Hosea 4:6 - Tedim Bible Revision 2017

⁶ Ka mite in kei hong phawk lo uh ahih manin ka susia ding hi. No siampite in kei hong phawk nuam loin, ka thuhilhnate nial na hih manun ka siampi dingin kong deih nawn kei a, na tate uh zong siampi-in ka zang kei ding hi.

Tedim Bible

⁶ Ka mite in kei hong phawk lo uh ahih manin ka susia ding hi. No siampite in kei hong phawk nuam loin, ka thuhilhnate nial na hih manun ka siampi dingin kong deih nawn kei a, na tate uh zong siampi-in ka zang kei ding hi.

Hosea 4:6 Referans Kwoze

Isaiah 5:13

Tua hi a, thu theih lohna hangin ka mite sal suak uh hi. A mi liante uh gil kialin sidek uh a, a mihonte uh dangtakin keu uh hi.

Paunak 19:2

Thu thei lopi-in lawp luatna hoih lo a, mawk nawh tatna in lungkhamna piangsak thei hi.

Hosea 6:6

Keima deih pen nong it tawntung ding uh hizaw a, gan tawh nong biakna uh ka deih pen hi lo zaw hi. Gan tawh nong biakna uh sangin kei nong theih ding uh ka deih zaw hi.

Hosea 4:1

Israel mite aw, Topaʼ thugen ngai un. Hih gam sungah a teeng mite tungah Topa lungkim lo ahih manin hih bangin mawhsak hi: Hih gam sungah cihtakna ahi a, itna ahi zongin om lo a, mite in kei pen Pasian-in hong ngaihsun lo uh hi.

Mattiu 15:8

‘Hih mite in a kampi bek uh tawh kei hong zahtak bawl uh a, ahi zongin a lungsim taktak uh kei tawh kigamla hi.

Hosea 8:14

Bang hang hiam cih leh Israel mite in amau a Piangsak pa mangngilh uh a, inn lianpipite a lam uh hi. Judah mite in zong kulh nei khuapi tampi a lam thuah uh hi. Keimah in tua khuapite mei tawh halin a inn lianpite uh ka kaang tumsak ding hi, ci hi.

Isaiah 17:10

Nomau hong hon khia Pasian note in mangngilhin, nomauʼ belh Suangpi phawk lo na hih manun note in biakna huan bawlin kung hoihte suan a, kung namdangte tawh pehin,

Jeremiah 2:8

Siampite in, ‘Topa koi ah om ahi hiam?’ ci-in dong lo uh hi. Thukham a theite nangawn in kei hong thei lo uh hi. Kei tungah kumpi uliante hong khial khin uh a, kamsangte in Baal min tawh thu genin kimanna a nei lo milimte a bia uh hi.

2 KHANG TANGTHU NIHNATE 15:3

Hun saupi sung Israel mite, Pasian man tawh om lo, thu a hilh siampi tawh om lo, thukham tawh om lo uh hi.

Hosea 13:6

Ahi zongin gam hoihna mun tungin na gil uh a vah ciangin na lungsim uh kiphasakin kei nong mangngilh uh hi.

Isaiah 1:3

Bawng in amah a nei pa thei a, la in zong a topaʼ an piakna mun thei buang hi. Ahih hangin Israel in bangmah thei lo a, keima mite in theithei lo uh hi,” a ci hi.

Jeremiah 4:22

Topa in, “Ka mite hai uh a, kei hong thei lo uh hi. Naupang haite bang uh a, bangmah thei lo uh hi. A sia bawl ding lamsang siam bek uh hi. A hoih bangmah bawl thei lo uh hi,” a ci hi.

JOB (Job) 36:12

Ahi zongin ama thu mang kei le-uh, namsau tawh si ding uh a, misiteʼ gam zuan ding uh hi.

Jeremiah 5:21

“Ngai un, ngaihsutna a nei lo mihaite aw, mit nei napi-in a mu lote, bil nei napi-in a za lo mite aw,

Isaiah 3:12

Keima mite ahihleh naupangte in bawlsia uh a, numeite in zong uk uh hi. Ka mite aw, na makaite un note lam hong lakkhial a, noteʼ lampi zuih pen hong siasak hi.

Late 119:139

Ka galte in nangma thu kin het lo uh ahih manin keima hehna mei bangin a kuang hi.

Late 119:61

Migiloteʼ khau in kei hong vialh hangin nangma thu ka mangngilh tuan kei hi.

Mattiu 15:14

Hih mite lunghihmawh ngaihsut kei un. Amaute pen mittaw makai ahi uh hi. Mittaw khat in mittaw dang khat makaih leh a nihun hawkguam sungah kia khawm ding uh hi,” ci-in a dawng hi.

Hosea 8:12

Amaute hilh nading sim zawh loh thukham tampi gelh taleng zong, amaute in don loin thu lamdangpi khatin ngaihsun lel uh hi.

Hosea 8:1

Pataukohna peengkul tum in. Galte in muvanlai bangin ka gam a leenlak dingin hong kithawi uh hi. Bang hang hiam cih leh ka mite in ka thuciamna uh pelhin, ka thuhilhnate hong nial uh hi.

Hosea 4:12

Ka mite in aisanin singthem peuh thudotin nei uh a, amauʼ thu theihnopte, ciangkang peuh in gen tazen hi. Amaute in kei hong taisan uh a, a paktat numei bangin pasian dangte a zuan uh hi.

Hosea 2:13

Kei hong mangngilh tanvei sung, Baal pasian tungah paknamtui a hal tanvei sung le a pasal it dangte tawh a kikhawl dingin a manpha kizepna a tuamtuamte tawh a kizep hun tanvei sungzah mah gim ka pia ding hi.

1 SAMUEL MASA 2:12

Eliʼ tapate pen bangmah a man lo mite ahi uh hi. Amaute in Topa zahtakna nei lo uh hi.

Isaiah 45:20

“Minamte sung panin a suakta lai note aw, nomau kikaikhawmin hong pai unla, hong nai un! Sing milim a pua kawikawi mite in theihna nei lo uh a, a hon khia thei lo pasian tungah thu ngenngen uh hi.

Isaiah 27:11

A hiangte a keu ciangin kitan hi. Nupite hong pai-in mei-in cih uh hi. Hih mite in khentel theihna nei lo ahih ciangin amaute a bawlpa in amaute hehpih lo dinga, amaute a piangsak pa in amaute tungah maipha lak lo ding hi.

Isaiah 28:7

Hih mite zong leenggahzu tawh hoi-in khamtheih zu tawh awn uh hi. Siampite le kamsangte nangawn zukhamin hoi uh hi. Kamsangte in zu kham lua uh ahih manin Pasianʼ muhsak maangmuhnate theithei lo uh a, siampite in zong zu kham lua uh ahih manin a thukhen dingte uh khen thei lo uh hi.

Mattiu 1:6

Jessi ta kumpi David ahi hi. David ta Solomon, Uriahʼ zi Bathsheba tawh a neih pen ahi hi.

Late 119:153

Ka thuakna hong en inla, kei hong hon khia in. Bang hang hiam cih leh nangma thu ka mangngilh kei hi.

Paunak 10:21

Mihoihteʼ thugente in mi tampi nuamtuamsak a, mihaite in a hai sihpih uh hi.

Ezekiel 44:23

“Amaute in ka mite tungah, biakna na a siangtho le a mawkmawk nate le a nin le a siang nate a kilamdanna hilh ding uh hi.

Hosea 4:14

Na tanute uh a paktat manin gim ka pia kei dinga, na mote uh midang tawh a mawh manin zong gim ka pia tuan kei ding hi; bang hang hiam cih leh note mahmah numei paktatte tawh na mawh uh a, biakinn numeite tawh nulepa mawhna biakna na bawl uh hi. Paunak ah, “Thuhoih phawk theihna a nei lo mite in siatna thuak ding hi,” kici hi.

Hosea 5:4

Amauteʼ gamtatna in a Pasian kiang uh zuansak thei lo hi. Amaute in nakpi takin milim biaknopna lungsim nei uh ahih manin Topa phawk kha lo uh hi.

Hosea 7:9

A kipawl pih minam dangte in a thahatna teng uh teeptum a, ahi zongin a kiteep tum lam phawk kha lo uh hi. A lu tung uh a om a sam uh a kan lam nangawn phawk kha lo uh hi.

Hosea 7:11

Israel pen a khemnop kawl vakhu hai tawh kibang hi. Egypt-te kiangah huhna va ngen masa uh a, tua ciangin Assiria-te kiangah a va tai uh hi.

Late 18:27

Bang hang hiam cih leh miniamte na hon khia a, ahih hangin mi kiphasakte na niamsak hi.

Isaiah 29:12

Tua ciangin amaute in lai a sim thei lopa kiangah, “Hih lai sim dih in,” a cih uh ciangin amah in, “Ka sim thei kei hi,” a ci hi.

Hosea 9:17

Amaute in a thu ngai lo uh ahih manin ka Pasian in a mite a nial ding hi. Minam dangte lakah a vakvai mite a suak ding uh hi.