Hosea 4:9 - Tedim Bible Revision 2017

⁹ Miteʼ thuak dingin a kilawm gimna mah siampite in zong thuak ding uh a, amauʼ gamtatna bangin gim pia-in amauʼ siatna bangin ka thukkik ding hi.

Tedim Bible

⁹ Mite’ thuak dinga kilawm daantahna mah siampite in zong thuak ding uh a, amau’ gamtatna bangin daan pia-in amau’ siatna bangin ka thukkik ding hi.

Hosea 4:9 Referans Kwoze

Jeremiah 5:31

Kamsangte in thuman gen lo uh a, siampite in zong amauʼ ut bangun a uk uh hi. Ka mite in phamawh sa lo sawnsawn uh hi. A tawpna hun hong tun ciangin bang cih ding uh ahi hiam, Topa in ci hi, ci-in gen in,” hong ci hi.

Isaiah 24:2

Mi khempeuhteʼ thuakna kibang kim ding hi. Siampite le mi mawkmawkte silate le a tote, van leite le van zuakte, sumneite le leibate, a hau a zawng, a thuakna uh kibang ding hi.

Mattiu 15:14

Hih mite lunghihmawh ngaihsut kei un. Amaute pen mittaw makai ahi uh hi. Mittaw khat in mittaw dang khat makaih leh a nihun hawkguam sungah kia khawm ding uh hi,” ci-in a dawng hi.

Zekhariah 1:6

Ahi zongin ka nasem ahi kamsangteʼ tungtawnin ka hilhkholhna le ka thupiaknate in note dongin hong su kha lo ding sa na hi uh hiam, ka ci hi. Tua ahih ciangin a tawpna ah amaute kisik uh a, hih dinga ka lungsimah ka geel sa bangin amauʼ gamtatna tawh kizui-in gim a pia ka hihna thu a phawk uh hi,’ ci in,” a ci hi.

Hosea 9:9

A gamtatna uh gen theih lohin siahuai uh a, Gibeah khua-a a gamtat ngeite uh tawh kibang hi. Pasian in amauʼ mawhnate thei-in gim a pia ding hi.

Hosea 8:13

Amaute in gan tawh biak ding utin, a biakna sate ne nuam uh hi. Ahi zongin Topa ahi keimah ka hih leh amaute tungah ka lungkim kei a, amauteʼ mawhnate phawkin tua mawhnate hangin amaute gim ka pia ding hi. Egypt ah amaute ka sawlkik ding hi.

Hosea 1:4

Tua ciangin Topa in Hosea kiangah, “Na tapaʼ min dingin Jezreel phuak in; bang hang hiam cih leh ama pute Jehu in Jezreel khua ah a mi thahna hangin Israel kumpipa tungah gim ka pia baih dinga, Israel mite tungah Jehuʼ suanlekhakteʼ ukna ka beisak ding hi.

Isaiah 3:10

Amaute tungah thu hoih ding hi, ci-in thuman mite kiangah hih thu gen un. Bang hang hiam cih leh amaute in amauʼ gamtat hoih thaman ngah ding uh hi.

Paunak 5:22

Migilo paʼ mawhna thangzak bang hi a, ama mawhna thang sung mahah amah a awk hi.

Paunak 12:14

Mite in kam hoih pauna hangin thaman ngah uh a, a sepna bangun zong thaman ngah uh hi.

Hosea 7:2

Amauʼ gamtat siatna khempeuh ka phawk lamtak amaute in ngaihsutin nei kha lo uh hi. Amauʼ mawhna in amaute gakcip a, ka muhna mahmah ah om gige uh hi.

Hosea 9:15

Topa in hih bangin gen hi: Amauʼ gamtat sia khempeuh Gilgal phual pan a kipan hi a, tua mun a kipanin amaute ka muhdah a kipan ahi hi. Amauteʼ gamtat siatna hangin gam sung panin ka hawl khia ding hi. Amaute ka it nawn kei ding hi. A uliante un kei hong langpang uh hi.

Hosea 10:10

Hih mimawhte thuhilh nadingin gim ka pia dinga, a thuapthuapin a mawhna hangun thuhilh nadingin minam dangte in amaute hong sim ding uh hi.

Hosea 12:2

Topa in Israel mite a mawhsak nading a thu om hi. Jakob a gamtatna tawh kizui-in gim pia dinga, ama gamtatna bangin thukkik ding hi.

Paunak 11:31

Mihoihte hih leitungah thaman kipia ahihleh migilo le mawhneite gimna kipia zaw kan ding hi.

Ezekiel 44:10

No Israel midangte bangin kei hong nusia-in milim a bia Levi mite in zong gim thuak ding uh hi.

Ezekiel 44:12

Ahi zongin amaute in milim biakna lamah Israel mite makai-in mawhna sungah Israel mite tunpih uh ahih ciangin, amaute gim ka piak ding, Topa Pasian keimah nakpi takin ka kiciam hi.

Hosea 12:3

Jakob in a nu sung nangawn pek panin a sanggampa sawk pah a, a khangham ciangin zong Pasian tawh kilaii hi.