Hosea 5:1 - Tedim Bible Revision 2017

¹ No siampite aw, hih thu ngai un! No Israel mite aw, thudon un. Kumpipaʼ innkuante aw, ngai un! Note in midangte tungah thu a khen ding hi napi-in, note tungah thukhenna hong tung ding hi. Bang hang hiam cih le note in miteʼ awk nadingin Mizpah mualah thang na siah uh a, miteʼ awk nadingin Tabor mualah ngenthang na hi uh hi.

Tedim Bible

¹ No siampite aw, hih thu ngai un! No Israel mite aw, thu don un. Kumpipa’ innkuante aw, Ngai un! Note in midangte tungah thu a khen ding hi napi-in, note tungah thukhenna hong tung ding hi. Bang hang hiam cih leh note in mite’ awk nadingin Mizpah mual-ah thang na hi uh a, mite’ awk nadingin Tabor mual-ah ngen thang na hi uh hi.

Hosea 5:1 Referans Kwoze

Hosea 9:8

Ama mi Israel-te a vil dingin kamsang nasemin Pasian in kei hong sawl hi napi-in, ka paina khempeuh ah vasa bangin thang nong siah uh a, Pasianʼ gam sung teekteek mahah mite pen kamsang paʼ gal a suak mawk hi.

Micah 7:2

Leitungah mihoih teng bei khinta a, Pasianʼ tungah a thuman mi kuamah om nawn lo hi. Mihoih teng si khinta hi. Mi khempeuh in mi thah ding bek ngaihsun uh a, a kuamah peuh in a mipihte thah ding bek hanciam uh hi.

Micah 3:9

Ngai un! Israel a uk makaite aw. Note in thutang deih loin, thuman kimlai a khialin na hei uh hi.

Hosea 6:9

Zawhthawh thu-in miʼ na a sut dingin a pangsim mite bangin siampite gamta uh a, biakna a pia dingin Shekhem khua ah a pai mite nangawn, lamkal ah a that uh hi. Amau gamtatna siahuai mahmah hi.

Thukhente 4:6

Amah in mi sawlin Naftali gam Kedesh panin Abinoamʼ tapa Barak samsakin ama kiangah, “Topa, Israel-teʼ Pasian in nang thu hong pia-in, ‘Pai in, Tabor Mual ah na mite khawm inla, Naftali minam le Zebulun minam panin mi tul sawm bang la in hong ci hi lo ahi hiam?

Malakhi 2:1

Vanglian Topa in hih bangin ci hi: “Siampite aw, note adingin hih lai ah thupiakna khat om hi.

Amos 7:9

Isaacʼ suanlekhakteʼ biakna munte kinusiacipin, Israel miteʼ siangtho munte kisusia dinga, Kumpi Jeroboamʼ innkuante a sim gawp dingin gal ka kuansak ding hi,” a hong ci hi.

Hosea 10:15

Israel mite aw, noteʼ gamtat hoih lohna hangin tu-a bang teekin note tungah thu hong piang ding hi. Galdo a kipat phetin Israel kumpipa si pah ding hi.

Hosea 4:1

Israel mite aw, Topaʼ thugen ngai un. Hih gam sungah a teeng mite tungah Topa lungkim lo ahih manin hih bangin mawhsak hi: Hih gam sungah cihtakna ahi a, itna ahi zongin om lo a, mite in kei pen Pasian-in hong ngaihsun lo uh hi.

Malakhi 1:6

Vanglian Topa in siampite tungah hih bangin hong ci hi: “Tapa in a pa zahtak a, nasem pa in a topa kihta hi. Kei pen na pa uh hi napi, bang hangin hong zahtak lo a, na topa uh hi napi, bang hangin hong kihta lo na hi uh hiam? No siampite in kei hong simmawh napi-in, ‘Bang hong ci simmawh ka hi uh hiam?’ na cilai uh hi.

Micah 3:1

Israel a uk makaite aw, hih thu ngai un: Note in thutang thuman a deih dingin a kilawm hi napi-in,

Hosea 13:8

A no a kilaksak vompi bangin note hong su gawpin kong bal gawp ding hi. Humpinelkai bangin hong phualnek pahin, gamsate bangin kong bal kek gawp ding hi.

Jeremiah 46:18

Vanglian Topa keimah Kumpipa ka hi hi. Taber mual, mual khempeuh sangin sang zaw-in, Karmel mual, tuipi tungah sangpi-in a dawk toh bangin, no hong sim paʼ thahatna a lian mahmah ding hi.

Jeremiah 13:18

Topa in kei kiangah, “Kumpipa le a nu kiangah, ‘Na kumpi tokhomte tung panun hong tuak suk un. Bang hang hiam cih leh na kumpi lukhute uh na lu tung uh panin kia khinzo hi,’ va ci in.

Joel 1:2

No khangham zaw diakte aw, ngai un; Judah gam mi khempeuh aw, na bil uh ngat un. Noteʼ khan sung ahi a, na pu na pate uh khan sung ahi zongin, hih bang thu piang ngei peuhmah ahi hiam?

Thukhente 4:12

Abinoamʼ tapa Barak, Tabor Mual ah pai to khin, ci-in Sisera kiangah a kigen ciangin,

1 SAMUEL MASA 7:5

Tua ciangin Samuel in, “Israel-te khempeuh Mizpah ah khawm un. Note adingin Topaʼ tungah thu ka ngen ding hi,” a ci hi.

1 SAMUEL MASA 7:6

Tua ahih ciangin amaute Mizpah ah kikhawm uh a, tui tawi-in Topaʼ mai ah sung khia uh a, tua ni-in an tangin tua lai munah, “Topaʼ tungah i khial khinzo hi,” a ci uh hi. Samuel in Israel mite Mizpah ah thu khen hi.

1 SAMUEL MASA 7:16

A kumkumin Bethel, Gilgal le Mizpah ah kot pai a, amah in hih munte khempeuh ah Israel-te thu khen hi.

Jeremiah 11:7

Bang hang hiam cih leh Egypt gam panin ka lakkhiat pan a kipan tu ni ciang dong ka thu hong mang un, ci-in na pute na pate uh tungah tam veipi nakpi takin ka hilh ngitnget hi.

Amos 3:1

Israel mite aw, noteʼ lang khat a Topaʼ thugen, hih thu limtakin ngai un: Egypt gam panin na minam bupun note kong paikhiatpih hi.