Hosea 4:1 - Tedim Bible Revision 2017

¹ Israel mite aw, Topaʼ thugen ngai un. Hih gam sungah a teeng mite tungah Topa lungkim lo ahih manin hih bangin mawhsak hi: Hih gam sungah cihtakna ahi a, itna ahi zongin om lo a, mite in kei pen Pasian-in hong ngaihsun lo uh hi.

Tedim Bible

¹ Israel mite aw, Topa’ thugen ngai un. Hih gamsung a a teeng mite tungah Topa lungkim lo a, hih bangin mawhsak hi: Hih gam sungah cihtakna ahi a, itna ahi zongin om lo a, mite in kei pen Pasian-in hong ngaihsun lo uh hi.

Hosea 4:1 Referans Kwoze

Jeremiah 4:22

Topa in, “Ka mite hai uh a, kei hong thei lo uh hi. Naupang haite bang uh a, bangmah thei lo uh hi. A sia bawl ding lamsang siam bek uh hi. A hoih bangmah bawl thei lo uh hi,” a ci hi.

Micah 6:2

No mual liante le a kip tawntung leitung bulpite aw, Topaʼ thu ngai un. Topa in ama mite tawh thu nei a, Israel tawh thu kiseel ding hi.

1 KORIN MASA 15:34

Hoihtakin thu ngaihsun phakik unla, mawhna gamta nawn kei un. Note pawl khat in Pasian thei het lo na hih manun maizumhuai mahmah hi.

ROM (Romans) 1:28

Mite in a man ahi Pasianʼ thu ngaihsutin nei nuam lo uh ahih manin amauteʼ ngaihsut hoih lo bangin a gamtat theih nadingun Pasian in a khah khia hi. Tua ahih manin a gamtat dingun a kilawm lo pipi-in a gamta uh hi.

Hosea 12:2

Topa in Israel mite a mawhsak nading a thu om hi. Jakob a gamtatna tawh kizui-in gim pia dinga, ama gamtatna bangin thukkik ding hi.

Jeremiah 25:31

A awging, leimong dongah kithawn ding hi; bang hang hiam cih leh gamteʼ lang khat ah Topa pang hi. Amah in mi khempeuh thu sit dinga, namsau tawh migilote a that lum ding hi, Topa in ci hi,’ na ci ding hi.

Jeremiah 5:4

Tua ciangin keimah in, “Hih mite mihai hi a, a hehpihhuai ahi hi. Topaʼ lampi thei lo uh a, amauʼ Pasianʼ deihna a thei kei uh hi.

Isaiah 34:1

Minam khempeuhte aw, thu za dingin hong pai un. Mihingte aw, hong ngai un! Leitang le a tungah a om khempeuhte aw, ngai un. Leitung buppi le a tung panin a hong pai mi khempeuh in ngai un.

Isaiah 1:18

Topa in hih bangin ci hi: “Tu-in hong pai unla, thu kikum khawm ni. Na mawhnate uh puansan a bat hangin vuk bangin hong ngo ding hi. Na mawhnate uh si bangin a san hangin tuumul bangin hong kang ding hi.

Mangmuhna 2:29

Tua ahih manin zak nading bil a neite in Kha Siangtho in pawlpite kiangah a gen thute na za un.

Mangmuhna 2:11

Tua ahih manin zak nading bil a neite in Kha Siangtho in pawlpite kiangah a gen thute na za un. A gualzo mite, nih vei sihna in gimsak kha nawn lo ding hi.

Johan 8:55

Note in amah na thei ngei kei uh a, ahi zongin keʼn ka thei hi. Amah ka thei kei hi, a ci hi leng, note mah bangin kei zong a zuau ka hi ding hi. Ahi zongin keʼn amah thei ka hih manin ama thu ka mang hi.

Amos 7:16

Tu-in Topaʼ thugen ngai in. Israel miteʼ lang khat ah thu ka gen ding na hong kho a, Isaacʼ suanlekhakteʼ lang khat ah thu ka gen ding na hong kham hi.

Hosea 5:1

No siampite aw, hih thu ngai un! No Israel mite aw, thudon un. Kumpipaʼ innkuante aw, ngai un! Note in midangte tungah thu a khen ding hi napi-in, note tungah thukhenna hong tung ding hi. Bang hang hiam cih le note in miteʼ awk nadingin Mizpah mualah thang na siah uh a, miteʼ awk nadingin Tabor mualah ngenthang na hi uh hi.

Jeremiah 34:4

Judah kumpipa Zedekiah aw, Topaʼ kammal ngai lai dih in. Topa in nangmah tawh kisai-in a hong genin ah, nang in namsau tawh thahna na thuak kei ding hi.

Jeremiah 19:3

Nangmah in, ‘Judah kumpite le Jerusalem khua mite aw, Topaʼ kammal ngai un. Vanglian Topa, Israel miteʼ Pasian in hong cih in ah: En un, hih munah kong tunsak ding siatna lian lua ahih manin a za mi khempeuhteʼ bil sungah ging den ding hi.

Jeremiah 9:20

Tua ciangin keimah in, “No numeite aw, Topaʼ kammal ngai dih un. A kam pan a hong ging khia thu na bil uh ah lutsak un. Na tanute uh a kah dan ding hilh unla, na inn veengte ciat uh kah la hilh un.

Jeremiah 7:28

Tua ciangin nangmah in amaute kiangah, ‘Hih gam pen, Topa amauteʼ Pasianʼ thu a mang lo gam hi a, thuhilhna sang loin, thuman om nawn lo a, thuman genin zong a nei nawn kei uh hi,’ na ci ding hi.

Jeremiah 6:13

Bang hang hiam cih leh a neu pen pan a lian pen dongin, thuman lopi tawh sum zongin a huaiham uh hi. Kamsangte a kipan siampite dongin thuman lo khin uh hi.

Jeremiah 4:28

Tua thu hangin leitung kap dinga, vantung mial ding hi. Bang hang hiam cih leh ka gen sa, ka khensat sa hi a, ka kisik loh bangin ka lungsim zong ka kheelkik kei ding hi,” a ci hi.

Jeremiah 2:4

Jakob suan le Israel innkuan khempeuhte aw, Topaʼ kammal ngai dih un.

Isaiah 66:5

Ama thu ah lau-in a liing mite aw, Topa’ thu za un: Keima tungah note nong cihtakna hangun na mipihte uh pawl khat in note hong mudahin hong hawl khia ding uh a, zahpihna tawh note hong hopihin, “Lungdamin na om ding uh hong deihsak ka hih manun, Topa in ama liatna hong lak henla, note hong hon khia tahen,” hong ci vial ding uh hi. Hih banga hong paute pen mindaina a thuak ding mite ahi uh hi.

Isaiah 34:8

Topa in Zion a hotkhiat ding, a galte a thuksak ding hun khat a nei hi.

Isaiah 28:14

Tua ahih ciangin Jerusalem khua sungah hih mite a uk, a kiphasak no uliante aw, Topa’ thu za un!

Isaiah 5:3

Tu-in, Jerusalem khua ah a teengte le Judah mite aw, kei le ka leenggui lo kikalah thu nong khen nading uh kong thum hi.

Isaiah 1:10

Sodom a uk mangte aw, Topa’ thu na za un! No Gomorrah mite aw, i Pasianʼ hihna na ngai un!

1 KUMPI MASATE 22:19

Tua ciangin Mikaiah in, “Tua ahih ciangin Topaʼ thu ngai in: Topa a kumpi tokhom tungah tu-in, ama taklam le a veilamah vantung mihonpi a ding ka mu hi.

Isaiah 59:4

Kuamah in thutang tawh thu na nei kei uh a, thuman tak tawh thukhen zumah na pai kei uh hi. Note in bangmah lopi suanin nei-in zuau thu na gen uh a, siat nading thu ngaihsunin buaina na piangsak uh hi.

Isaiah 59:8

Noteʼ omna peuh ah kuamah lungmuang thei lo a, noteʼ sepna khempeuh ah thuman khat beek om lo hi. Na lungsim uh kawi mahmah a, hong zui kha mite in thunuam mu ngei lo uh hi.

Jeremiah 9:3

A leii uh thalpeu bangin zang uh a, zuau thu bekbek a lawn khia khia uh hi. Gam sungah thuman om loin zuau thu bekbek a dim hi. Siatna lam manawh tektek uh a, kei hong thei lo uh hi, Topa in a ci hi.

Jeremiah 51:5

Bang hang hiam cih leh Israel le Judah mite Israel miteʼ Siangtho Pa tungah a khialh uh hangin, amauteʼ Pasian, Vanglian Topa in amaute taisan nai lo hi.

Joel 1:2

No khangham zaw diakte aw, ngai un; Judah gam mi khempeuh aw, na bil uh ngat un. Noteʼ khan sung ahi a, na pu na pate uh khan sung ahi zongin, hih bang thu piang ngei peuhmah ahi hiam?

Late 81:9

Noteʼ lakah pasian dang om lo dinga, pasian dang khatʼ mai ah na kun kei ding uh hi.

Jeremiah 2:9

“Tua ahih manin Topa in kong cih in ah, note kong mawhsak lai dinga, na tate uhʼ tate zong ka mawhsak ding hi.

Jeremiah 9:7

Tua ahih manin Vanglian Topa in a cih in ah, “En un, amaute a siantho nadingun suangtui-in ka ze-et ding hi. Tua lo ka mite bang cih nawn ding ka hi hiam?

Jeremiah 11:7

Bang hang hiam cih leh Egypt gam panin ka lakkhiat pan a kipan tu ni ciang dong ka thu hong mang un, ci-in na pute na pate uh tungah tam veipi nakpi takin ka hilh ngitnget hi.

Ezekiel 16:35

“Tua ahih ciangin a paktat Jerusalem aw, Topaʼ thu ngai in.

Hosea 5:4

Amauteʼ gamtatna in a Pasian kiang uh zuansak thei lo hi. Amaute in nakpi takin milim biaknopna lungsim nei uh ahih manin Topa phawk kha lo uh hi.

Hosea 12:3

Jakob in a nu sung nangawn pek panin a sanggampa sawk pah a, a khangham ciangin zong Pasian tawh kilaii hi.

Amos 3:1

Israel mite aw, noteʼ lang khat a Topaʼ thugen, hih thu limtakin ngai un: Egypt gam panin na minam bupun note kong paikhiatpih hi.