Hosea 2:7 - Tedim Bible Revision 2017

⁷ Amah in a pasal dangte delh dinga, ahi zongin amaute kiang tung zo lo ding hi. Amah in amaute zong niloh dinga, ahi zongin mu zo lo ding hi. Tua ciangin amah in, “Ka pasal masa kiangah ciahkik ning; tu-a bangin ka om sangin ama kiang nuam zaw ding hi,” a ci ding hi.

Tedim Bible

⁷ Amah in a pasal it dangte a delh ding a, ahi zongin amaute kiang tung zo lo ding hi; amah in amaute zong niloh ding a, ahi zongin mu zo lo ding hi. Tua ciangin amah in, “Ka pasal masa kiangah ciahkik ning; tu-a banga ka om sangin ama kiang nuam zaw hi,” a ci ding hi.

Hosea 2:7 Referans Kwoze

Jeremiah 2:2

“Pai inla, Jerusalem khua miteʼ zak dingin va taangko in. Topa in kong cih in ah: Na khangno lai-a nong kipiakna, na mothak lai-a nong itna, a kikho nai lo gamlak ah keiʼ nung nong zuih lai hun ka phawk hi.

Hosea 5:13

Israel in ama cinatna kithei-in, Judah in ama liamna a kimuh ciangin kumpi lianpa kiangah huh ngen dingin Assiria gamah Israel va pai hi. Ahi zongin amah in amauʼ natna damsak thei lo a, a liamna uh zong na damsak thei tuan lo hi.

Hosea 13:6

Ahi zongin gam hoihna mun tungin na gil uh a vah ciangin na lungsim uh kiphasakin kei nong mangngilh uh hi.

Ezekiel 23:4

A unuʼ min Oholah hi a, Samaria khuapi tawh kibang a cihnopna ahi hi. A naunuʼ min Oholibah hi a, Jerusalem khuapi tawh kibang a cihnopna ahi hi. Hih numei nihte ka teenpih a, a nihun kei tawh ta nei uh hi.

Jeremiah 14:22

Gamdang pasian zuauteʼ lakah guah a zusak thei om ahi hiam? Tua ahih kei leh zong vantungmi in ama thu-in guah zu tawmsak thei ahi hiam? Tua bang a hih thei nang bek hi lo na hi hiam? Topa koteʼ Pasian aw, nangmah in tuate khempeuh hih na hih manin nangma sungah lametna kong nei uh hi.

Hosea 14:1

Israel-te aw, noteʼ Topa Pasianʼ lamah kiheikik un. Na mawhna hangun note na puk khin uh hi.

Hosea 5:15

Ka mite in a mawhna hangun gimna thuakin kei hong zonkik mateng ka tua ci nusiat phot ding hi. A lungkham uh ciangin kei hong zong ding uh hi.

Daniel 5:21

Mihingte lak panin amah kihawl khia a, ganhing lungsim a nei hi. Gam sakolte tawh teeng khawmin, bawngtal bangin lopa ne a, daitui dal ding nei loin a pua lamah a lum hi. A tawpkhakna ah a Lianpen Pasian in mihingteʼ kumpi gamte uk a, a teel peuhpeuh kumpi suak hi, ci-in a phawk thei hi.

Daniel 4:32

Mite lak pan hong kihawl khia dinga, gamsate tawh na teeng khawm ding hi. Bawngtal bangin kum sagih sung lopa na ne ding hi. Tua ciangin, Pasian in mihingteʼ kumpi gam uk a, a teel mi peuhpeuh kumpi a suaksak thei hi, na ci ding hi,” a ci hi.

Daniel 4:25

Mite sung panin hong kihawl khia dinga, gamsate tawh na teeng khawm ding hi. Bawngtal bangin lopa na ne dinga, a pua lamah lumin, kum sagih sung na tungah daitui a hong kia ding hi. Tua ciangin a Lian Pasian in mihingteʼ kumpi gam uk a, a teel mi peuhpeuh kumpi suaksak thei hi, na ci ding hi.

Daniel 4:17

Hih pen a vil, a patau vantungmiʼ thukhenna ahi hi. Tua ahih ciangin mun khempeuh ah a om mi khempeuhte in, a Lian Pasian in miteʼ kumpi gamah vai a hawm hi, cih a thei ding uh hi. Amah in a teel peuhpeuh a neu pente nangawn kumpi a suaksak thei ding hi,’ a ci hi.

Ezekiel 23:22

“Oholibah aw, Topa Pasian ahi keima hong gen thu in: Tu-in nang in hih na lunggulh mite na cimtak ta hi. Ahi zongin nangma tungah amaute ka hehsak dinga, nang a hong umcih dingin kong paipih ding hi.

Ezekiel 20:32

Note in na lungsim ngaihsutna uh khensat khinin, gam dangah a teeng minam dangte mah bangin sing le suang na bia nuam uh hi. Ahi zongin noteʼ ut bang hi thei ngei lo ding hi.

Ezekiel 16:18

Nang ka hong piak, a kizem a kiphan puan hoihte la-in milimte na silhsak a, nang ka hong piak oliv thau le paknamtuite, milim biakna-in na zang hi.

Ezekiel 16:8

“Nang kong muh khakkik ciangin pasal nei thei ding hun na hi ta hi. Na pum guakin a om kimlai, ka puan tawh kong khuh a, na zumhuaina teng hong seelsakin, teenpih dingin kam kong ciam hi. Kong kamciamna tangtungsakin nang pen keima-aʼ nong suak hi, Topa Pasian in ci hi.

Jeremiah 31:32

Tua pen, a pu a pate uh, Egypt gam panin ka lakkhiat nadingin a khut uh tawh ka kaihkhiat huna ka bawl uh thuciamna tawh kibang lo ding hi. Tua hun lai-in kei amauteʼ pasal hi napi-in ka thuciamna a hong palsat uh hi, Topa in kong ci hi.

Jeremiah 31:18

Efraimʼ kahna aw ka za zo a, ‘Topa aw, bawngtal sin loh bangin kei nong thuhilh khinzo hi. Kong ciahkik theih nadingin hong lakik in; bang hang hiam cih leh nang pen Topa ka Pasian na hi hi.

Jeremiah 2:36

Bang hangin na lungsim kheel ziauziau na hi hiam? Assiria in nang hong maizumsak ngei bangin Egypt-te in zong nang hong maizumsak ding uh hi.

Jeremiah 2:28

“Note-aʼ dinga na bawl uh na pasian-te uh koi ah om ahi hiam? Haksatna na tuah uh ciangin a hong hon thei ahihleh kihonsak ta un; bang hang hiam cih leh Judah gam aw, na khuapi zahzah uh pasian na nei tazen uh hi.

Isaiah 30:16

“Hi lo! Sakol tung tuangin manlang takin i tai ding hi,” ci na hih uh ciangin note na tai khia ding uh hi. “Sakol zaptel tungah i tuang ding hi,” ci na hih uh ciangin note hong delh mite zong zaptel ding hi.

Late 116:7

Lungmuang takin ka om ding hi; bang hang hiam cih leh keima tungah Topa hong thunuam hi.

Jeremiah 3:1

“Mi khat in a zi ma henla, tua nu in zong amah nusia-in, midang khatʼ zi va suak leh, a pasal masa in tua nu lakik thei ding ahi hiam? Tua gam teng a ninsak khin suak ding hi lo ahi hiam? Nang pen numei paktat suakin mi tampi tak tawh kingai khinzo napi-in, tu-in kei kiang hong zuankik ding na hi hiam, Topa in kong ci hi.

Hosea 2:16

Tua ciangin kei pen, ka pasal, hong cikik dinga, kei pen, ka Baal pasian, hong ci nawn lo ding hi.

2 KHANG TANGTHU NIHNATE 28:23

Bang hang hiam cih leh amah a zo Damaskas-teʼ pasian-te tungah biakna pia-in, “Syria kumpiteʼ pasian-te in amaute huh ahih manin amaute in kei hong huh theih nadingun amauʼ tungah biakna ka pia ding hi,” ci hi. Ahih hangin tua pasian-te pen amah le a mipihte khempeuhʼ siatna ahi hi.

Jeremiah 44:17

Ahih hangin ka ciam sa uh bangin kote, ka pute ka pate, ka kumpite uh le kumpi uliante in Judah gam khuapite le Jerusalem khua kongzing lakah ka hih ngei uh bangin vantung kumpinu kiangah paknamtui halin tui dawn biakna ka hih zaw ding uh hi. Bang hang hiam cih leh ka tua cih uh ciangin an tampi ka nei uh a, hau-in gimna zong ka thuak kei uh hi.

Ezekiel 23:12

Amah in a vekpi-in a ngaihbaang Assiria mi tangval ahi gam ukte le galkap maangte, puansan a silh galkapte le sakol tung tuang uliante nak lunggulh mahmah hi.

Hosea 1:2

Topa in Hosea tungtawnin Israel-te tungah thu a na gen cil lai-in, amah in Hosea kiangah, “Hih gam mite kei tungah citak loin pasian dangte bia uh ahih manin, nang zong hong tul pih lo ding numei paktat khat teenpih inla, tua nu tawh ta nei in,” a ci hi.