Hosea 4:2 - Tedim Bible Revision 2017

² Mite in thuciamna bawl napi-in a thuciamte uh palsat uh hi. Zuau genin, mi thatin, guta-in, nulepa mawhna bawl uh hi. A sia khat khit a sia khat a banbanin gamta-in a mawhna uh beh laplap uh hi.

Tedim Bible

² Mite in thuciamna bawl napi-in a thuciamte uh palsat uh hi; zuau genin, mi thatin, guta-in, nu-le-pa mawhna bawl uh hi; a sia khat khit a sia khat a ban banin gamta-in a mawhna uh kibehlap lap hi.

Hosea 4:2 Referans Kwoze

Hosea 6:9

Zawhthawh thu-in miʼ na a sut dingin a pangsim mite bangin siampite gamta uh a, biakna a pia dingin Shekhem khua ah a pai mite nangawn, lamkal ah a that uh hi. Amau gamtatna siahuai mahmah hi.

1 THESALONIKA MASA 2:15

Tua Jew mite in Topa Jesu le kamsangte that uh a, kote zong hong bawlsia uh hi. Pasianʼ lungkim loh nadingin gamta uh a, mi khempeuh langbawl uh hi.

Micah 7:2

Leitungah mihoih teng bei khinta a, Pasianʼ tungah a thuman mi kuamah om nawn lo hi. Mihoih teng si khinta hi. Mi khempeuh in mi thah ding bek ngaihsun uh a, a kuamah peuh in a mipihte thah ding bek hanciam uh hi.

Hosea 7:1

Israel-te a ci uh damsakkik ning, ci-in ka ngaihsut ciangin, amauʼ mawhna le amauʼ siatna bekbek kimu thei hi. Amaute in mi khemin, inn luhin na gu uh a, kong lak nangawn ah miʼ na sut uh hi.

Jeremiah 6:7

Tuikhuk panin tuiphul a tawlngak loh bangin, Jerusalem khua panin siatna tawlnga lo hi. Khua sungah ngongtatna le suksiatna ka za ngitnget a, cinatna le liamna bekbek ka mu hi.

Mangmuhna 17:6

Tua ciangin mi siangthote le Jesu tungah a cihtak uh manin a kithat miteʼ sisan dawnin zukham a batna ka mu hi. Tua numei ka muh ciangin lamdang ka sa mahmah hi.

Sawltak 7:52

I pu i pate in kamsang a bawlsiat loh khat beek om lo hi. Pasianʼ deihna bangin a gamta a Nasem pa a hong pai nading thu a gen khol Pasianʼ kamtaite na that uh a, tu-in note in tua nasem pa leh hekin na that leuleu uh hi.

Mattiu 23:35

Tua thu hangin, mawhnei lo Abel a kithah hun a kipanin biakinn le biakna tau kikal a na thah uh, Barakhiahʼ tapa Zekhariah hun ciang dongin, mawhna nei lo a kithat mite khempeuh hangin gimna note in na thuak ding uh hi.

Zekhariah 7:9

“Note in thu a tangin khenin, khatlekhat tungah itna le hehpihna kilakin,

Zekhariah 5:3

Tua ciangin amah in kei kiangah, “Leitung gam khempeuh ah a tung ding hamsiatnate, hih lai tungah kigelh hi. Guta khempeuh, gam sung panin kisiak mang ding hi, ci-in laizial dal lang khat ah kigelh a, a man lopi-in ka min tawh thuciam mi khempeuh zong kisiak khia mang ding hi, ci-in alang khat ah kigelh hi.

Zefaniah 3:1

Ama mite mah nengniamin, thumang loin a tatsia, Jerusalem khuapi in gimna ngah ding hi.

Micah 6:10

Thuman lopi-in a ngah uh, migiloteʼ inn sunga van omte, keima deih loh tawitehna man lo zatnate, mangngilh thei ding ka hi hiam?

Micah 3:9

Ngai un! Israel a uk makaite aw. Note in thutang deih loin, thuman kimlai a khialin na hei uh hi.

Micah 3:2

thuhoih deih loin thusia na deih zawsop uh hi. Note in miteʼ vun na hing hawkkhiat uh a, a guh uh na hing kheuh uh hi.

Hosea 12:14

Heh mahmah theih nadingin Israel mite gamta uh ahih manin amauteʼ Topa in amauʼ tung mahah a mawhna uh tungsak dinga, amauteʼ mawhna mah a thuaksak ding hi.

Hosea 10:4

Amaute a kampi bek uh hi a, a kampi bekun thu genin thuciamna a bawl uh hi. Lo lai-a tu-ma-kuakte sungah gunei kiak a po mah bangin thusia neihna hong khang hi.

Hosea 7:3

Amaute in a zuaupi teng uh tawh kumpipa lungdamsak uh a, a khemna teng uh tawh a uliante uh nuamsak uh hi.

Hosea 5:2

Note in miteʼ kiat nadingin Shittim ah gum a thukpi-in na to uh hi; hih thu hangin note kong thuhilh ding hi.

Kah la 4:13

Kamsangte le siampite in mawhna a bawl manun mi siangtho midikteʼ sihna a hong piang ahi hi.

Isaiah 48:1

Israel min tawh a kilo, Judah sung panin a piang khia, Topa’ min tawh thu ciam napi-in, thuman thutak tawh Israel Pasian a pulak lo Jakob innkuan aw, hih thu ngai un.

Isaiah 24:5

Ama tunga a teengte in leitung ninsak uh hi. Bang hang hiam cih leh amaute in thukhamte khialin ngeina kipte palsat uh a, tawntung thuciamna peel uh hi.

Piancilna 4:8

Kain in a sanggampa Abel kiangah, “Gamlak ah vak ni,” ci hi. Amaute gamlak ah a om ciangin Kain in a sanggampa Abel a that hi.

Thu-hilhkikna 5:11

“Topa noteʼ Pasianʼ min a sia lamin na zang kei ding uh hi; bang hang hiam cih leh Topa in ama min a sia lamin a zang mi a mawh lo hi, ci lo ding hi.

Thu-hilhkikna 5:18

“‘Nulepa mawhna zong na bawl kei ding uh hi.

Thu-hilhkikna 5:19

“‘Na na gu kei ding uh hi.

Jeremiah 51:5

Bang hang hiam cih leh Israel le Judah mite Israel miteʼ Siangtho Pa tungah a khialh uh hangin, amauteʼ Pasian, Vanglian Topa in amaute taisan nai lo hi.

Ezekiel 7:23

“Na khuttum uh zial un. Bang hang hiam cih leh gam sungah mi kithahna dim a, khua sungah ngongtatna dim hi.

Hosea 6:8

Gilead pen migilo hontangteʼ omna khuapi hi a, mi thahna sisan luang tawh amauʼ sul a kidim hi.

Hosea 7:4

Amaute zuautatin citak lo uh hi. Amaute pen, moh bawl pa in a anlom meek a pawm mateng, moh emna meikhuk sunga a tawh sa, mut loh seem lohin a koih phot mei tawh kibang uh hi.

Hosea 10:13

Ahi zongin note in thusia na tuh zawsop uh a, thusia gah na at uh hi. Na zuauna uh hangin a piang gahte na ne uh hi. Note in na sakol leengte uh le na galkap tamna uh muang kha na hih manun,

Hosea 11:12

Topa in hih bangin ci hi: Israel mite in zuauna le khemna bekbek tawh kei hong khuhcip uh hi. Judah mite in zong a citak a Siangtho Pa keimah hong langpang lai uh hi.