopi-in sum ka deihlam, lokho lopi-in an la nuamin, mi sit hak ka hih lam nong thei hi.

Mattiu 23:31

Note pen kamsangte a that miteʼ suanlekhakte mah na hih manun na zuaupi uh a gen na hi uh hi.

Hosea 14:1

Israel-te aw, noteʼ Topa Pasianʼ lamah kiheikik un. Na mawhna hangun note na puk khin uh hi.

Hosea 8:14

Bang hang hiam cih leh Israel mite in amau a Piangsak pa mangngilh uh a, inn lianpipite a lam uh hi. Judah mite in zong kulh nei khuapi tampi a lam thuah uh hi. Keimah in tua khuapite mei tawh halin a inn lianpite uh ka kaang tumsak ding hi, ci hi.

Hosea 5:14

Humpinelkaiʼ suk gawp bangin Israel le Judah ka su gawp ding hi. Keimah teekteek in amaute bal gawpin ka paisan ding hi. Amaute ka tal kaih gawp dinga, kuamah in hon zo lo ding hi, a ci hi.

Hosea 4:5

A sun a zan cih om loin na nasepnate uh a kimanna mel om lo hi; kamsangte zong note bangmah hi lel hi. Na nu uh Israel ka susia ding hi.

Jeremiah 14:7

Ka mite in kei tungah, ‘Topa aw, ka mawhna uh koteʼ lang khat ah hong pang ahi ta zongin nangma min hangin kote hong hehpih in. Kote in tam veipi nang kong nungngat uh a, nangma tungah ka hong khial khinzo uh hi.

Isaiah 59:12

Bang hang hiam cih leh nangma tungah koteʼ thupalsatna tampi tak pha a, ka mawhnate un koteʼ langah teci hong pang hi. Koteʼ thupalsatnate, ka mawhnate uh ka thei uh hi.

Isaiah 44:9

Milim a bawl mite khempeuh a mawkna hi a, amauʼ deih milimte in phattuamna piangsak lo hi. Milim a biate in khua mu thei loin, thu theithei lo a, amaute in maizumna a thuak uh hi.

Isaiah 3:9

Amauʼ maipuak in amauʼ langah teci pang hi. Sodom bangin amaute a langtangin gamta uh a, amaute in im lo uh hi. Amaute in gimna ngah tahen! Bang hang hiam cih leh amaute in amauʼ tung mahah siatna kitun uh hi.

Paunak 30:13

Mihoih pha mahmah in a kingaihsun, a kiliansak mahmah mi pawl khat om hi.

Paunak 24:16

Mihoihte sagih vei dong a puk hangin tho kikkik thei a, migilote ahihleh tuahsiatna thuakin kithallot hi.

Paunak 14:32

Migilo pa ama tatsiatna in puksak a, mihoih pa ama hoih tatna in hu hi.

Paunak 11:21

Migilote in gim a thuak hamtang nading, midikte gimna tawh a kipelhna ding teltakin thei in.

Paunak 11:5

Thumanna in midikteʼ nuntakna a nuam zaw-in piangsak a, migilote in amauʼ gitlohna mah puk lawh uh hi.

Jeremiah 2:19

Na gitlohna mah in nangmah hong thuhilh dinga, kei na hong up nawn lohna in nangmah hong mawhsak ding hi. Topa na Pasian nong nusia a, keimah nong kihtak nawn loh ciangin, nuam het loin kha velval hi, cih thu thei inla mu in, Vanglian Topa Pasian in ka hong ci hi.

Isaiah 3:8

Bang hang hiam cih leh amaute khempeuh le amauʼ gamtatnate in Topa langpangin amah dem uh ahih manin Jerusalem khua kipukin Judah gam kia hi.

Hosea 14:2

Topaʼ lamah kihei unla, “Ka mawhna khempeuh uh hong maisak inla, kong thumna uh hong ngai in. Ka kampauna bangun kong gamta ding uh hi.