Hosea 2:4 - Tedim Bible Revision 2017

⁴ Ama tate, paktatna panin a piang tate ahih manin, tua a tate zong ka hehpih kei ding hi.

Tedim Bible

⁴ Ama tate, paktatna pana piang tate ahih manin, tua a tate zong ka hehpih kei ding hi.

Hosea 2:4 Referans Kwoze

Hosea 1:6

Tua ciangin Gomer gaikikin tanu khat nei hi. Topa in zong Hosea kiangah, “Na tanuʼ min dingin hehpih loh, a cihnopna Loruhamah phuak in; bang hang hiam cih leh Israel mite ka hehpih nawn kei dinga, a mawhna uh ka maisak het kei ding hi.

Hosea 1:2

Topa in Hosea tungtawnin Israel-te tungah thu a na gen cil lai-in, amah in Hosea kiangah, “Hih gam mite kei tungah citak loin pasian dangte bia uh ahih manin, nang zong hong tul pih lo ding numei paktat khat teenpih inla, tua nu tawh ta nei in,” a ci hi.

Ezekiel 8:18

Tua ahih manin amaute in ka heh mahmahna thuak ding uh a, amaute zah loin, zong ka khasiat kei ding hi. Amaute in a thaneih tawpun kei kiangah thu hong nget uh hangin amauteʼ thungetna ka ngai kei ding hi,” a hong ci hi.

Jeremiah 13:14

Pate le tate a kipan amaute khatlekhat ka kiphusak dinga, Topa in kong cih in ah, hehpih lo, lainat lo, it loin ka sisak ding hi, ci hi,’ va ci in,” hong ci hi.

Jeim 2:13

Bang hang hiam cih leh hehpihna lungsim a nei lote tungah Pasian in thu a khen ciangin hehpih lo dinga, hehpihna lungsim a neite tungah Pasian in thu a khen ciangin a hehpihna in zo zaw ding hi.

ROM (Romans) 11:22

Hih thu ah Pasian a migit mahmahna le a khauh mahmahna i mu hi. A khial mite tungah khauh mahmah a, ama migitna a kizop paisuak theih nadingin na up paisuak nak uh leh note tungah hong migi mahmah hi. Ahi zongin na zop paisuak kei uh leh note zong hong kisat khia ding hi.

ROM (Romans) 9:18

Tua ahih manin Pasian in a hehpih nopte hehpih a, a paupeensak nopte paupeengsak hi.

Johan 8:41

Note pen na pa uh gamtat bangin a gamta na hi uh hi,” a ci hi. Tua ciangin amaute in, “Kote pen zawlta ka hi kei uh a, ka Pa uh Pasian ahi hi,” a cih uh ciangin,

Zekhariah 1:12

Tua ciangin Topaʼ vantungmi in, “Vanglian Topa aw, Jerusalem khuapi le Judah gam khuapite tungah kum sawm sagih sung na heh khinta hi. Amaute hehpih loin bang tanvei om lai ding na hi hiam?” ci hi.

Ezekiel 9:10

Tua ahih manin amaute ka zah kei dinga, kuamah ka khasiat kei ding hi. Amauteʼ gamtatna, amauteʼ tung mah ka tusak ding hi,” hong ci hi.

Jeremiah 16:5

“Bang hang hiam cih leh Topa in kong cih in ah, miʼ kahna inn sungah lut kei unla, thumin kuamah va kah se kei un. Bang hang hiam cih leh lungnopna, itna lianpi le ka hehpihna hih mite kiang panin ka la khia khinzo hi, Topa in kong ci hi.

Isaiah 57:3

No, ai san numeiteʼ tapate, numei tawh a mawh mite le numei pangtatteʼ tuletate aw, hih lai ah hong pai un.

Isaiah 27:11

A hiangte a keu ciangin kitan hi. Nupite hong pai-in mei-in cih uh hi. Hih mite in khentel theihna nei lo ahih ciangin amaute a bawlpa in amaute hehpih lo dinga, amaute a piangsak pa in amaute tungah maipha lak lo ding hi.

2 KUMPI NIHNATE 9:22

Joram in Jehu a muh ciangin, “Jehu aw, thuhoih ahi hiam?” a ci hi. Amah in dawngin, “Na nu Jezebelʼ paktatnate le aisannate tua zahin a tam lai teng bang thuhoih om thei ding ahi hiam?” a ci hi.

Ezekiel 23:25

Nangma tungah kei heh ka hih manin nangma tungah amaute hong heh gamtat ding uh hi. Na nak le na bilte hong at khiatsakin na tate hong thahsak ding uh hi. Na tanu le na tapate na kiang panin hong sutin a hingtangun hallum ding uh hi.

Hosea 5:7

Topaʼ tungah amaute citak lo uh a, midangte tawh zawlta nei uh hi. Tu-in amaute le a neihsa khempeuh uh kisusia ding hi.

Isaiah 50:1

Topa in, “Amah ka ciahsakna, na nu a kimakna lai koi ah om ahi hiam? Tua ahih kei leh nang kong zuakna ka leibatnate koi pan ahi hiam? Nomau mawhna hangin note hong kizuak a, nomau khialhna hangin na nu uh kipaikhiasak hi.