Hosea 2:21 - Tedim Bible Revision 2017

²¹ Tua ni ciangin keima mi Jezreel-teʼ thungetna ka pia dinga, leitungah guah ka zusak ding hi.

Tedim Bible

²¹ Tua ni ciangin keima mi Jezre-elte’ thungetna ka pia ding a, leitungah guah ka zusak ding hi.

Hosea 2:21 Referans Kwoze

Zekhariah 8:12

Lungnuam takin lokho singpua-in nuam a sa ding uh hi. Leengguite gah pha dinga, guah tampi zu-in lo ah an tampi piang dinga, a suakta lai ka minamte tungah hih bang thupha khempeuh ka tungsak ding hi.

Mattiu 6:33

Thudang khempeuh sangin Pasianʼ ukna le ama deihna na zuih theih nading uh thupi ngaihsut masa zaw un. Tua hileh hih na kisapna dangte khempeuh uh zong hong pia thuah veve ding hi.

ROM (Romans) 8:32

Ama Tapa nangawn siit loin eite khempeuh adingin hong pia khia ahih manin, na dang khempeuh zong hong pia zaw kan ding hi lo ahi hiam?

Isaiah 65:24

Amaute in hong sap ma-in keʼn ka dawng dinga, amaute in thu a gen laitakin keʼn ka za ding hi.

Isaiah 55:10

Bang hang hiam cih leh vantung panin guahtui le vuk hong pai-in, amaute ciahkik loin leitung kawtsakin, kungnote mengin sel khiasak a, khai vawhpa khaici pia-in a ne pa tungah an a piak mah bangin,

Zekhariah 13:9

Tua a suakta seh khatte pen meikhuk ah ngun a kisiansak bangin, meikhuk ah kham a kize-et bangin, meikhuk ah ze-etin ka siangsak ding hi. Amaute in kei tungah thu hong ngenin, kei zong amauʼ thungetna ka pia ding hi. Keima mi ahihna uh amaute tungah ka gen dinga, amaute in kei pen amauʼ Pasian ka hihna thu a kam uh tawh pulak ding uh hi,” a ci hi.

Ezekiel 36:29

Note hong ninsak thei ding na khempeuh panin kong hu ding hi. An tampi ka piangsak dinga, gilkial na thuak kha nawn kei ding uh hi.

Hosea 14:7

Keima liim nuai ah khatvei hong omkik ding uh hi. Huan hoih sunga a po ankung hoihte bang ding uh a, leenggui gah pha bangin tampi a pha ding uh hi. Lebanon gam leenggahzu bangin minthang ding uh hi.

Joel 2:19

Topa in ama miteʼ thungetna dawng a, “Tu-in note tungah an, leenggahzu le sathau kong pia a, na kham takun na ne ding uh hi. Minam dangteʼ simmawhin na om nawn kei ding uh hi.

Malakhi 3:10

Ka biakinn ah an a om theih nadingin sawm-ah-khat a kimin hong paipih un. Kei hong ze-et un; vantung kongkhakte hongin, note adingin na hoih tampi kong piakna na mu ding uh hi.

Malakhi 3:11

Lo panin a piang na ante uh, kauphe ka nesak nawn kei dinga, na leenggui uh gah pha mahmah ding hi.

Isaiah 62:4

Nang pen a kinusia, hong kici nawn lo dinga, na leitang pen Gamkhing, kici nawn lo ding hi. Nang pen ama tungah ka lungkimna om, hong kici dinga, na leitang pen a Kiteen pih, kici ding hi. Bang hang hiam cih leh nang tungah Topa lungkim a, na leitang pen a kiteen pih zi tawh kibang ding hi.

Isaiah 62:5

Bang hang hiam cih leh tangval in nungak khat a teenpih mah bangin nang hong lam pa in nang hong teenpih dinga, zipi pa mothak nu tungah a lungdam mah bangin nang tungah na Pasian lungdam ding hi.

Zekhariah 8:8

Jerusalem khua sungah ka tunpihkik ding hi. Amaute pen keima mi hi-in, kei zong amauʼ Pasian ka hi dinga, amau tawh ka thuciamnate limtakin ka zui ding hi.