Hosea 2:2 - Tedim Bible Revision 2017

² Tate aw, na nu uh zolbawl un. Amah ka zi hi nawn lo a, kei zong ama pasal ka hih nawn loh hangin a paktatna le midang tawh a mawhnate a khawl nadingin zol un.

Tedim Bible

² Tate aw, na nu uh zol bawl un. Amah in ka zi hi buang a, kei in ama pasal hi buang hilo ka hi hiam? A paktatna leh midang tawh a mawhnate a khawl nadingin zol un.

Hosea 2:2 Referans Kwoze

Isaiah 50:1

Topa in, “Amah ka ciahsakna, na nu a kimakna lai koi ah om ahi hiam? Tua ahih kei leh nang kong zuakna ka leibatnate koi pan ahi hiam? Nomau mawhna hangin note hong kizuak a, nomau khialhna hangin na nu uh kipaikhiasak hi.

Ezekiel 23:45

Amaute in nulepa mawhna bawlin mi thahna tawh zong kipelh lo uh ahih manin midikte in nulepa mawhna bawlna hang le mi thahna hangin a mawhsak ding uh hi.

Jeremiah 3:13

Na mawhna na phawk ding bek kisam hi. Topa na Pasian na langpanna, sing liim nuai khempeuh ah gamdang pasian-te tawh na khialh kawikawina le ka thu nong man lohnate pulak in, Topa in kong ci hi.

Ezekiel 16:25

Na melhoihna beelmang na kizut nelh hi. Na kimuh pih peuhpeuh tungah na pumpi na kipia a, a nini-in na paktatna na khan semsem hi.

Jeremiah 3:1

“Mi khat in a zi ma henla, tua nu in zong amah nusia-in, midang khatʼ zi va suak leh, a pasal masa in tua nu lakik thei ding ahi hiam? Tua gam teng a ninsak khin suak ding hi lo ahi hiam? Nang pen numei paktat suakin mi tampi tak tawh kingai khinzo napi-in, tu-in kei kiang hong zuankik ding na hi hiam, Topa in kong ci hi.

Hosea 2:5

A nu uh a paktat hi a, tua ahih manin amaute a paii numei, zumna mel thei loin a gamta ahi hi. Amah in, “Ka it pasal dangte kiangah ka pai ding hi. Amaute in anletui, samul puan le saihadial puan, oliv thau le zu hong pia uh hi,” a ci zaw lai hi.

Hosea 1:2

Topa in Hosea tungtawnin Israel-te tungah thu a na gen cil lai-in, amah in Hosea kiangah, “Hih gam mite kei tungah citak loin pasian dangte bia uh ahih manin, nang zong hong tul pih lo ding numei paktat khat teenpih inla, tua nu tawh ta nei in,” a ci hi.

Jeremiah 19:3

Nangmah in, ‘Judah kumpite le Jerusalem khua mite aw, Topaʼ kammal ngai un. Vanglian Topa, Israel miteʼ Pasian in hong cih in ah: En un, hih munah kong tunsak ding siatna lian lua ahih manin a za mi khempeuhteʼ bil sungah ging den ding hi.

2 KORIN NIHNA 5:16

Tua ahih manin kote in mihingteʼ ngeina zia tawh kuamah ka en nawn kei uh hi. Khris mahmah zong mihing lungsim ngaihsutna zia tawh ka et ngei uh hangin tu-in tua bangin ka ngaihsun nawn kei uh hi.

Ezekiel 23:43

Nulepa mawhna bawlin a paat ngingei sa numei khat, numei paktatte khat mah bangin a hih lailai uh hi tah a, ci-in ka ngaihsun hi.

Ezekiel 20:4

“Mihing ahi Ezekiel aw, amaute tungah thu a khen dingin na kiging nai hiam? Na kigin khit leh amaute tungah thu khen in. A pu a pate uhʼ gamtat hoih lohna teng amaute phawksak in.

Ezekiel 16:20

“Tua ciangin kei tawh na neih na tanute le tapate la-in milim biakna-in hal tum dingin na pia hi. Kei tungah na cihtak lohna thuneu lua sa a,

Jeremiah 2:2

“Pai inla, Jerusalem khua miteʼ zak dingin va taangko in. Topa in kong cih in ah: Na khangno lai-a nong kipiakna, na mothak lai-a nong itna, a kikho nai lo gamlak ah keiʼ nung nong zuih lai hun ka phawk hi.

Isaiah 58:1

Na aw siit het loin nakpi takin kiko inla, peengkul aw bangin gingsak in. Ka mihingte tungah amauʼ khialhnate gen inla, Jakob innkuan tungah amauʼ mawhnate gen in.

Hosea 2:1

Tua ahih ciangin na Israel mipihte, “Pasianʼ mi,” ci inla, “Topa in a hehpih mite,” zong ci in.

Hosea 4:5

A sun a zan cih om loin na nasepnate uh a kimanna mel om lo hi; kamsangte zong note bangmah hi lel hi. Na nu uh Israel ka susia ding hi.

Isaiah 11:12

Amah in minamte adingin lim khat koih dinga, Israel mi a kihawl khiate kaikhawmin, leitung kiu li panin Judah mi a kikhenthangte kaikhawm ding hi.

Jeremiah 3:18

Tua hun ciangin Judah mite in Israel mite hong pawlpih ding uh a, leilu lam gam salsuahna panin na pu na pate uhʼ luah dingin ka piak sa gamah a pai khawm ding uh hi.

Micah 2:13

Pasian in note ading lampi hong honsakin hong paikhiatpih ding hi. Salsuahna khuapi kulh panin pai khia-in na suakta ding uh hi. Kumpi ahi Topa mahmah in note hong makai ding hi.