Hosea 5:13 - Tedim Bible Revision 2017

¹³ Israel in ama cinatna kithei-in, Judah in ama liamna a kimuh ciangin kumpi lianpa kiangah huh ngen dingin Assiria gamah Israel va pai hi. Ahi zongin amah in amauʼ natna damsak thei lo a, a liamna uh zong na damsak thei tuan lo hi.

Tedim Bible

¹³ Israel in ama ci natna kithei a, Judah in ama liamna a muh ciangin, kumpi lianpa kiangah huh ngen dingin Assiria gamah Israel va pai hi. Ahi zongin amah in amau’ natna na damsak thei lo a, a liamna uh zong na damsak thei tuan lo hi.

Hosea 5:13 Referans Kwoze

Hosea 7:11

Israel pen a khemnop kawl vakhu hai tawh kibang hi. Egypt-te kiangah huhna va ngen masa uh a, tua ciangin Assiria-te kiangah a va tai uh hi.

Hosea 12:1

Israel mite, a nung kawikawi huih tawh kibang a, sunthapai a a nasepna uh a mawkna ahi hi. Zuauna le siatna lamsang bekbek khangsak uh hi. Assiria-te tawh kipawlna bawl uh a, Egypt-te tawh kizopna nei uh hi.

Hosea 10:6

Bang hang hiam cih leh Assiria gam a kumpi lianpa tungah siah a piak dingin tua milim kipua khia ding hi. Thu kigen zui-in milim a biakna hangun Israel-te mindai-in maizum ding uh hi.

Hosea 8:9

A hon lak panin a tai khia, a thumang lo gam la bangin Assiria mite tung panin huhna a ngen dingin va tai uh hi. A huh ding uh a deihna-in midangte tungah amau pumpi a va zuak uh hi.

Jeremiah 30:12

“Bang hang hiam cih leh Topa in kong cih in ah: Na liamma uh dam thei lo a, na meima uh nasia mahmah hi.

2 KUMPI NIHNATE 15:19

Assiria kumpi Tiglath-pileser tua gam a sim dingin kuan to hi. Tua ciangin ama kumpi aana a kip nading a huh ding a deihna-in Menahem in Tiglath-pileser tungah ngun talen tul khat a pia hi.

Micah 1:9

Bang hang hiam cih leh Samariaʼ meima kidamsak thei lo hi; Judah in zong tua bangmah a thuak ding ahi ta hi. Ka miteʼ teenna Jerusalem khua mahmah, tua siatna in hong ban ta hi.

Hosea 14:3

Assiria mite in hong hon khia zo ngei lo dinga, sakol galkapte in zong hong hu zo ngei lo ding uh hi. Koteʼ bawl sa milimte pen Pasian hi, ka ci nawn kei ding uh hi. A cimawh mite in nangma tung panin hehpihna a ngah lamtak uh ka thei uh hi,” ci-in thu ngen un.

2 KUMPI NIHNATE 16:7

Tua ciangin Ahaz in Assiria kumpi Tiglath-pileser kiangah kamtaite sawlin, “Kei pen na nasem pa le na tapa ka hi hi. Hong kuan to inla, keimah a hong sim Syria kumpipa le Israel kumpipa kiang panin kei hong hon khia in,” a ci hi.

2 KUMPI NIHNATE 15:29

Israel kumpi Pekahʼ hun laitakin Assiria kumpi Tiglath-pileser hong pai-in Ijon, Abelbeth-maakah, Janoah, Kedesh, Hazor, Gilead le Galilee le Naftali gam khempeuh la a, amah in galmatin mite Assiria ah a ciahpih hi.

Isaiah 3:7

“Bangmah hih zo kei ning. Ka inn sungah an le puan om lo hi. Mite a makai-in nong bawl kei ding hi,” ci-in a gen khia ding hi.

Ezekiel 23:5

Keima zi hi napi-in Oholah pen numei paktatte mah bangin gamta lailai a, Assiria gam pan a a lawm ngaihte lunggulh mahmah hi. Tua a lawm ngaihte pen

Hosea 2:7

Amah in a pasal dangte delh dinga, ahi zongin amaute kiang tung zo lo ding hi. Amah in amaute zong niloh dinga, ahi zongin mu zo lo ding hi. Tua ciangin amah in, “Ka pasal masa kiangah ciahkik ning; tu-a bangin ka om sangin ama kiang nuam zaw ding hi,” a ci ding hi.