Hosea 2:17 - Tedim Bible Revision 2017

¹⁷ Ama kam panin Baal pasian min ka pulaksak nawn kei dinga, a min kilo kha nawn lo ding hi.

Tedim Bible

¹⁷ Ama kam panin Baal pasian min ka pulaksak nawn kei ding a, a min kilo kha nawn lo ding hi.

Hosea 2:17 Referans Kwoze

Paikhiatna 23:13

Noteʼ tunga kong gente khempeuh thudon un; pasian dangteʼ min genin nei kei unla, na kam sung panun zong tua bangte kizasak kei un.

Late 16:4

Pasian dang a teelte in amauʼ dahna khangsak hi. Amauʼ si theh biaknate keʼn bawl pih loin, amauʼ pasian-te ka biakpih kei ding hi.

Zekhariah 13:2

Tua ni ciangin gam sung panin milim khempeuh ka phiatsiang dinga, kuamah in a milim min nangawn uh phawk kha nawn lo ding uh hi. Kamsang zuautheite zong phiatin, milim biaknopna lungsim ka beisak ding hi.

Jeremiah 10:11

Amauteʼ tungah, “Vantungte le leitung a bawl lo pasian-te, leitung mun khempeuh panin a mangthang ding uh hi,” ci-in na gen ding hi.

Paikhiatna 15:1

Tua ciangin Moses le Israel mite in Topaʼ tungah hih la sa uh a, “Topa phatna la ka sa ding hi. Amah in minthangin zo khin a, amah in sakol le a tuang pa tuipi sungah a lawn hi.

Joshua 7:26

Tua ciangin amaute in tu ni donga a om suang honpi ama tungah a ciang uh hi. Tua ciangin Topaʼ hehluatna a dai hi. Tua ahih ciangin tu dongin tua mun pen Akhor Kuam, kici hi.

Jeremiah 2:2

“Pai inla, Jerusalem khua miteʼ zak dingin va taangko in. Topa in kong cih in ah: Na khangno lai-a nong kipiakna, na mothak lai-a nong itna, a kikho nai lo gamlak ah keiʼ nung nong zuih lai hun ka phawk hi.