Hosea 4:12 - Tedim Bible Revision 2017

¹² Ka mite in aisanin singthem peuh thudotin nei uh a, amauʼ thu theihnopte, ciangkang peuh in gen tazen hi. Amaute in kei hong taisan uh a, a paktat numei bangin pasian dangte a zuan uh hi.

Tedim Bible

¹² Ka mite in aisanin sing them peuh thu dotin nei uh a, amau thu theih nopte, ciangkang peuhin gen tazen hi. Amaute in kei hong taisan uh a, a paktat numei bangin pasian dangte zuan uh hi.

Hosea 4:12 Referans Kwoze

Hosea 5:4

Amauteʼ gamtatna in a Pasian kiang uh zuansak thei lo hi. Amaute in nakpi takin milim biaknopna lungsim nei uh ahih manin Topa phawk kha lo uh hi.

Jeremiah 2:27

Amaute in singtawng khat kiangah, ‘Nang pen ka pasian na hi hi,’ ci uh a, suangtum khat kiangah, ‘Ka pianna ka nu na hi hi,’ peuh a ci uh hi. Bang hang hiam cih leh amaute in kei hong nungngatin hong maingat lo uh hi. Ahih hangin haksatna a tuah uh ciangin, ‘Tho inla hong hon in,’ hong ci uh hi.

Habakkuk 2:19

Sing khatpeuh a kibawl na khat kiangah, “Khanglo in,” ci-in, a pau thei lo suangtum kiangah, “Tho in,” ci na hih manun gimna na ngah ding uh hi. Hih bang milim in note hong hilh thei ding ahi hiam? Ngun le kham tawh limtakin a kizut hangin a sungah nuntakna om lo hi.

Thu-hilhkikna 31:16

Tua ciangin Topa in Moses kiangah, “En in, na pu na pate kiang a zuan ding na hi ta hi. Nang na om nawn loh ciangin hih mite pen na paina uh mite lakah a gam sung pasian-te uh tawh paktat ding uh a, amaute in kei hong nusia-in amaute tawh ka bawl ka thuciamna uh siasak ding uh hi.

Gamlak-vakna 15:39

Tua pen, note in ut luatna tawh na zuih theih zel uh ahi nomauʼ lungsim le nomauʼ mittangʼ deihna zui kha loin, note in na et ding uh puan mongteep le Topaʼ thupiakte khempeuh phawkin na sep nading uh ahi hi.

Micah 2:11

Zuau genin khemna tawh thu gen kawikawi a, “Note adingin leenggahzu le khamtheih zu tampi tak hong om ding hi,” a hong ci kamsangte pawl, noteʼ deih kamsangte ahi hi.

Hosea 9:1

Israel mite aw, midangte bangin lungdamin kipak kei un. Na Pasian uh na nusia uh a, ama tungah na citak kei uh hi. Numei paktatte bangin mun citeng ah Baal tungah na kizuak uh a, a hong leina ante hangin na lungdam uh hi.

Ezekiel 21:21

Lamka a tun ciangin Babylon kumpipa khawl phot ding hi. A tot ding lampi a theih nadingin ai nam tuamtuam san dinga, a thaltangte sing seuhseuhin, inn sung pasian milimte thu dongin, biakna-in a gawh ganhingteʼ sin a vel ding hi.

Jeremiah 10:8

A mipilte uh mihai mi mawl ahi uh hi. Sing milim in amaute bangci-in hilh thei mah ding ahi hiam?

Late 73:27

Bang hang hiam cih leh nang tawh a kigamlate kisia ding uh a, nangma tungah a hong khialte na beisak ding hi.

2 KHANG TANGTHU NIHNATE 21:13

Israel kumpi dangteʼ gamtat bangin gamta-in Ahab innkuan in cihtak lohna ah Israel a paipih bangin Judah le Jerusalem-a teeng mite cihtak lohna ah na paipih a, na paʼ innkuan sung panin nang sangin a hoih zaw na sanggam pasalte zong na that hi.

Siampi Laibu 20:5

keimah in tua mipa le ama innkuanpihte maisiatin, amah le Molek biakna ah amah a zuite khempeuh amauʼ mite lak panin ka hawl khia ding hi.

Siampi Laibu 17:7

Tua ahih ciangin amaute in a biak uh keeldawite adingin amauʼ biakpiaknate go nawn lo ding uh hi. Hih pen amauʼ khang tawntungin amauteʼ tungah ngeina kip khat hi ding hi.

Late 106:39

Tua ahih ciangin amauʼ sepna tawh amaute a nin suak uh a, amauʼ gamtatnate tawh palhngulhna a bawl uh hi.

Hosea 14:3

Assiria mite in hong hon khia zo ngei lo dinga, sakol galkapte in zong hong hu zo ngei lo ding uh hi. Koteʼ bawl sa milimte pen Pasian hi, ka ci nawn kei ding uh hi. A cimawh mite in nangma tung panin hehpihna a ngah lamtak uh ka thei uh hi,” ci-in thu ngen un.

Thukhente 18:5

Tua ciangin amaute in ama kiangah, “Koteʼ kuan khiat khualzinna a tangtung ding hiam cih ka theih nadingun Pasian hong dotsak in, kong thum uh hi,” a ci uh hi.

2 KUMPI NIHNATE 17:7

Hih thu a pianna pen Egypt kumpi Faroʼ khutnuai Egypt gam panin amaute a paikhiatpih a Pasian uh Topaʼ tungah Israel mite khial a, pasian dangte kihta-in

Jeremiah 23:13

Samaria kamsangte sungah a muhthadah huai mahmah na khat ka mu hi. Baal min suangin thu hilh uh a, ka mi Israel-te lam a pialpih uh hi.

Ezekiel 20:32

Note in na lungsim ngaihsutna uh khensat khinin, gam dangah a teeng minam dangte mah bangin sing le suang na bia nuam uh hi. Ahi zongin noteʼ ut bang hi thei ngei lo ding hi.

Hosea 6:10

Israel mite lakah siatna lianpi khat ka mu hi. Milim biakna tawh amaute kininsak uh hi.