Hosea 2:3 - Tedim Bible Revision 2017

³ A gamtat hoih lohna a khawl kei leh, a nu sung pan a suah laitakin a guaktangin a om mah bangin, a puan teng hawk khiatsakin a guaktangin ka omsak dinga, a keu, bangmah a po zawh lohna gamlak bangin ka bawl dinga, dangtakin a si ding hi.

Tedim Bible

³ A gamtat hoih lohna khawl kei leh, a nu sung pan a suah lai-in a guaktangin a om mah bangin, a puan teng hawk khiatsakin a guaktangin ka om sak ding a, a keu, bangmah a po zawh lohna gamlak bangin ka bawl ding a, dangtakin a si ding hi.

Hosea 2:3 Referans Kwoze

Ezekiel 16:22

Hih bangin numei paktat nuntakna tawh a mindaihuai-in na om laitakin na neu lai thu, guaktangin na om lai, sisan naisan lakah na kitomtom lai thu na phawk kha kei hi.

Ezekiel 19:13

Tui om lohna lei keu gamah tu-in hih leenggui kituah hi.

Jeremiah 13:22

Bang hangin hih thute kei tungah hong tung ahi hiam, ci-in na ngaihsut leh na mawhna a liatluatna hang ahi hi. Tua thu hangin na nik hong kihawk gawp a, a hong kibuan gawp ahi hi.

Mangmuhna 17:16

Tua na muh ganhing le a ki sawmte in a paktat numei mudah ding uh hi. Ama neih khempeuh laksakin a pum guakin koih ding uh a, a sa ne-in mei tawh hal tum ding uh hi.

Jeremiah 51:43

A khuapite a mulkimhuai suak a, lei keuna sehnel gam a suak khinta hi. Gam sungah kuamah teeng lo a, kuamah in kantan ngei lo hi.

Jeremiah 22:6

Bang hang hiam cih leh Judah kumpi inn tawh kisai-in Topa in kong cih in ah: Nang pen Gilead gam ahi a, Lebanon mual bangin ahi zongin na hoih mahmah hi. Ahih hangin nang sehnel gam kong suaksak dinga, kuamah a ten lohna khua kong suaksak ding hi.

Jeremiah 17:6

Amah pen sehnel gamah a po sawlbawk bang hi a, khangin a bawk a pha zo kei ding hi. Kuama ten lohna ci gam, keugaw gamah amah a teeng ding hi.

Jeremiah 13:26

Kei mahmah in na nik kong hawksak dinga, kong maizumsak ding hi.

Jeremiah 12:10

Tuucing dang tampi in ka leenggah lo hong suksiatsak uh a, kei aʼ teng hong tuatcilsak uh hi. A hoih mahmah ka leenggah lo pawn lak, gam lak, a suaksak uh hi.

Jeremiah 4:26

Ka et leh, logam leihoih teng sehnel gam suak khin a, Topaʼ mai, a hehna lianpi mai ah, khuapi khempeuh kisia khin uh hi.

Jeremiah 2:31

No Israel mite aw, Topaʼ kammal limtakin ngai dih un. Israel-te adingin gamlak tawh kibang ngei ka hi hiam? A mial mahmah gam tawh kibang ngei ka hi hiam? Tua ahihleh bang hangin ka mite in, ‘Ko ka suakta uh hi; nang kiangah kong pai nawn kei ding uh hi,’ ci uh ahi hiam?

Jeremiah 2:6

Amaute in, ‘Egypt gam panin eite hong paikhiat pihin sehnel lak le dum lak, lei keu lak le a lauhuai khuamial bekbak lak, kuama pai ngei lohna mun, kuama ten lohna gamlak ah a hong makaih Topa koi ah om ahi hiam?’ ci beek lo uh hi.

Isaiah 64:10

Nangma khuapi siangthote gamlak suak khinta a, Zion zong gamlakpi suak a, Jerusalem khua gamkhing a suak hi.

Isaiah 47:3

Na seelsim teng kilang dinga, na zumhuaina teng kimu ding hi. Keimah in kong thukkik dinga, kuamah ka zah kei ding hi.

Isaiah 33:9

Leitang kinusiacipin om mawk hi. Lebanon mual a tulak singte vul gawp a, Sharon gam leihoih pen sehnel gam bang ta hi. Bashan le Karmel mual a singtehte pulh mang khinta hi.

Thukhente 15:18

Tua ciangin amah dangtak mahmah ahih manin Topa samin, “Na nasem paʼ tha tawh hih bang suahtakna lian nong pia zo hi. Tu-in dangtakin kei si-in dawibia miteʼ khut sungah puk ding ka hi hiam?” a ci hi.

Paikhiatna 17:3

Ahi zongin tua munah tui duhin mite dangtak uh a, Mosesʼ tungah mite phunin, “Kote le ka tate uh le ka ganhingte uh dangtakin a si dingin bang hangin Egypt panin hong paipih to na hi hiam?” a ci uh hi.

Hosea 2:10

Tua ciangin ama it pasal dangteʼ muhna ah a puante hawk khiatsakin a guaktangin ka omsak dinga, kuamah in keiʼ khut sung panin hon khia zo lo ding hi.

Jeremiah 14:3

Uliante in a nasemte uh tuitawi dingin sawl uh a, tuikhuk a zuat uh leh tui na om lo hi. A beel hawm uh tawh hong kilehkik uh a, lungkhamin cih nading thei loin a lu uh puan a khuh uh hi.

Hosea 13:15

Israel mite kiak bangin a pung ahi zongin sehnel gam panin nisuahna huih sa mahmah ka nungsak dinga, a tuikhukte uh le a tuinakte uh a kangsak ding hi. Tua huih in a manpha nate le deih theih peuhpeuh leen mang ding hi.

Jeremiah 51:5

Bang hang hiam cih leh Israel le Judah mite Israel miteʼ Siangtho Pa tungah a khialh uh hangin, amauteʼ Pasian, Vanglian Topa in amaute taisan nai lo hi.