Hosea 2:16 - Tedim Bible Revision 2017

¹⁶ Tua ciangin kei pen, ka pasal, hong cikik dinga, kei pen, ka Baal pasian, hong ci nawn lo ding hi.

Tedim Bible

¹⁶ Tua ciangin kei pen, ka pasal, hong ci kik ding a, kei pen ka Baal pasian, hong ci nawn lo ding hi.

Hosea 2:16 Referans Kwoze

Isaiah 54:5

Bang hang hiam cih leh nangmah hong Bawlpa pen nang adingin na pasal bang hi dinga, ama min pen Vanglian Topa ahi hi. Israel-teʼ Siangtho Pa pen nang hong hon khia pa hi a, amah pen leitung buppiʼ Pasian a kici hi.

Hosea 2:7

Amah in a pasal dangte delh dinga, ahi zongin amaute kiang tung zo lo ding hi. Amah in amaute zong niloh dinga, ahi zongin mu zo lo ding hi. Tua ciangin amah in, “Ka pasal masa kiangah ciahkik ning; tu-a bangin ka om sangin ama kiang nuam zaw ding hi,” a ci ding hi.

Jeremiah 3:14

Hong kilehkik un, a zulhzau ka tate aw, Topa in kong ci hi. Bang hang hiam cih leh note pen keima mite na hi uh a, khuapi khat panin mi khat, beh khat sung panin nih cih bangin hong la-in, Zion khua ah ka hong puak ding hi.

Mangmuhna 19:7

Tuunoʼ zi neih ding hun hong tung ta a, a Lawmnu a kithawi sa-in om khin ahih manin lungdam kipakin amah phat ni.

2 KORIN NIHNA 11:2

Pasian in hong aam mahmah bangin note ka hong aam mahmah hi. Nungak le tangval nupa dingin a kigawm mah bangin khat bek ahi Khris tawh a kigawm dingin nungak siangtho bang na hi uh hi.

Johan 3:29

Mo pen zi nei ding tangvalpa ading bek ahi hi. Zineipa kiangah a ding a lawmpa in ama kampau ding bek ngai a, ama awging a zak ciangin nuam mahmah hi. Tua mah bangin tu-in ama hangin ka nuam a, keima lungdamna kicing ta hi.

Piancilna 34:3

Amah in Jakobʼ tanu Dinah hoih sa mahmah ahih manin itin kam khum takin hopih hi.

Thukhente 19:3

Tua ciangin a pasal ding khia-in kam nem tawh a hopih ding le a ciah pihkik dingin tua nuʼ nungah a pai hi. Amah in a nasem pa le a la nih tonpih hi. A sungpaʼ inn ah tunga, a sungpa in amah a muh ciangin lungdamna tawh a dawn dingin hong pai hi.

Ruth 2:13

Tua ciangin Ruth in, “Ka topa aw, kei tungah nong dik mahmah hi; bang hang hiam cih leh kei pen na nasem numeite hi lo napi-in na nasem nuʼ tungah migitna kam nong pau hi,” a ci hi.

Isaiah 40:2

Dam takin Jerusalem mite hopih un. Amauʼ gimna hun bei ta a, amauʼ mawhna kimaisakin, amauʼ khialhnate hangin Topa in a kicingin gim pia khinzo ta hi, ci-in amau tungah gen un.

Ezekiel 20:35

Note pen minam tuamtuamteʼ gamah kong paipih dinga, tua munah maitang kituahin note tungah thu kong khen ding hi.