Hosea 3:1 - Tedim Bible Revision 2017

¹ Topa in kei kiangah thu hong genkik a, “Lawm a ngai khin sa, pasal tawh a lum khawm sa numei khat tawh va kingai in. Israel mite, pasian dangte kiangah pai uh a, leenggahkeu tawh a va biak uh hangin, amaute ka it lai veve mah bangin tua numei va it in,” hong ci hi.

Tedim Bible

¹ Topa in kei kiangah thu hong gen kik a, “Lawm a ngai khinsa, pasal tawh a lumkhawmsa numei khat tawh va kingai in, Israel mite, pasian dangte kiangah pai uh a, leenggah phehkeu tawh a va biak uh hangin, amaute ka it lai veve mah bangin tua numei va it in,” hong ci hi.

Hosea 3:1 Referans Kwoze

Jeremiah 31:20

“Efraim, ka it ka tapa hi lo ahi hiam? Amah keima ngaihno hi lo ahi hiam? Bang hang hiam cih leh ama thu ka gen simin amah ka phawk lailai hi. Tua ahih manin amah ka ngaihsun tawntung a, ka hehpih taktak ding hi, Topa in ka ci hi.

Isaiah 45:22

“Leitung mi khempeuhte aw, kei lamah hong kihei unla hotkhiatna ngah un! Bang hang hiam cih leh kei pen Pasian ka hi a, kuamah dang om lo hi.

Micah 7:7

Ahi zongin keʼn ka hih leh Topa mah ka en dinga, kei hong suaktasak Pasian ka ngak ding hi. Ka Pasian in ka thu hong ngai ding hi.

Hosea 11:8

Israel mite aw, bangci-a hong nusia thei dinga, bangci-a hong paidak thei ding ka hi hiam? Admah khua ka suksiat bangin kong susia nuam kei a, Zeboiim khua ka bawl bangin kong bawl nuam kei hi. Note hong khasiat mahmah ka hih manin tua ci banga hih ding ka lungsimah om lo hi.

1 PETER MASA 4:3

A beisa hunah dawi biateʼ gamtat bangin a hoih khop khat na gamta khinta uh a, a kilawm loin gamtatna, hukna lanna, zunekna, uangtatna, zukham luatna le a muhdahhuai milim biakna-in na hun uh na beisak uh hi.

Zekhariah 1:16

Tua ahih ciangin Jerusalem khuapi tungah ka hehpihna a lak dingin ka hong paikik hi. Tua khuapi sungah ka biakinn kilamkik dinga, khuapi kulh zong kiciangkik ding hi, Vanglian Topa in ci hi, ci-in gen in,” hong ci hi.

Jeremiah 3:20

Ahih hangin a thuman lo zi in a pasal a nusiat bangin Israel mite aw, Topa in kong cih in ah, no zong kei tungah nong thuman kei uh hi,’ ci-in va taangko in,” hong ci hi.

Late 123:2

Nasem pasalte in a topa uh muang a, nasem numeite in a tonu uh a muan mah bangin ko tungah hehpihna nong neih matengin Topa koteʼ Pasian kong mitsuan uh hi.

1 KORIN MASA 10:21

Note in Topa tawh nekkhawmna hai sung pan le dawi tawh nekkhawmna hai sung panin na dawn khawm thei kei ding uh hi. Topa tawh nekkhawmna an leh dawi tawh nekkhawmna an zong na nekhawm thei kei ding uh hi.

Amos 6:6

Leenggahzu hai lian pipi-in na dawn uh a, sathau hoih pente tawh na kizut uh hi. Ahi zongin Josef minamteʼ siatna hangin them khat zong na dah het kei uh hi.

Amos 2:8

Biakna tau gei khempeuh ah amaute lum uh a, sum leitawina hangin a puan kepsakte uh a phah uh hi. Amaute in a Pasian uhʼ biakinn sungah leibate kiang pan a laksak uh leenggahzu a dawn uh hi.

Nehemiah 9:31

Ahi ta zongin na hehpihna lian hangin amaute beisak loin, zong na nusia kei hi; bang hang hiam cih leh dikna le hehpihna a nei na hi hi.

2 KUMPI NIHNATE 13:23

Ahih hangin Topa in amaute hehpihin amaute khasiat a, Abraham, Isaac le Jakob tawh a thuciamna hangin amaute lamah amah kihei a, amaute nusia lo hi. Tu dongin zong ama mite mangngilh lo hi.

2 SAMUEL NIHNA 6:19

Israel mihon buppi, mi khempeuh, numei le pasalte tungah anlum pheng khat, sa baak khat le leenggahkeu pheng khat ciat a pia hi. Tua ciangin mi khempeuh a inn ciat uh ah a ciah uh hi.

Thukhente 10:16

Tua ahih ciangin amaute in amauʼ lak panin gamdang pasian-te koih khia-in Topa a bia uh hi. Tua ahih ciangin Israel-teʼ gentheihna ah amah a dah hi.

Thukhente 9:27

Amaute lo ah kuanin a leenggui uh panin leenggah khawmin cil uh a, pawi khamin amauteʼ pasianʼ inn ah pai uh a, an ne tui dawnin omin Abimelek zahko uh hi.

Paikhiatna 32:6

Amaute zingsangin tho baih uh a, meihal biakna pia-in thunuam a biakna zong a paipih uh hi. Pawi an ne-in mite tu uh a, zu khamin numei pasal kisawk ngeingai uh hi.

1 KORIN MASA 10:7

amaute pawl khat in a biak bangin milim i bia kei ding hi. Lai Siangtho in, “Anne zune dingin mite tu uh a, tua khit ciangin a lam dingin a ding uh hi,” na ci hi.

Mattiu 26:50

Jesu in, “Lawm aw, hih dingin na ngim pen hih pak in,” ci-in a dawng hi. Tua ciangin mihonte in Jesu manin a lencip uh hi.

Hosea 7:5

Kumpipa in pawi a bawl ni-in amaute in uliante zu khamsakin haisak uh a, amauʼ ngimna a thei lopi-in kumpipa zong tua lakah hong kihel hi.

Hosea 4:11

Leenggahzu in ka miteʼ thungaihsut theihna beisak hi.

1 KHANG TANGTHU MASATE 16:3

Israel mi numei le pasal khempeuhte tungah anlum khat, sa bak khat le leenggahkeu bek khat ciat a hawm hi.

Solomon la 2:5

Lungzuang, duangvul ka hih manin leenggahkeu tawh hong vak inla, epel gah tawh hong thadimsak in.

Hosea 2:5

A nu uh a paktat hi a, tua ahih manin amaute a paii numei, zumna mel thei loin a gamta ahi hi. Amah in, “Ka it pasal dangte kiangah ka pai ding hi. Amaute in anletui, samul puan le saihadial puan, oliv thau le zu hong pia uh hi,” a ci zaw lai hi.