Hosea 5:12 - Tedim Bible Revision 2017

¹² Tua ahih manin Israel ka beitumsak dinga, Judah ka beisak mang ding hi.

Tedim Bible

¹² Tua ahih manin Israel ka beitumsak ding a, Judah ka beimang sak ding hi.

Hosea 5:12 Referans Kwoze

Isaiah 51:8

Bang hang hiam cih leh nget in puan a nektum bangin amaute bei mang dinga, lungno in samul puan a peh tum bangin amaute maimang ding uh hi. Ahih hangin keima khah khiatna om tawntung dinga, khang tawntungin ka hotkhiatna kip ding hi,” a ci hi.

JOB (Job) 13:28

Tua huhau-in singmuat bangin ka puk a, nget in a nek puan bangin ka zan gawp hi.

Jonah 4:7

Ahih hangin a zingsang khuavak ciangin Pasian in tua umgui lungno khat nesak ahih manin a keu hi.

Isaiah 50:9

Topa Pasian in kei hong huh hi. Kua in kei mawh hi, ci-in gen thei ding ahi hiam? Amaute khempeuh puan bangin paat khia ding uh a, nget in amaute ne tum ding hi.

Paunak 12:4

Zi hoih pen a pasalʼ minthanna le lungdamna hi a, a pasal a maizumsak zi pen a pasal adingin a dam thei lo guhnatna tawh kibang hi.

Late 39:11

Mi khat a mawhna hangin tai-in na sat ciangin, nget in a nektum bangin ama na manpha na beisak hi. Mihing khempeuh husan khat bang bek hi takpi hi.

Isaiah 5:24

Tua ahih ciangin mei in buhkung keute kaang tum a, meikuang sungah lopa keute a kattum bangin amauteʼ zung pen muat gawp dinga, amauteʼ pakpalhte leivui bangin vanah leeng to ding hi. Bang hang hiam cih leh amaute in Vanglian Topa’ thu nialin Israel-teʼ Siangtho Paʼ thu a simmawh uh hi.