Hosea 3:4 - Tedim Bible Revision 2017

⁴ Hih pen kumpi ahi a, makai ahi zongin, biakpiakna le biakpiakna khuampite ahi zongin, siampi puanpi le milim pasian-te nei loin hun saupi sung Israel mite om ding a cihna ahi hi.

Tedim Bible

⁴ Hih in, kumpi ahi a, makai ahi zongin, biak piakna leh biak piakna khuampite ahi zongin, siampi puanpi leh milim pasiante nei loin hun saupi sung Israel mite om ding a cihna ahi hi.

Hosea 3:4 Referans Kwoze

Thukhente 17:5

Tua mipa Mikah in biakna phual khat nei a, amah in siampi puan khat le inn sung pasian-te bawlin siampi a suak dingin a tapate khat a koih hi.

2 KHANG TANGTHU NIHNATE 15:2

Tua ciangin Asa a dawntuah dingin amah pai-in ama kiangah, “Asa, le Judah mite le Benjamin mite aw, ka thu ngai un. Note amah tawh na om lai teng uh note tawh Topa hong om hi. Amah na zon uh leh amah na mu ding uh a, ahih hangin amah na nusiat uh leh amah in note hong nusia ding hi.

Piancilna 31:19

Laban a tuumul met dingin a paikhia hi a, Rachel in a paʼ inn sung pasian-te na gu hi.

Hebru 10:26

Thuman thutak i theih khit ciangin mawhna i bawl hamtang lai leh i mawhna a kimaisak nadingin biakpiakna dang om nawn lo a,

Daniel 12:11

Amaute in nisim biakpiakna a khawlsak, a Lipkhaphuai na a hong pian ciangin ni tul khat za nih sawm kua sung a sawt ding hi.

Daniel 9:27

Tua makai pa in mi tampite tawh kum sagih sung thuciamna kip bawl ding uh hi. Gan gawh biakna le biakpiakna, hih hun lang sung a khawlsak ding hi. Biakinn dawn sang pen munah a Lipkhaphuai na kikoih ding hi; ahi zongin Pasian in tua a koihpaʼ thuak dingin a geel sa thu a koihpa in a thuak hun ciang dong, a Lipkhaphuai na pen a koihna mun mahah om lai phot ding hi,” hong ci hi.

1 SAMUEL MASA 23:9

Saul in ama tungah a sia a sawmna David in thei hi. Amah in a siampi Abiathar kiangah, “Hih lai ah siampi puan hong paipih in,” a ci hi.

Thukhente 8:27

Tua ciangin Gideon in tuate milimin bawlin ama khuapi Ofrah khua ah a koih hi. Israel-te khempeuh in tua lai munah tua milim bia uh a, Gideon le a innkuanpihte adingin thangzak khat a suak hi.

Paikhiatna 28:4

Amauteʼ bawl ding puante: Awmdal khat, siampi puan khat, puan tualpi khat, sik li nei-a a gial puan tungsilh khat, dialpi khat le kawnggak khat ahi hi. Keima tungah siampi na a sem ding na sanggampa Aaron le ama tapate adingin amaute in biakna puan siangthote bawl ding uh hi.

Johan 19:15

amaute in, “That in, that in, singlamteh tungah that in,” ci-in a kiko uh hi. Pilat in, “Na Kumpipa uh that mawk ding ka hi hiam?” a cih ciangin siampi liante in, “Rom gam khempeuh a uk Kumpipa sim loh kumpi dang ka nei kei uh hi,” ci-in a dawng uh hi.

Luka 21:24

Mi pawl khat, namsau tawh kithat dinga, pawl khat, galmatin gam dangah kiciah pih ding hi. Tua ciangin Gentail miteʼ uk hun a bei matengin Jerusalem khuapi a siacipin om ding hi.

Zekhariah 13:2

Tua ni ciangin gam sung panin milim khempeuh ka phiatsiang dinga, kuamah in a milim min nangawn uh phawk kha nawn lo ding uh hi. Kamsang zuautheite zong phiatin, milim biaknopna lungsim ka beisak ding hi.

Hosea 13:11

Na kumpi dingte uh kong ngawh piak a, ka hehluatna hangin amaute ka la khiakik khin hi.

Hosea 2:11

Ama lungdam theihna, a kumsim pawite, a khasim pawite, a nipisim pawite, a biakna kikhop khempeuh ka beisak ding hi.

Daniel 11:31

A galkapte pawl khat in biakinnpi le biakinnpi huang a ninsak ding uh hi. Amaute in nisim biakpiaknate khawlsak ding uh a, a Lipkhaphuai na a suang ding uh hi.

Ezekiel 21:21

Lamka a tun ciangin Babylon kumpipa khawl phot ding hi. A tot ding lampi a theih nadingin ai nam tuamtuam san dinga, a thaltangte sing seuhseuhin, inn sung pasian milimte thu dongin, biakna-in a gawh ganhingteʼ sin a vel ding hi.

Ezekiel 20:32

Note in na lungsim ngaihsutna uh khensat khinin, gam dangah a teeng minam dangte mah bangin sing le suang na bia nuam uh hi. Ahi zongin noteʼ ut bang hi thei ngei lo ding hi.

2 KUMPI NIHNATE 23:24

Tua tham loin Topaʼ biakinn sungah siampi Hilkiah in a muh laibu sungah a kigelh thukham kammalte amah in a kipsak theih nadingin Judah gam sung le Jerusalem-a om vankahte, aisante, inn sung pasian-te, milimte le a kihhuai nate khempeuh Josiah in a hem khia hi.

2 SAMUEL NIHNA 6:14

Tua ciangin a tha neih khempeuh tawh Topaʼ mai ah David lam hi. David in saihadial siampi puan khat silh hi.

1 SAMUEL MASA 30:7

Tua ciangin David in Ahimelek tapa Abiathar kiangah, “Siampi puan hong paipih in,” a ci hi. Tua ahih ciangin Abiathar in David kiangah siampi puan a paipih hi.

1 SAMUEL MASA 23:6

David kiang Keilah ah Ahimelekʼ tapa Abiathar a tai lai-in amah in siampi puan khat kengin pai suk hi.

1 SAMUEL MASA 22:18

Tua ciangin kumpipa in Doeg kiangah, “Kihei inla, siampite hih in,” a ci hi. Edom mi Doeg kihei-in siampite hih a, tua ni-in saihadial siampi puan a silh mihing sawm giat le nga a that hi.

1 SAMUEL MASA 21:9

Siampipa in, “Elah kuamah na thah Filistia mi Goliathʼ namsau, puan tawh kitunin hih lai ah siampi puan nungah om hi. Tua na deih leh la in. Bang hang hiam cih leh a dang om lo a, tua bek hih lai ah om hi,” a ci hi. David in, “Tua sanga hoih zaw a dang om lo hi; kei hong pia in,” a ci hi.

1 SAMUEL MASA 14:3

Shiloh ah Topaʼ siampi Eliʼ tapa Finehas, a tapa Ikhabod, a sanggampa Ahitubʼ tapa Ahijah in siampi puan silh hi. Mite in Jonathan a paikhiat khit lam thei lo uh hi.

1 SAMUEL MASA 2:18

Samuel pen saihadial siampi puan silhin Topaʼ mai ah na a sem naupang khat ahi hi.

Siampi Laibu 8:7

Amah in a puan tungsilh amah silhsak a, a kawnggak tawh gakin, a puan tualpi silhsak a, a siampi puan silhsakin, siampi puanʼ khau, hoihtakin a kigan tawh gak a, tua tawh ama tungah a khih hi.

Piancilna 49:10

Judah in kumpi ciangkhut len tawntung dinga, a suan a khakte in zong ukna aana nei tawntung ding hi. Minam dangte in ama tungah siah puak dinga, zahtakna tawh ama mai ah kun ding uh hi.

Piancilna 31:34

Rachel in inn sung pasian-te na gu a, kalaoh tutphah sungah koihin, tuateʼ tungah na tu hi. Laban in puanbuk sungteng khempeuh zawt a, ahih hangin tuate mu lo hi.

Thukhente 18:14

Tua ciangin Laish gam a ensim dingin a pai mi ngate in a sanggamte uh kiangah, “Hih innte khat sungah siampi puan khat, inn sung pasian-te, a kiseek milim khat le a kisung milim khat a om lam thei lo na hi uh hiam? Tua ahih ciangin tu-in na hih ding uh ngaihsun un,” a ci uh hi.

1 SAMUEL MASA 15:23

Bang hang hiam cih leh lehdona pen ai san mawhna bangmah hi a, lungkhauhna pen mawhna le milim biakna mah a bang ahi hi. Nangmah in Topaʼ thu nial khin na hih manin, amah in zong kumpi hihna pan nang hong nolh khin hi,” a ci hi.

Kah la 2:9

Kulh kongpite cim gawpin lei in vukcip a, kongpi kalhna zawlte a kitan gawp hi. Kumpipa le mi liante salin a om khin uh hi. Thukham kihilh nawn lo a, kamsangte in Pasian kiang pan maang a mu nawn kei uh hi.

Hosea 13:10

Na kumpi ding uh le na makai dingte uh nong ngen uh hi. Tu-in note hong hon dingin na hong nget uh na kumpipa uh koi ah om a, note hong hu ding na makaite uh koi lai tung khin ahi hiam?

Zekhariah 10:2

Mihingte in milim peuh thudotin nei uh a, a thu ngahte uh zuau thu le a mawkna hi lel hi. Mang khia thei-a kineite in lam lakkhial uh a, amauʼ hehnepnate a mawknapi hi lel hi. Tua ahih manin tuu bangin mite mangthang uh a, makai a neih loh manun gimna a ngah uh hi.

Paikhiatna 28:6

“Amaute in siampi puan pen, kham, a dum, a dupsan, a ausan tuumul khaute le a kopin a kikhuk a kigan puan hoihte tawh bawl ding uh a, hoihtakin a kibawl hi ding hi.

Ezekiel 19:14

Hih leenggui mei in kaang a, a hiang a gah kaang tum mang hi. A hiangte liankik nawn lo dinga, kumpi ciangkhut suakkik ngei nawn lo ding hi. Hih a tunga pen tamlawhna hi a, a kisa zelzel ngei khat ahi hi.

Ezekiel 21:31

Note tungah ka hehna kong khah dinga, mei-am kuang hong bang ding hi. Mi thah a siam, migiloteʼ khut sungah note kong pia ding hi.