Hosea 2:8 - Tedim Bible Revision 2017

⁸ Ama tungah an, leenggahzu le oliv thau ka piakna le Baal pasian biak nadingin a zat ngun le kham tampi tak a pia pa ka hih lam hong phawk kha lo hi.

Tedim Bible

⁸ Ama tungah an, leenggahzu, leh oliv thau ka piakna, leh Baal pasian biak nadingin a zat ngun leh kham tampi tak a piapa ka hih lam phawk kha lo hi.

Hosea 2:8 Referans Kwoze

Isaiah 1:3

Bawng in amah a nei pa thei a, la in zong a topaʼ an piakna mun thei buang hi. Ahih hangin Israel in bangmah thei lo a, keima mite in theithei lo uh hi,” a ci hi.

Hosea 13:2

Tua hi napi-in amaute khial thuah semsem uh a, a biak ding uh milim a bawl uh hi. Amauʼ ngunte milimin bawl uh a, a hoihtakin khutsiamte a bawlsak uh hi. Tua ciangin, “Hihte tungah biakna pia un,” a ci uh hi. Mihing in milim bia-in nam tazen uh hi.

Hosea 8:4

Amaute in kei hong dong loin kumpi ding vaihawm uh a, keiʼ theih pih lohin ulian koih uh hi. A ngun a khamte uh tawh amauʼ siat nading milim a bawl uh hi.

Hosea 4:11

Leenggahzu in ka miteʼ thungaihsut theihna beisak hi.

ROM (Romans) 1:28

Mite in a man ahi Pasianʼ thu ngaihsutin nei nuam lo uh ahih manin amauteʼ ngaihsut hoih lo bangin a gamtat theih nadingun Pasian in a khah khia hi. Tua ahih manin a gamtat dingun a kilawm lo pipi-in a gamta uh hi.

Luka 15:13

Ni tawm khat khit ciangin a nau zaw pa in ama neihsa teng zuakin a sum tawh inn panin a gamlapi ah paikhia a, a sumte a phengzat gawp hi.

Habakkuk 1:16

A ngente un amauʼ deih peuhpeuh ngahsak ahih manin, amaute in a ngente uh bia-in biakpiakna zong a pia uh hi.

Hosea 2:5

A nu uh a paktat hi a, tua ahih manin amaute a paii numei, zumna mel thei loin a gamta ahi hi. Amah in, “Ka it pasal dangte kiangah ka pai ding hi. Amaute in anletui, samul puan le saihadial puan, oliv thau le zu hong pia uh hi,” a ci zaw lai hi.

Daniel 5:23

Vantung Topaʼ langah na pang hi. A biakinnpi hai le kuangte la-in sabuai tungah nangmah tawh, na mi liante tawh a zineute le na zite uh tawh zu nekna-in na zang uh hi. Theihna a nei lo, a mu thei lo, khua a za thei lo ngun, kham, sumngo, sik, sing le suang tawh a kibawl pasian-teʼ min na phat uh hi. Na nuntakna le na hihna khempeuh a hong uk Pasian na zahtak kei hi.

Jeremiah 7:18

Naupangte in sing tomin, a pate un mei tawh uh a, nupite in a nusian uh vantung kumpinu ading moh bawlna ding annel meek uh a, kei hong hehsak nadingun, pasian dangteʼ dawn dingin leenggahzu tawh biakna a pia tazen uh hi.

Isaiah 46:6

Sumbawm panin khamte uang zatin tawitehna tawh ngunte a teh khiate in kham seek pa cial uh a, amah in tua nate pen pasian-in a seeksak hi. Tua ciangin amaute kunin tua milim a bia uh hi.

Thukhente 9:27

Amaute lo ah kuanin a leenggui uh panin leenggah khawmin cil uh a, pawi khamin amauteʼ pasianʼ inn ah pai uh a, an ne tui dawnin omin Abimelek zahko uh hi.

Hosea 10:1

Israel mite ahihleh a gah pha mahmah leenggui tawh kibang hi. Cithei semsem leh biakna tau tam lam semsem uh hi. A gam sung uh cithei semsem leh biakna song a hoih bawl semsem uh hi.

Thu-hilhkikna 8:18

Tu ni-a mah bangin na pu na pate uh tungah a kiciamna a kipsak theih nadingin, na hauh nadingun vangliatna a hong pia pa amah ahih manin Topa na Pasian uh na phawk ding uh hi.

Ezekiel 23:41

Lupna hoih mahmah tungah tu-in a mai uh ah sabuai limtakin koih uh hi. Tua sabuai tungah keima piak sa paknamtui le oliv thaute koih uh hi.

Daniel 3:1

Kumpi Nebukhadnezzar in a tun pi sawm kua a sang, a vailam pi kua a gol kham milim golpi khat bawlsak a, Babylon gam sung Dura zanglei ah a koih hi.

Hosea 13:1

Efraim-te beh in thu a gen ciangin a dangte lau uh a, Israel minam beh dangte in Efraim-te beh tung et uh hi. Ahi zongin Baal milim biakna hangin amaute khial uh hi; tua thu hangin si ding uh hi.

1 KHANG TANGTHU MASATE 29:16

Topa koteʼ Pasian aw, na min siangtho pahtawi nadingin nang ading biakinn lam nadingin ka piak sa uh hih a tampite zong nangma khut sung panin hong pai hi a, a vekpi-in nangma aʼ mah ahi hi.

JOB (Job) 19:8

Pasian in ka lampi khaktan a, ka paisuak zo kei hi. Amah in ka pai nading lampi khua mialcipsak hi.