Hosea 4:18 - Tedim Bible Revision 2017

¹⁸ Amaute, zukham honpi hi uh a, nulepa mawhna a bawlbawl uh hi. Min phat ding sangin min siat ding ut zaw uh hi.

Tedim Bible

¹⁸ Amaute, zukham honpi hi uh a, nu-le-pa mawhna bawlbawl uh hi. Min phat ding sangin min siat ding ut zaw uh hi.

Hosea 4:18 Referans Kwoze

Micah 3:11

Khuapi ukte in sumgolh ngah theih nading ngaihsutna bek tawh thu khen a, siampite in sum ngah theih nading ngaihsutna bek tawh thu gen a, kamsangte in zong sum ngah theih nading ngaihsutna bek mah tawh mailam thu gen khol uh hi. Tua bang hi napi-in amaute in Topa, muanin nei uh a, “Topa in eite hong ompih a, eite tungah siatna hong tung lo ding hi,” a ci uh hi.

Micah 7:3

A sia lam a gamtat ding siam mahmah uh a, uliante le thukhente in sumgolh ngenin, mi liante in amauʼ deih teng pulak uh a, kipawlin vaihawm khawm uh hi.

Amos 5:12

Bang hang hiam cih leh na khialhna tampite uh le na mawhna tampite uh a vekin ka thei khin hi. Thuman mite gimsakin, sumgolh na la uh a, thukhenna zumah mizawngteʼ thu a manin na khen kei uh hi.

Hosea 4:10

Amaute, pasian dangte a bia dingin kei kiang panin kihei khia uh ahih manin biakpiakna a sa tanhte uh a nek hangun a gil uh vah tuan lo ding hi. Mi punna ding deihna-in biakpiakna-in numei tawh mawhna a bawl uh hangin mi pung tuan lo ding hi.

Hosea 4:2

Mite in thuciamna bawl napi-in a thuciamte uh palsat uh hi. Zuau genin, mi thatin, guta-in, nulepa mawhna bawl uh hi. A sia khat khit a sia khat a banbanin gamta-in a mawhna uh beh laplap uh hi.

Jeremiah 2:21

A kiteelteel leenggui ci hoihte bangin nang kong suankik zo a, ahih hangin nang kisiakikin bang hangin leenggah gui a hoih lote na suakkik na hi hiam?

Late 47:9

Uliante le Abrahamʼ Pasianʼ mite kipawl khawm uh hi. Bang hang hiam cih leh leitung miteʼ lumte khempeuh Pasian-aʼ suak khinta a, amah a sangpi-in kithangsak hi.

1 SAMUEL MASA 8:3

Ahih hangin a tapate amah bangin gamta lo uh a, sum ngah ding lam bek kin uh ahih manin sumgolh la-in thuman hei khia uh hi.

Thu-hilhkikna 16:19

Thutang na hei khia kei ding uh a, angvan tuam na nei kei ding uh hi. Sumgolh in mipilteʼ mit tawsakin thumanteʼ thu hei khia ahih manin sumgolh na la kei ding uh hi.

Paikhiatna 23:8

Sumgolh na la kei ding uh hi. Bang hang hiam cih leh sumgolh in ulianteʼ mittawsak a, thuman miteʼ thu heikhiatsak hi.

Piancilna 38:24

Tua zawh kha thum ciangin Judah tungah, “Na monu Tamar paktatin gamta hi. Tua tham loin paktatna tawh naupaii hi,” ci-in kigen hi. Judah in, “Amah paikhiatpih un; amah kihal tum hen,” a ci hi.

Hosea 9:10

Topa in hih bangin gen hi: Israel kong muh cil-in hoih mahmah a, sehnel gam sunga a gah a zun kiuhkeuh leenggah tawh kibang hi. Na pu na pate uh ka muh cil-in hoih mahmah a, a hun ciangin a min a zun sitset theigah muh tawh kibang hi. Ahi zongin Baalpeor a tun uh ciangin amaute in Baal milim bia pah uh ahih manin, amauʼ biak milimte ka muhdah zahin amaute nangawn ka mudah pah hi.

Ezekiel 16:15

“Ahi zongin na melhoihna le na minthanna a sia lamin zangin, na tuah peuhpeuh luppih ding zolna in na zang hi.