Hosea 5:10 - Tedim Bible Revision 2017

¹⁰ Topa in hih bangin ci hi: Judah mi uliante in gisuang khinin midangteʼ leitang keeksak uh ahih manin amaute tungah ka heh a, amaute tungah tuikhang bangin gimna ka tungsak ding hi.

Tedim Bible

¹⁰ Topa in hih bangin ci hi: Judah mi uliante in gisuang khinin midangte’ leitang keeksak uh ahih manin amaute tungah ka heh a, amaute tungah daantahna tuikhang bangin ka tungsak ding hi.

Hosea 5:10 Referans Kwoze

Thu-hilhkikna 19:14

“Topa na Pasian un na neih dingun hong piak leitang tungah noteʼ kep ding na gamhluahna sung uh ah khanglui mite in a phuh sa na veengteʼ gisuang na khiin kei ding uh hi.

Late 32:6

Tua ahih ciangin nang hong kimuh theih lai-in mihoih khempeuh, nang tungah thu kingensak in. Tua hileh tuikhang in amaute ban lo ding hi.

Thu-hilhkikna 27:17

“‘A veengpaʼ gisuang a bot khia mipa in gimna ngah tahen,’ ci ding uh hi. Tua ciangin mi khempeuh in, ‘Amen,’ ci ding uh hi.

Luka 6:49

Ahi zongin ka thuhilhna za napi-in a zui lote pen bulkip a nei lo, leilak mawkmawk ah inn a lam pa tawh kibang hi. Tuikhang in tua inn a nawk ciangin thakhat thu-in sia gawp pah a, tua inn pen naksiat mahmah hi,” a ci hi.

Mattiu 7:27

Guah hong zu-in, tui hong khangin, huihpi hong nung a, tua inn a nawk gawp uh ciangin a kisia hi. Tua inn naksiat mahmah hi,” ci-in thu a gen hi.

Ezekiel 7:8

A sawt loin ka hehna thu na thuak ding uh a, na gamtatna sate uh hangin thu hong khenin, a muhdahhuai na gamtatnate uh hangin gim kong pia ding hi.

Paunak 22:28

Na pu na pateʼ phuh sa gisuang cikmah hunin khiin kei un.

Paunak 17:14

Kitot i kipat ciangin tui lipi cinna phung kehsak khak tawh kibang hi. Tua ahih manin a nasiat ma-in kitot khawl pak in.

Late 88:17

Amaute in tuikhang bangin sun tawntungin kei hong umcih uh a, kei hong tuamcip uh hi.

Late 69:24

Amaute tungah nangma thangpaihna sung suk inla, na sinsona amaute bansak in.

Isaiah 1:23

Na uliante, mi lehdote hi a, gutate tawh a kikhawlte ahi hi. Mi khempeuh in sumgolh le letsong a deih uh hi. Amaute in pa nei lote panpih lo uh a, meigongnuʼ thu amaute in sang lo uh hi.

Ezekiel 22:22

Meiphual sungah ngunte a kituisak bangin Jerusalem ah note hong kibawl ding hi. Tua ciangin keima hehna a thuak na hih lam uh na thei ding uh hi,” a hong ci hi.